શેરબજાર હાલમાં ઝડપી અને સતત અસ્થિરતાના સમયગાળામાંથી પસાર થઈ રહ્યું છે. દર અઠવાડિયે નવી કંપનીઓ IPO લોન્ચ કરી રહી છે, જેથી રોકાણકારો માટે નવી તકોનું સર્જન કરી રહી છે. આ અનુસંધાને આગામી અઠવાડિયું મહત્ત્વપૂર્ણ રહેશે કારણ કે 19 થી 21 નવેમ્બર દરમિયાન બે નવા IPO, Excelsoft Technologies અને Guillard Steel ખુલવાના છે. તેની સાથે જ 18 થી 21 નવેમ્બર દરમિયાન 7 કંપનીઓ શેરબજારમાં લિસ્ટેડ થશે, જેનાથી બજારમાં વધુ હિલચાલ જોવા મળશે.
આ IPO ખુલશે
IPO બજારમાં આવનારો પહેલો ઇશ્યૂ Excelsoft Technologiesનો છે. આ કંપની SaaS એટલે કે સોફ્ટવેર એજ અ સર્વિસ મોડેલ પર કાર્ય કરે છે અને શિક્ષણ અને પરીક્ષાઓ સંબંધિત ટેક્નિકલી સેવાઓ પૂરી પાડે છે. કંપનીનો IPO 19 નવેમ્બરે ખુલશે અને 21 નવેમ્બરે બંધ થશે. આ ઇશ્યૂ માટે પ્રાઇસ બેન્ડ 114-120 રૂપિયા નક્કી કરવામાં આવી છે. લગભગ 500 કરોડ રૂપિયાના આ ઇશ્યૂમાં 180 કરોડ રૂપિયાના નવા શેરનો જાહેર કરવામાં આવશે, જ્યારે 320 કરોડ રૂપિયાનો હિસ્સો ઓફર ફોર સેલ હશે.
કંપની એકત્ર કરાયેલા ભંડોળનો ઉપયોગ નવી જમીન ખરીદવા, ઇમારતો બનાવવા, તેના IT ઇન્ફ્રાસ્ટ્રક્ચરને મજબૂત બનાવવા અને અન્ય કોર્પોરેટ જરૂરિયાતોને પૂર્ણ કરવા માટે કરશે. એક્સેલસોફ્ટ પાસે મજબૂત વૈશ્વિક ઉપસ્થિતિ પણ છે, જે 19 દેશોમાં 76 ગ્રાહકોને સેવા આપે છે, જેમાં પીયર્સન એજ્યુકેશન અને AQA એજ્યુકેશન જેવા મુખ્ય નામોનો સમાવેશ થાય છે.
ગલાર્ડ સ્ટીલનો IPO
બીજો IPO ગલાર્ડ સ્ટીલનો છે, જે એન્જિનિયર્ડ સ્ટીલ કાસ્ટિંગનું ઉત્પાદન કરે છે અને રેલ્વે, સંરક્ષણ, પાવર અને ઔદ્યોગિક ક્ષેત્રોમાં સપ્લાય કરે છે. કંપનીનો SME IPO પણ 19 થી 21 નવેમ્બર સુધી ખુલ્લો રહેશે. તેનું કુલ સાઇઝ 37.50 કરોડ રૂપિયા છે, જે પૂરી રીતે ફ્રેશ ઇશ્યૂ હશે. આ IPO માટે પ્રાઇસ બેન્ડ 142 થી 150 રૂપિયા નક્કી કરવામાં આવ્યો છે અને SME સેગમેન્ટને કારણે લઘુત્તમ લોટ સાઈઝ 2000 શેર નક્કી કરવામાં આવ્યો છે. કંપની ભંડોળનો ઉપયોગ તેના ઉત્પાદન એકમના વિસ્તરણ, નવી ઓફિસ બનાવવા, કેટલાક દેવાની ચૂકવણી અને સામાન્ય કોર્પોરેટ ખર્ચાઓને પૂર્ણ કરવા માટે કરશે. જ્યારે SME IPOમાં વૃદ્ધિ સંભાવનાઓ વધુ હોય છે, પરંતુ તેની સાથે જોખમ પણ વધારે હોય છે.
આ ઇશ્યૂ લિસ્ટ થશે
IPOના મોરચે આગામી અઠવાડિયું પણ લિસ્ટિંગ માટે વ્યસ્ત રહેવાનું છે. કુલ 7 કંપનીઓ 18 થી 21 નવેમ્બર દરમિયાન સ્ટોક એક્સચેન્જ પર લિસ્ટિંગ કરશે. 18 નવેમ્બરે ફિઝિક્સવાલા, MV ફોટોવોલ્ટેઇક, મહામાયા લાઇફસાયન્સ અને વર્કમેટ્સ કોર2ક્લાઉડ માટે લિસ્ટિંગ થશે. ત્યારબાદ 19 નવેમ્બરે ટેનેકો ક્લીન એર, 20 નવેમ્બરે ફુજિયામા પાવર સિસ્ટમ્સ અને 21 નવેમ્બરે કેપિલરી ટેક્નોલોજીસની લિસ્ટિંગ નિર્ધારિત છે. આ કંપનીઓ એડટેક, ફાર્મા, ઇલેક્ટ્રિક વાહનો, સોલાર, ઓટો પાર્ટ્સ અને SaaS જેવા વિવિધ ક્ષેત્રોમાંથી આવે છે, જેહી રોકાણકારો માટે વિવિધ વિકલ્પો ઉપલબ્ધ હશે.
15.jpg)
