ઘણીવાર એવુ થાય છે કે, હોટ અને બોલ્ડ સીન કરતી વખતે હીરો અને હીરોઈન પોતાના પર કાબૂ નથી રાખી શકતા અને સીનમાં જ ખોવાઈ જાય છે. ઘણીવાર તો તેમને એ પણ જાણ નથી થતી કે ડાયરેક્ટરે ક્યારે કટ બોલી દીધુ? આ પ્રકારના ડેડીકેશનના ક્યારેક લોકો વખાણ કરે છે પરંતુ, ઘણીવાર આટલું વધુ ડેડીકેશન શરમનું કારણ બની જાય છે. કંઈક આવુ જ હાલમાં જ એક્ટ્રેસ સોનાલી રાઉત અને યુવરાજ પરાશર સાથે થયુ.
મિડ-ડે માં છપાયેલા એક સમાચાર અનુસાર, સોનાલી રાઉત અને યુવરાજ પરાશર પોતાની આવનારી એક વેબ સીરિઝ લવ લાઈફ એન્ડ સ્ક્રૂ અપ્સ માટે એક ઈન્ટિમેટ સીનનું શૂટિંગ કરી રહ્યા હતા. આ સીનને લઈને સોનાલી રાઉત અને યુવરાજ પરાશર પહેલા ખચકાટ અનુભવી રહ્યા હતા. કારણ કે, બંનેએ પહેલા ક્યારેય આ પ્રકારનો બોલ્ડ અને ઈન્ટિમેટ સીન શૂટ કર્યો ન હતો.
એવુ જ વિચારીને સોનાલી રાઉત અને યુવરાજ પરાશરે ફિલ્મના ડાયરેક્ટરને કહ્યું કે, તેઓ એક જ ટેકમાં આ સીનને શૂટ કરશે. ડાયરેક્ટર માની ગયા અને કહ્યું કે, જ્યાં સુધી કટ ના બોલવામાં આવે ત્યાં સુધી શૂટ ચાલવા દો. પરંતુ, જેવો શાવર ઓન કરવામાં આવ્યો અને શૂટ શરૂ થયુ, સોનાલી રાઉત અને યુવરાજ પરાશર તે ઈન્ટિમેટ સીનમાં એટલા ઘૂસી ગયા કે તેમને ખબર જ ના પડી કે ક્યારે ડાયરેક્ટરે કટ બોલ્યું. જ્યારે કટ બોલવા પર પણ સોનાલી અને યુવરાજ ના અટક્યા તો ડાયરેક્ટરે કેમેરામેનને કહ્યું કે તે કેમેરો ઓન રાખે કારણ કે, તેમને એ જ ફૂટેજ મળી રહ્યા હતા જે તેમને જોઈતા હતા.
જ્યારે ડાયરેક્ટરનું કામ પૂર્ણ થઈ ગયુ તો તેઓ સોનાલી અને યુવરાજના કાનની પાસે જઈને ધીમેથી ફરીથી કટ બોલ્યા. જેવા સોનાલી અને યુવરાજને એ વાતનો એહસાસ થયો કે તેઓ આ ઈન્ટિમેટ સીનમાં એટલા ખોવાઈ ગયા હતા કે ડાયરેક્ટર દ્વારા બોલવામાં આવેલું કટ પણ સાંભળી ના શક્યા તો તેઓ ખૂબ જ ક્ષોભમાં મુકાઈ ગયા. જોકે, તેઓ એ વાતને લઈને ખુશ હતા કે શૂટ ડાયરેક્ટરને જે જોઈતું હતું તે તેમને મળી ગયું.
15.jpg)
