પશ્ચિમ બંગાળની રહેવાસી નૂરજહાં ખાતૂન અને આયેશા જ્યારે UPના સંભલમાં આવી ત્યારે તેમની ઓળખ સંપૂર્ણપણે બદલાઈ ગઈ હતી. અહીં, તેઓ હવે નૂરજહાં અને આયેશા નહોતા, પરંતુ કાજલ અને પૂજા હતા. કોઈ શક ન કરે તે માટે, તેમના માટે નવા આધાર કાર્ડ બનાવી આપવામાં આવ્યા હતા, જેમાં તેમના જૂના નામ કે ધર્મ નહોતા. આ સમગ્ર 'ઓળખ બદલો' યોજના પાછળ એક સંગઠિત ગેંગ કામ કરી રહ્યું હતું, જેમાં તેમને પચાસ હજારથી એક લાખ રૂપિયા સુધીના સોદા માટે તૈયાર કરવામાં આવી હતી. ત્યાર પછી શરુ થતો હતો વિશ્વાસ, સંબંધો અને લગ્નની આડમાં લૂંટનો ખેલ. પરંતુ જે યોજનાને તેઓ સંપૂર્ણપણે સુરક્ષિત માનતા હતા, તે સંભલ પોલીસની કાર્યવાહી પહેલાં પડી ભાંગી. હવે, આખી ગેંગનો પર્દાફાશ એવી રીતે થયો છે કે જેણે બધાને ચોંકાવી દીધા છે.
હકીકતમાં, ચાર નવી દુલ્હનો એક પછી એક તેમના ઘરેથી ભાગી ગયા પછી સંભલ પોલીસ સતર્ક થઇ ગઈ હતી. પ્રારંભિક તપાસમાં સ્પષ્ટ થયું કે, મામલો ફક્ત અહીં જ અટકી જતો નથી. આ એક સુનિયોજિત નેટવર્ક હતું, જેના મૂળ બંગાળથી પશ્ચિમ ઉત્તર પ્રદેશ સુધી ફેલાયેલા હતા. નૂરજહાં ખાતૂન, ઉર્ફે કાજલ, અને આયેશા, ઉર્ફે પૂજા, આ નેટવર્કમાં ફક્ત કડીઓ હતા, તેમની પાછળ એક આખી સાંકળ કાર્યરત હતી. તપાસમાં જાણવા મળ્યું કે, બંગાળના વિવિધ ભાગોમાંથી આર્થિક રીતે પછાત મુસ્લિમ છોકરીઓને પસંદ કરવામાં આવતી હતી. તેમને ઉત્તર પ્રદેશમાં સારી રીતે લગ્ન કરાવવાની ખાતરી આપવામાં આવતી હતી, તેમના પરિવારો શ્રીમંત હતા, અને સમાધાન ટૂંક સમયમાં પૂર્ણ થશે. ત્યારપછી છોકરીઓને તેમના નામ, ઓળખ અને ધર્મ બદલવા માટે માનસિક રીતે તૈયાર કરવામાં આવતી હતી.
આ ગેંગનું સૌથી શક્તિશાળી હથિયાર નકલી આધાર કાર્ડ હતું. પોલીસ તપાસમાં જાણવા મળ્યું કે, બદાયૂં જિલ્લામાં એક ચોક્કસ નેટવર્ક સક્રિય હતું, જ્યાં મૂળ આધાર કાર્ડ પર નામ અને ધર્મ બદલીને નવા કાર્ડ બનાવવામાં આવતા હતા. આ કાર્ડનો ઉપયોગ લગ્નના દસ્તાવેજો, ગામમાં માન્યતા અને સામાજિક સ્વીકૃતિ મેળવવા માટે થતો હતો. નૂરજહાં ખાતૂન પોતે પણ કાજલ નામ ધારણ કરીને આવી જ રીતે લગ્ન કરતી હતી. તેણે હિન્દુ નામ અને ઓળખનો ઉપયોગ કરીને રાજીવ નામના યુવાન સાથે લગ્ન પણ કર્યા. આ જ કારણ હતું કે ગામલોકો અને આસપાસના વિસ્તારોમાં લાંબા સમય સુધી કોઈને શંકા ગઈ ન હતી.
આ ગેંગ ખાસ કરીને એવા યુવાનોને નિશાન બનાવતી હતી, જેઓ મોટી ઉંમરના હતા, કોઈ કારણોસર લગ્ન થઇ શકતા ન હતા, અથવા આર્થિક કે સામાજિક રીતે વંચિત હતા. લગ્ન દલાલો આવા પરિવારોને લગ્નનો ભરોસો આપીને તેમનો વિશ્વાસ મેળવતા હતા. તેઓ દાવો કરતા હતા કે છોકરી તરત જ લગ્ન કરવા તૈયાર છે, કોઈ વધારાનો ખર્ચ થશે નહીં અને બધું ચોખ્ખું રહેશે.
લગ્ન નક્કી થયા પછી, પૈસાની ચર્ચા કરવામાં આવતી હતી. પરિવારની સ્થિતિના આધારે, 50,000 થી 1 લાખ રૂપિયા સુધીની એક નિશ્ચિત રકમ નક્કી કરવામાં આવતી હતી. આ રકમ છોકરીને લાવવા, દસ્તાવેજોની પ્રક્રિયા કરવા અને લગ્ન ગોઠવવા માટે લેવામાં આવતી હતી. ગામના ઘણા લોકોએ પોલીસને જણાવ્યું હતું કે, તેમને એમ લાગતું હતું કે લગ્ન ઓછા ખર્ચે થઈ રહ્યા છે, તેથી તેઓ કંઈ વધારે સવાલો પૂછતા ન હતા. આ મૌન જ તે ગેંગનું સૌથી મોટું હથિયાર બની ગયું.
પૂછપરછમાં જાણવા મળ્યું કે, છોકરીઓને અગાઉથી તાલીમ આપવામાં આવી હતી. લગ્ન પછી ચારથી પાંચ દિવસ સુધી તેમને સામાન્ય રીતે વર્તવાની, તેમના સાસરિયાઓનો વિશ્વાસ મેળવવાની, ઘરમાં રહેલા ઘરેણાં, રોકડ અને કિંમતી વસ્તુઓ વિશે માહિતી એકત્રિત કરવાની અને પછી તક મળતાં જ ભાગી જવાની ફરજ પાડવામાં આવતી હતી. કેટલાક કિસ્સાઓમાં, દુલ્હનોને ભગાડી જવા માટે બાઇક અને બહારથી મદદ પણ આપવામાં આવી હતી.
માત્ર દોઢ મહિનામાં, સંભલના પતરૌઆ ગામ અને આસપાસના વિસ્તારોમાં આવા ચાર લગ્ન નોંધાયા હતા, ત્યારપછી દુલ્હનો ભાગી ગઈ હતી. 22 ડિસેમ્બર, 2025ના રોજ, ભોલેના લગ્ન આરતી નામની છોકરી સાથે 55,000 રૂપિયામાં થયા હતા. 9 જાન્યુઆરી, 2026ના રોજ, રાજુના લગ્ન પૂજા (વાસ્તવિક નામ આયેશા) સાથે 53,000 રૂપિયામાં થયા હતા. તે જ દિવસે, પ્રવેશના લગ્ન બીજી પૂજા સાથે 75,000 રૂપિયામાં થયા હતા. તે જ દિવસે, મુરાદાબાદના મોનુ મિશ્રાના લગ્ન ઇશિકા નામની છોકરી સાથે 70,000 રૂપિયામાં થયા હતા. થોડા દિવસોમાં, આરતી અને ઇશિકા ઘરેણાં અને રોકડ લઈને ભાગી ગઈ હતી.
એક કિસ્સામાં તો, રાત્રિના અંધારામાં દુલ્હનનું બાઇક પર બેસાડીને ભગાડી જવામાં આવતી હોવાનું CCTV ફૂટેજમાં જોવામાં આવ્યું હતું. આ ફૂટેજ પોલીસ તપાસમાં મહત્વપૂર્ણ પુરાવો બન્યો અને ગેંગનો ખુલાસો થયો. 20 જાન્યુઆરી, 2026ના રોજ, જ્યારે રાજુની પત્ની પૂજા ઘરમાંથી પોતાનો સામાન પેક કરી રહી હતી, ત્યારે ગ્રામજનોને શંકા ગઈ. માહિતી મળતાં જ પોલીસ ઘટનાસ્થળે પહોંચી અને તેની ધરપકડ કરી. આ ધરપકડ આખા નેટવર્ક માટે સૌથી મોટો ફટકો સાબિત થઈ.
પૂજા શરૂઆતમાં મહિલા પોલીસ અધિકારીઓની હાજરીમાં પૂછપરછ દરમિયાન પોતાના નિવેદન પર અડગ રહી, પરંતુ જ્યારે તેનું આધાર કાર્ડ ખુલ્યું ત્યારે તેની અસલી વાત બહાર આવી. તેનું નામ પૂજા નહીં, પણ આયેશા ખાતૂન હતું. તેનો ધર્મ હિન્દુ નહીં, પણ મુસ્લિમ હતો. ત્યાંથી, પોલીસે સમગ્ર કેસને સંગઠિત ગુનો માનીને તપાસનો વ્યાપ વધાર્યો.
પૂછપરછ દરમિયાન કાજલનું નામ સામે આવ્યા પછી, પોલીસે બદાયૂં અને બરેલીમાં દરોડા પાડ્યા. ત્યાંથી, કાજલ અને રાજીવની ધરપકડ કરવામાં આવી અને તેમને ચંદૌસી લાવવામાં આવ્યા. તેના આધાર કાર્ડની તપાસ કરતાં, કાજલનું સાચું નામ પણ નૂરજહાં ખાતૂન હોવાનું બહાર આવ્યું. પોલીસે આરોપીઓ પાસેથી સોના-ચાંદીના દાગીના, રોકડ અને મોબાઇલ ફોન જપ્ત કર્યા. મોબાઇલ ડેટાનું વિશ્લેષણ કરવામાં આવી રહ્યું છે, જેનાથી વધુ નામ ખુલવાની અપેક્ષા છે.
પોલીસ અધિક્ષક કૃષ્ણ કુમાર વિશ્નોઈએ જણાવ્યું હતું કે, આ ગેંગે પોતાનો ધર્મ અને ઓળખ છુપાવીને યોજનાબદ્ધ રીતે લગ્ન કરાવ્યા હતા. એકમાત્ર હેતુ લૂંટનો હતો. ચાર કેસમાં પુષ્ટિ થઈ છે, અને અન્ય જિલ્લાઓમાંથી માહિતી એકઠી કરવામાં આવી રહી છે. બધા આરોપીઓને જેલમાં મોકલવામાં આવી રહ્યા છે. પોલીસના જણાવ્યા અનુસાર, ત્રણ લુટેરી દુલ્હન હજુ પણ ફરાર છે અને તેની શોધ ચાલુ છે. તેની સાથે સાથે તેઓ નકલી આધાર કાર્ડ બનાવતા નેટવર્ક પર પણ કાર્યવાહી કરવાની તૈયારી કરી રહ્યા છે.
14.jpg)
