'હજુ ટ્રમ્પનું કામ બાકી છે, પૂરું નથી થયું...' હવે રોકાણકારોને કંઈ વાતનો ડર લાગી રહ્યો છે?

અમેરિકા, યુરોપિયન અને ભારતીય બજારોમાં ભારે ઘટાડો થયો છે, જેના કારણે ભય વધ્યો છે અને વૈશ્વિક સ્તરે ભયાનક પરિસ્થિતિનું નિર્માણ થયું છે. આ અઠવાડિયું વોલ સ્ટ્રીટ માટે 2020 પછીનું સૌથી ખરાબ અઠવાડિયું માનવામાં આવે છે. છેલ્લા બે ટ્રેડિંગ સત્રોમાં US શેરબજારમાં લગભગ 10 ટકાનો ઘટાડો થયો છે. આ પરિસ્થિતિથી રોકાણકારો ડરી ગયા છે.

બજારના નિષ્ણાતો કહે છે કે, FII પણ સમજી શકતા નથી કે અત્યારે ક્યાં રોકાણ કરવું. આ દરમિયાન, રોકાણકાર બસંત મહેશ્વરીએ એક્સ પર પોસ્ટ કરી અને લખ્યું કે, અમેરિકાનો મુક્તિ દિવસ હવે ન્યાય દિવસ બની ગયો છે. તેમણે કહ્યું કે ટ્રમ્પનું કામ હજુ પૂરું થયું નથી. આ એક ઐતિહાસિક સંપત્તિના વિનાશની યાદ અપાવે છે, જે વધતા જતા વેપાર યુદ્ધના ભાર હેઠળ થઈ શકે છે. મહેશ્વરી કહે છે કે વેપાર યુદ્ધને કારણે વધુ વિનાશ થવાની શક્યતા છે.

US-Market
aajtak.in

મીડિયા સૂત્રના અહેવાલ મુજબ, 48 કલાકથી ઓછા સમયમાં, US રાષ્ટ્રપતિ ડોનાલ્ડ ટ્રમ્પે ટેરિફમાં એક સદી કરતાં વધુ સમયગાળાના ઉચ્ચતમ સ્તર પર વધારો કર્યો. ચીને અમેરિકાની બધી આયાત પર 34 ટકા ટેરિફ લાદીને પ્રતિક્રિયા આપી, જેનાથી વૈશ્વિક વેપાર યુદ્ધ વધ્યું અને રોકાણકારોનો વિશ્વાસ ડગમગી ગયો.

બે દિવસમાં US માર્કેટમાંથી 5 ટ્રિલિયન ડૉલરથી વધુનું ધોવાણ થયું છે. નાસ્ડેક ડિસેમ્બરની ટોચથી 20 ટકાથી વધુ ઘટ્યો છે, જેના કારણે બજારમાં મંદી જેવી સ્થિતિ આવી ગઈ છે. ટ્રમ્પ સત્તામાં આવ્યા ત્યારથી, U.S. ઇક્વિટી મૂલ્યમાં આશરે 9 ટ્રિલિયન ડૉલરનો ઘટાડો થયો છે.

US-Market
aajtak.in

અન્ય બજારો પણ આનાથી અછૂતા રહ્યા ન હતા. ચિપ સ્ટોક 7 ટકા ઘટ્યો, તેલ 10 ટકા ઘટ્યું અને બ્રેન્ટ ક્રૂડ 62 ડૉલર પ્રતિ બેરલના ચાર વર્ષના નીચલા સ્તરે પહોંચ્યું. ફિલાડેલ્ફિયા સેમિકન્ડક્ટર ઇન્ડેક્સ હવે તેના ઉચ્ચતમ સ્તરથી 40 ટકા નીચે છે. 'મેગ્નિફિસન્ટ સેવન' ETF અત્યાર સુધીના સૌથી ખરાબ અઠવાડિયામાં 10 ટકા ઘટ્યો.

ફેડરલ રિઝર્વના ચેરમેન જેરોમ પોવેલે 'વધેલા જોખમો'નો ઉલ્લેખ કરીને સાવચેતીભર્યું વલણ જાળવી રાખ્યું હતું, પરંતુ તાત્કાલિક કોઈ પગલાં લીધાં નહીં. તેમણે કહ્યું છે કે, ટેરિફને કારણે ફુગાવો વધવાનો ભય છે. આવી સ્થિતિમાં, બજારો હવે આ વર્ષે જૂનથી ચાર વ્યાજ દરમાં ઘટાડાની અપેક્ષા રાખી રહ્યા છે. કેટલાક વેપારીઓ અપેક્ષા રાખે છે કે, જો ઉથલપાથલ ચાલુ રહેશે તો ફેડ વધુ વહેલા કાર્યવાહી કરશે.

Donald-Trump
aajtak.in

JP મોર્ગને તેને '1968 પછીનો સૌથી મોટો US ટેક્સ વધારો' ગણાવ્યો અને ચેતવણી આપી કે, વૈશ્વિક મંદી આવવાની શક્યતા રહેલી છે. બાર્કલેઝને અપેક્ષા છે કે, ચોથા ક્વાર્ટરમાં US GDP ઘટશે, જ્યારે ફુગાવો 4 ટકા ને વટાવી જશે. સિટીએ યુરોઝોન અને ચીન બંને માટે GDPમાં 1 ટકાનો ઘટાડો થવાની આગાહી કરી છે.

VIX (વોલ સ્ટ્રીટનો ભય સૂચકાંક) પાંચ વર્ષમાં તેના ઉચ્ચતમ સ્તરે પહોંચ્યો. યુરોપમાં, સ્વિસ બોન્ડ્સ પણ થોડા સમય માટે નકારાત્મકમાં ગયો હતો, જે બજારની ઊંડી ચિંતાનો એક દુર્લભ સૂચક છે.

સોમવારે પણ બજાર પર અસર પડી શકે છે, કારણ કે ઘણા દેશો ટેરિફ અંગે તેમની નીતિઓ બહાર પાડી શકે છે. તેની અસર ભારત સહિત વિશ્વભરના શેરબજારોમાં જોવા મળી શકે છે.

નોંધ: કોઈપણ શેરબજારમાં શેરની અંદર નાણાકીય રોકાણ કરતા પહેલા, તમારે ચોક્કસપણે તમારા નાણાકીય સલાહકારની મદદ લેવી જોઈએ.

About The Author

Related Posts

Top News

ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

તારીખ: 21-05-2025 દિવસ: બુધવાર મેષ: તમારો વધતો ખર્ચ આજે તમારા માટે પરેશાનીનું કારણ બનશે, પરંતુ તમારે તેના માટે તમારા જમા...
Astro and Religion 
ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

મનરેગા કૌભાંડ: મંત્રી બચુ ખાબડના 2 પુત્રો પછી હવે ભાણેજ પણ પકડાયો

દાહોદના દેવગઢ બારિયા અને ધનપુર તાલુકાના મનરેગા કૌભાંડમાં પરિવારવાદ જોવા મળ્યો છે. 71 કરોડ રૂપિયાના કૌભાંડમાં ગુજરાતના મંત્રી બચુ ખાબડના...
Gujarat 
મનરેગા કૌભાંડ: મંત્રી બચુ ખાબડના 2 પુત્રો પછી હવે ભાણેજ પણ પકડાયો

સાચવજો, 21મેથી ગુજરાતમાં તોફાની કમોસમી વરસાદનો બીજો રાઉન્ડ શરૂ થશે

ગુજરાતમાં તોફાની વરસાદનો બીજો રાઉન્ડ 21મેથી શરૂ થવાની સંભાવના છે. અરબી સમુદ્ધમાં અપરએર સાયક્લોનિક સર્ક્યુલેશન સીસ્ટમ સક્રીય બની છે કે...
Gujarat 
સાચવજો, 21મેથી ગુજરાતમાં તોફાની કમોસમી વરસાદનો બીજો રાઉન્ડ શરૂ થશે

'સમજૂતી પછી જ યુ*દ્ધવિરામ પર ચર્ચા થશે...', યુક્રેનમાં યુ*દ્ધવિરામ પર ટ્રમ્પ સાથેની વાતચીતમાં પુતિને કહ્યું

અમેરિકાના રાષ્ટ્રપતિ ડોનાલ્ડ ટ્રમ્પે રશિયાના રાષ્ટ્રપતિ વ્લાદિમીર પુતિનને ફોન કરીને યુક્રેનમાં યુદ્ધવિરામ અંગે ચર્ચા કરી. અહેવાલ મુજબ તેમને પૂછવામાં આવ્યું...
World 
'સમજૂતી પછી જ યુ*દ્ધવિરામ પર ચર્ચા થશે...', યુક્રેનમાં યુ*દ્ધવિરામ પર ટ્રમ્પ સાથેની વાતચીતમાં પુતિને કહ્યું
Copyright (c) Khabarchhe All Rights Reserved.