એક મોડલ કહે છે કે તે એટલી સુંદર છે કે લોકો તેને જોતા જ રહે છે. જીમ હોય કે બજાર, તેને આ મુશ્કેલીનો સામનો કરવો પડે છે. આવી સ્થિતિમાં તે હવે લાખો રૂપિયા ખર્ચીને પોતાના માટે બોડીગાર્ડ રાખવાનું વિચારી રહી છે, જેથી તે શાંતિથી જીવી શકે. સોશિયલ મીડિયા પર પોતે મોડલ મોનિકા હલ્ડે પોતાનો આપવીતી શેર કરી છે.
37 વર્ષની મોનિકા અમેરિકાના એરિઝોનાની રહેવાસી છે. તે એક બોડીગાર્ડ રાખવાનું વિચારી રહી છે કારણ કે પુરુષો તેને જીમમાં જોવાનું બંધ નથી કરતા. મોનિકા ઈચ્છે છે કે તેનો બોડીગાર્ડ એવો હોવો જોઈએ જે લોકોને ડરાવી શકે.
તે અઠવાડિયામાં પાંચ દિવસ વર્કઆઉટ કરે છે, પરંતુ ઘણીવાર જીમમાં પુરુષો તેને જોતા હોય છે. કેટલાક લોકો તેની સાથે વાત કરવા માટે ઉત્સુક હોય છે તો કેટલાક તેના બિનજરૂરી વખાણ કરતા રહે છે. લોકો કોઈ ને કોઈ બહાનું કરીને તેની નજીક આવવાનો પ્રયત્ન કરે છે. આનાથી મોનિકાનું ધ્યાન ભંગ થાય છે અને તે જીમમાં ધ્યાન કેન્દ્રિત કરી શકતી નથી.
આ અંગે તેણે 'ડેઈલી સ્ટાર' સાથેની વાતચીતમાં કહ્યું - હું એવા વ્યક્તિ માટે ખુશી-ખુશી 3,000 ડોલર(રૂ. 2 લાખ 45 હજાર) દર મહિને આપીશ, જે સારું કામ કરતો હોય અને લોકોને ડરાવી શકતો હોય. મોનિકા કહે છે- વ્યાયામ કરવું મારા માટે ખૂબ જ જરૂરી છે. હું આ માત્ર મારા શારીરિક સ્વાસ્થ્ય માટે જ નહીં પણ મારા માનસિક સ્વાસ્થ્ય માટે પણ કરું છું.
મોનિકા પરણીત છે અને તેના પતિ જોન સાથે રહે છે. તે સોશિયલ મીડિયા પર ઘણી એક્ટિવ રહે છે. ઇન્સ્ટાગ્રામ પર તેને 3 લાખથી વધુ લોકો ફોલો કરે છે. અહીં મોનિકા પોતાની ગ્લેમરસ તસવીરો પોસ્ટ કરતી રહે છે. પરંતુ સોશિયલ મીડિયા પર પણ લોકો તેની સાથે ફ્લર્ટ કરવાનું છોડતા નથી.
જો કે, મોનિકા સ્વીકારે છે કે જ્યારે કોઈ તેની સુંદરતાના વખાણ કરે છે ત્યારે તેને તે ગમે છે પરંતુ તે દરેક સમયે પસંદ નથી કરતી. તે કેટલીકવાર ફક્ત એકલી રહેવા માંગે છે જેથી તે જીમમાં અને બહાર શાંતિથી તેનું કામ કરી શકે. આ માટે તે બોડીગાર્ડ રાખશે.
15.jpg)
