જાન્યુઆરીમાં એક સમાચાર આવ્યા હતા કે, IIT બોમ્બેના 85 વિદ્યાર્થીઓને દર વર્ષે 1 કરોડ રૂપિયાની નોકરીની ઓફર મળી છે. નવીનતમ અપડેટ એ છે કે, આ વર્ષે ઇન્ડિયન ઇન્સ્ટિટ્યૂટ ઑફ ટેક્નોલોજી, બોમ્બે (IIT બોમ્બે)ના 36 ટકા વિદ્યાર્થીઓને હજુ સુધી કોઈ નોકરી મળી નથી. હકીકતમાં, આ દિવસોમાં IIT બોમ્બેમાં પ્લેસમેન્ટ ચાલી રહ્યા છે, જેમાં ભારત અને વિદેશની જાણીતી કંપનીઓએ ભાગ લીધો છે. એવા સમાચાર છે કે, પ્લેસમેન્ટમાં ભાગ લેવા માટે નોંધાયેલા 36 ટકા વિદ્યાર્થીઓને હજુ સુધી નોકરીની ઓફર મળી નથી. મીડિયા સૂત્રોના અહેવાલ મુજબ, IIT બોમ્બેના 2000 નોંધાયેલા વિદ્યાર્થીઓમાંથી, લગભગ 712ને આ સત્રમાં હજુ સુધી કોઈ પ્લેસમેન્ટ મળ્યું નથી. ગ્લોબલ IIT એલ્યુમની સપોર્ટ ગ્રુપ ધીરજ સિંહે આ ડેટા શેર કર્યો છે. પ્લેસમેન્ટની પ્રક્રિયા હાલમાં IIT બોમ્બેમાં ચાલી રહી છે જે મે 2024 સુધી ચાલુ રહેશે.
IIT બોમ્બેમાં કોમ્પ્યુટર સાયન્સ અને એન્જિનિયરિંગ શાખાની સૌથી વધુ માંગ છે. દર વર્ષે આ શાળાના વિદ્યાર્થીઓને 100 ટકા પ્લેસમેન્ટ મળે છે. પરંતુ આ બ્રાન્ચના વિદ્યાર્થીઓને પ્લેસમેન્ટ ન મળ્યું હોય તેવી આ પ્રથમ ઘટના છે.
ગયા વર્ષે, IIT બોમ્બેના 32.8 ટકા વિદ્યાર્થીઓ નોકરી મેળવી શક્યા ન હતા. આ વર્ષે એવા વિદ્યાર્થીઓની સંખ્યામાં 2.8 ટકાનો વધારો થયો છે, જેઓ અત્યાર સુધી પ્લેસમેન્ટ મેળવી શક્યા નથી. નોંધાયેલા 2,209 વિદ્યાર્થીઓમાંથી 1,485 વિદ્યાર્થીઓએ પ્લેસમેન્ટ મેળવ્યું હતું. રિપોર્ટમાં કહેવામાં આવ્યું છે કે, IIT-Bombayના પ્લેસમેન્ટ સેલના અધિકારીઓએ કહ્યું હતું કે, વૈશ્વિક આર્થિક મંદીને કારણે પ્લેસમેન્ટ સીઝન માટે કંપનીઓને બોલાવવી મુશ્કેલ બની ગઈ છે.
તાજેતરની પ્લેસમેન્ટ સીઝનમાં, વૈશ્વિક આર્થિક મંદી વચ્ચે ઘણી IITsમાં વિદ્યાર્થીઓને નોકરીની ઓફર કરવા માટે આવતા રિક્રૂટર્સની સંખ્યામાં અને પ્રકારમાં થોડો ઘટાડો જોવા મળ્યો છે.
IITમાં પ્લેસમેન્ટ સેલ સાથે સંકળાયેલા એક ફેકલ્ટી મેમ્બરે કહ્યું કે, 'PPO બનાવવામાં આવી રહ્યા છે, પરંતુ ઘણી ઈન્ટરનેશનલ કંપનીઓ હજુ આગળ આવી નથી, તેઓ સિઝનના અંતમાં આવી શકે છે. અમેરિકા અને બ્રિટનની કેટલીક કંપનીઓ તેમના દેશની બહારના પ્રોજેક્ટ્સમાં રોકાણ કરવા માગતી નથી, તેથી તેઓ હજુ સુધી પ્લેસમેન્ટ માટે આવી નથી.'
રાહુલ ગાંધીના નિવેદનો જ કોંગ્રેસ પક્ષને હરાવે ડૂબાડે છે 
-copy-recovered.jpg)
