ફરાહે કહ્યુ-આ છોકરીને ફાલતુ ડ્રેસિંગ માટે ફટકાર લગાવો, ઉર્ફીએ આપ્યો જડબાતોડ જવાબ

ઉર્ફી જાવેદ બોલ્ડ અને સિઝલિંગ હોવાની સાથોસાથ ખૂબ જ બિંદાસ પણ છે. ઉર્ફી મોટાભાગે પોતાના અતરંગી અને રિવીલિંગ કપડાંને લઈને ટ્રોલર્સના નિશાના પર રહે છે, છતા તે એ જ પેહેરે છે, જે તેને પસંદ છે. પોતાના કપડાંને લઈને ઉર્ફી કોઈની પણ દખલઅંદાજી પસંદ નથી કરતી. હવે ઉર્ફીએ પોતાના કપડાંને ઘટિયા કહેવા પર સુઝેન ખાનની બહેન ફરાહ ખાન અલીને જડબાતોડ જવાબ આપ્યો છે. સુઝેન ખાનની બહેન ફરાહ ખાન અલીએ ઉર્ફી જાવેદના ડ્રેસિંગ સેન્સથી કંટાળીને એક ટ્વીટ કર્યું હતું. ઉર્ફી જાવેદના ફેશન પર વ્યંગ કરતા ફરાહ અલી ખાને લખ્યું હતું- કેહેતા માફી માગુ છું પરંતુ, આ યંગ છોકરીને તેના ફાલતુ ડ્રેસિંગ માટે ફટકાર લગાવવાની જરૂર છે. લોકો તેની મજાક કરી રહ્યા છે અને તે વિચારે છે કે લોકો તેના ડ્રેસઅપને પસંદ કરે છે. આશા કરું છું, કોઈ તેને આ વાત જણાવે.

ફરાહ ખાન અલીની આ કમેન્ટ બાદ ઉર્ફી જાવેદ પણ ચુપ ના બેઠી. તેણે પોતાની ઈન્સ્ટા સ્ટોરી પર ઘણી બધી નોટ લખીને ફરાહને જડબાતોડ જવાબ આપ્યો છે. ઉર્ફી જાવેદે પોતાની પહેલી સ્ટોરીમાં ફરાહ ખાન અલીના ટ્વીટનો સ્ક્રીનશૉટ શેર કરીને લખ્યું- ફરાહ ખાન અલી મૈમ, ટેસ્ટફુલ ડ્રેસિંગ આખરે શું હોય છે? પ્લીઝ મારા માટે તેને ડિફાઈન કરો. મને ખબર છે કે, હું જે રીતે ડ્રેસઅપ કરું છું તે લોકોને પસંદ નથી. હું કોઈ બબલમાં નથી જીવી રહી, પરંતુ હું લોકોના અભિપ્રાયની દરકાર નથી કરતી.

ઉર્ફીએ આગળ લખ્યું- તમે ડિઝાઈનર કપડાં પહેરો છો તો તે ટેસ્ટફુલ થઈ જાય છે? તમારા સગા-સંબંધીઓએ એવી ફિલ્મો પ્રોડ્યૂસ કરી છે, જેમા આઈટમ નંબર્સમાં મહિલાઓ ખૂબ જ નાના કપડાં પહેરી ચુકી છે. શું તે ટેસ્ટફુલ હતું? એક આઈટમ નંબર માટે કોઈ મહિલાની બોડીને સેક્સુલાઈઝ કરવી યોગ્ય છે? તમારે આ બધુ કરવાની જરૂર નહોતી. સ્ટારકિડ્સ જે ઈચ્છે છે તે પહેરી શકે છે અને તે ટેસ્ટફુલ હોય છે.

પોતાની બીજી સ્ટોરીમાં ઉર્ફીએ ફરીથી ફરાહ ખાન અલીને જવાબ આપતા લખ્યું- તમે કહ્યું કે, લોકોને મારી ડ્રેસિંગ સેન્સ નથી પસંદ, તો મારે બદલી નાંખવી જોઈએ. તમારી ફેમિલી વિશે લોકો પાસે ઘણું બધુ છે બોલવા માટે. શું તેને સાંભળીને તમારી ફેમિલી પોતાને બદલે છે? સ્ટારકિડ્સ પણ ટ્રોલ થાય છે પોતાની ડ્રેસિંગ સેન્સ માટે, શું તમે તેમને પોતાની સ્ટાઈલ બદલવા માટે કહેશો? ભવિષ્યમાં લોકો તમારા બાળકોને કેહશે કે તેમને તમારા બાળકોનો ચેહરો નથી પસંદ, તો તેને બદલી નાંખવો જોઈએ? શું લોજિક છે. તમે તમારી દીકરીને આ શીખવશો? તમારા જેવી મહિલા પાસેથી આવી આશા નહોતી. મેં તમને કોઈ સ્ટારકિડને પબ્લિકલી આવી સલાહ આપતા નથી જોયા.

ઉર્ફીએ પોતાની ત્રીજી સ્ટોરીમાં ફરાહ ખાન અલીનો એક ફોટો શેર કર્યો છે, જેમા તે બ્લેક બિકિનીમાં દેખાઈ રહી છે. આ સાથે જ ઉર્ફીએ લખ્યું- કોઈ મહિલાને નીચી ના બતાવવી જોઈએ, પરંતુ દોગલાપણું જોઈને મને ગુસ્સો આવે છે. તમે જે ઈચ્છો તે પહેરી શકો છો. કંઈ પણ પોસ્ટ કરી શકો છો. તે ટેસ્ટફુલ છે. પરંતુ, જે હું પહેરું છું તે ટેસ્ટફુલ નથી?