આધ્યાત્મિક ગુરુ સદ્દગુરુ જગ્ગી વાસુદેવે ગુરુવારે ચીની અધિકારીઓને એક લાગણીશીલ અપીલ કરી. તેમણે કહ્યું કે તેમને અને તેમની સ્વયંસેવકોની ટીમના કેટલાક સભ્યોને તિબેટના ગ્યારોંગ જવાની મંજૂરી આપવામાં આવે. બુધવારે નેપાળની સરહદે આવેલા આ શહેરમાં ફરી વળેલા ભારે પૂર પછી તેમના જૂથના 80 શ્રદ્ધાળુઓ ગુમ થઈ ગયા હતા. તેઓ કૈલાશ યાત્રાથી પાછા ફરી રહ્યા હતા અને એક ઇમિગ્રેશન સેન્ટરમાં રોકાયા હતા ત્યારે અચાનક પાણીનો પ્રવાહ ઇમારતમાં ઘૂસી ગયો. સદ્દગુરુએ જણાવ્યું કે પૂર પછી તેમને કોઈ માહિતી મળી નથી અને આનાથી તેઓને ખૂબ પીડા થઇ છે.
સદ્દગુરુએ અધિકારીઓને લખેલા પત્રમાં જણાવ્યું હતું કે, તેઓ અને ગુમ થયેલા લોકોના પરિવારો ગ્યારોંગ જઈને શોધ કામગીરીમાં મદદ કરવા માંગે છે. તેમણે સ્પષ્ટતા કરી હતી કે, આનાથી બચાવ ટીમના કાર્યમાં કોઈ અવરોધ નહીં આવે, પરંતુ તેઓ ફક્ત પરિવારોના સભ્યોને શોધવામાં મદદ કરવા માંગે છે. સદ્દગુરુ હાલમાં સાકામાં છે અને તેમણે ત્યાંથી ગ્યારોંગ જવાની પરવાનગી માંગી છે.
આ ઉપરાંત, સદ્દગુરુએ સોશિયલ મીડિયા પર એક ભાવનાત્મક વીડિયો શેર કર્યો, જેમાં તેઓ ગુમ થયેલા લોકોની યાદી વાંચતી વખતે રડી પડ્યા. તેમણે જણાવ્યું કે ગુમ થયેલા લોકોમાંથી 22 USના, 12 કેનેડાના, 11 ઓસ્ટ્રેલિયાના, 9 બ્રિટનના અને 4 જર્મનીના છે. કુલ 80 લોકો ગુમ છે, જેમાં 34 પુરુષો અને બાકીની મહિલાઓનો સમાવેશ થાય છે. આ જૂથમાં 3 સ્વયંસેવકો અને એક ડૉક્ટરનો પણ સમાવેશ થાય છે.
https://twitter.com/SadhguruJV/status/2092827271065387135
નેપાળ-તિબેટ સરહદ નજીક ગ્લેશિયર હિમપ્રપાતને કારણે પૂર આવ્યું હતું, જેના કારણે સમગ્ર પ્રદેશમાં ભારે વિનાશ થયો હતો. અત્યાર સુધીમાં, નેપાળમાં 163 લોકો મૃત્યુ પામ્યા છે, અને 133 ભારતીય યાત્રાળુઓ સહિત 750થી વધુ લોકો ગુમ છે. અત્યાર સુધીમાં, ગ્યારોંગમાં 558 લોકો ગુમ છે, જેમાં 260 વિદેશી નાગરિકોનો સમાવેશ થાય છે.
US ભૂસ્તરશાસ્ત્રીય સર્વે અનુસાર, આ ભૂસ્ખલન એટલું શક્તિશાળી હતું કે તેનાથી 5.2ની તીવ્રતાના ભૂકંપ જેટલો કંપ આવ્યો. ભૂસ્ખલનને કારણે ભોટે કોશી નદીની ઉપનદી લેંડે ખોલા નદીમાં મોટા પ્રમાણમાં બરફ, ખડકો, કાદવ અને પાણી ફરી વળ્યા. બચાવ ટીમો આ પર્વતીય પ્રદેશમાં ફસાયેલા હજારો લોકોને રાહત પુરવઠો પહોંચાડવા માટે હેલિકોપ્ટરનો ઉપયોગ કરી રહી છે, અને ગુમ થયેલા લોકોની શોધ ચાલુ છે.
19.jpg)
3.jpg)
