સ્મોલકેપ ઓઇલ કંપની CIAN એગ્રો ઇન્ડસ્ટ્રીઝ એન્ડ ઇન્ફ્રાસ્ટ્રક્ચર લિમિટેડના શેરે સતત 13મા દિવસે તેજી બતાવતા 5 ટકાની છલાંગ લગાવી અને 701.50 રૂપિયાના નવા ઓલ ટાઈમ હાઇ સ્તરને સ્પર્શી લીધું. કંપનીએ માત્ર એક વર્ષમાં 520 ટકાથી વધુ વળતર આપીને રોકાણકારોને હેરાન કરી દીધા છે.
BSE પર સેશન દરમિયાન લગભગ 15,000 શેરનું ટ્રેડિંગ થયું હતું, જે 2 અઠવાડિયાના સરેરાશ વોલ્યૂમ 30,000 કરતા ઓછું હતું. છતા ટર્નઓવર 1.03 કરોડ રૂપિયા સુધી પહોંચી ગયું અને કંપનીનું માર્કેટ કેપ 1963.21 કરોડ રૂપિયા થઇ ગયું. એક્સચેન્જે આ શેરને વધારાના દેખરેખ ઉપાય એટલે કે ASM સ્ટેજ-4 હેઠળ નાખી દીધો છે, જેથી રોકાણકારોને ઝડપથી વધતી કિંમતો અને અસ્થિરતાને લઈને સતર્ક કરી શકાય.
નાણાકીય પ્રદર્શનની વાત કરીએ તો કંપનીએ જૂન ક્વાર્ટર (Q1 FY26)માં જબરદસ્ત પરિણામો બતાવ્યા હતા. કંપનીનો કોન્સોલિડેટેડ નેટ પ્રોફિટ વધીને 52.21 કરોડ રૂપિયા પહોંચી ગયો છે, જ્યારે એક વર્ષ અગાઉ આ આંકડો માત્ર 9.79 લાખ રૂપિયા હતો. આવક પણ 510.80 કરોડ થઈ હતી, જે ગયા વર્ષના આ સમયગાળામાં માત્ર 17.47 કરોડ રૂપિયા હતી.
ટેક્નિકલ એનાલિસિસના હિસાબે આ શેર તમામ મહત્ત્વપૂર્ણ મૂવિંગ એવરેજ (5 દિવસથી 200 દિવસ સુધી) ઉપર ટ્રેડ કરી રહ્યો છે. 14 દિવસનો RSI 46.18 છે, જે તટસ્થ સ્થિતિ દર્શાવે છે એટલે કે, અત્યારે શેર ઓવરબોટ અથવા ઓવરસોલ્ડ ઝોનમાં નથી.
જોકે, સ્ટોકનું વેલ્યૂએશન ખૂબ મોંઘું છે. હાલના સમયમાં, તે P/E 2262.90 અને P/B 22 પર ટ્રેડ કરી રહ્યો છે. કંપનીનો EPS માત્ર 0.31 છે અને રિટર્ન ઓફ ઇક્વિટી 0.98 છે. એટલે કે, વર્તમાન કિંમતો પર સ્ટોકને ઓવરવેલ્યૂડ માનવમાં આવી રહ્યો આવે છે. જૂન 2025 સુધી કંપનીમાં પ્રમોટરોનો હિસ્સો 67.67 ટકા હતો. ખાસ વાત એ છે કે કંપનીના મેનેજિંગ ડિરેક્ટર નિખિલ ગડકરી કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીના પુત્ર છે.
15.jpg)
