ઈરાન સાથે ચાલી રહેલા યુદ્ધ અને પશ્ચિમ એશિયાના તણાવના કારણે ભારતના ઓટો ઉદ્યોગને ટૂંકા ગાળામાં પડકારોનો સામનો કરવો પડી શકે છે. આ અંગે સોસાયટી ઓફ ઇન્ડિયન ઓટોમોબાઈલ મેન્યુફેક્ચરર્સ (SIAM)ના અધ્યક્ષ શૈલેશ ચંદ્રાએ જણાવ્યું હતું કે પશ્ચિમ એશિયાના સંઘર્ષને કારણે કાચા તેલ અને અન્ય કોમોડિટીના ભાવમાં અસ્થિરતા, વધતા વિનિમય દર અને શિપિંગ રૂટમાં વિક્ષેપ જેવી સમસ્યાઓ ઊભી થઈ રહી છે, જે ઓટો ઉદ્યોગ માટે ચિંતાનો વિષય છે.
એન્ટિક સ્ટોક બ્રોકિંગના વિશ્લેષકોનું માનવું છે કે નજીકના સમયમાં આ સંઘર્ષના કારણે નિકાસમાં ઘટાડો થઈ શકે છે. સાથે જ બદલાતી પરિસ્થિતિઓ સપ્લાઈ ચેનને વધુ સુવ્યવસ્થિત બનાવવાની અને ઊર્જાના વિકલ્પ સ્ત્રોતોમાં વૈવિધ્ય લાવવાની જરૂરિયાત દર્શાવે છે. એપ્રિલ મહિનામાં એન્ટ્રી લેવલ સેગમેન્ટમાં ગ્રાહકોની પૂછપરછ મજબૂત રહી છે, પરંતુ તેને વાસ્તવિક વેચાણમાં રૂપાંતરિત થવામાં વધુ સમય લાગી રહ્યો છે, તેમ SIAM અધ્યક્ષે ઉમેર્યું હતું.
ઉદ્યોગના આંકડા મુજબ વિશ્વના ત્રીજા સૌથી મોટા કાર બજાર એવા ભારતમાં 2026ના નાણાકીય વર્ષ દરમિયાન ઉત્પાદકો તરફથી ડીલરોને કરવામાં આવેલા કાર વેચાણમાં 7.9% નો વધારો થઈને 46 લાખ યુનિટ સુધી પહોંચ્યો છે. ગયા નાણાકીય વર્ષમાં આ વૃદ્ધિ માત્ર 2% હતી. ગ્રાહકોના મિજાજમાં સુધારાના કારણે આ વધારો નોંધાયો છે.
સપ્ટેમ્બર 2025માં સરકારે મોટા SUV વાહનો પરના ટેક્સને 40% સુધી ઘટાડ્યા હતા, જ્યારે નાના કાર અને ટૂ-વ્હીલર્સ પરનો ટેક્સ 28%માંથી ઘટાડીને 18% કરવામાં આવ્યો હતો, જેના કારણે તમામ સેગમેન્ટમાં માંગને ટેકો મળ્યો છે. ઉદ્યોગના આંકડા મુજબ, 2026ના નાણાકીય વર્ષ દરમિયાન દેશના કુલ ઘરેલુ ટૂ-વ્હીલર વેચાણમાં 10.7% નો વધારો નોંધાયો છે, જ્યારે ગયા વર્ષે આ વૃદ્ધિ દર 9.1% હતો.
ઓટો સેક્ટરની ચિંતાના મુખ્ય કારણો
ઉદ્યોગ મંડળ (SIAM) ના જણાવ્યા અનુસાર, આ સંઘર્ષને કારણે સર્જાયેલી અનિશ્ચિતતા અનેક રીતે ઓટોમોબાઈલ ક્ષેત્રને અસર કરી રહી છે:
ભારતીય ઓટોમોબાઈલ ઉદ્યોગ હાલમાં એક તરફ સરકારી રાહતોને કારણે મજબૂત છે, પરંતુ બીજી તરફ વૈશ્વિક યુદ્ધની સ્થિતિ તેને સપ્લાય ચેઈન અને નિકાસના મોરચે નબળી પાડી શકે છે.
.jpg)
