કર્ણાટકના તુમકુરુમાં એક નિવૃત્ત ગાયનેકોલોજિસ્ટને લાંચ લેવા બદલ આકરી સજા ફટકારવામાં આવી છે. આરોપી ડોક્ટરે એક ગરીબ દૈનિક મજૂરના બાળકને જન્મ આપવાના બદલામાં 2000 રૂપિયાની લાંચ લીધી હતી. શનિવારે, લોકાયુક્ત કેસ માટેની ખાસ કોર્ટે તેને દોષિત ઠેરવી અને 5 વર્ષની સખત કેદની સજા ફટકારી. કોર્ટે 20,000 રૂપિયાનો દંડ પણ ફટકાર્યો. દંડ ન ભરવાના કિસ્સામાં, તેને વધારાની 6 મહિનાની સજા ભોગવવી પડશે. દોષિત ડોક્ટરનું નામ C.N. મહાલક્ષ્મમ્મા છે, જે તુમકુરુ જિલ્લા હોસ્પિટલમાં કામ કરતી હતી અને બે વર્ષ પહેલાં નિવૃત્ત થઈ હતી.
પ્રોસિક્યુટર N. બસવરાજુએ જણાવ્યું હતું કે, આ કેસ લોકાયુક્ત ટ્રેપ કેસ નહોતો. પીડિત પક્ષ તરફથી લાંચ આપ્યા પછી આ ફરિયાદ નોંધાવવામાં આવી. પીડિતાના દિયરે ડૉક્ટર સાથેની વાતચીત રેકોર્ડ કરી હતી, જેમાં મહાલક્ષ્મીમાને 3,000 રૂપિયાની લાંચ માંગતી સાંભળવામાં આવી હતી. બસવરાજુએ કહ્યું, '2 ફેબ્રુઆરી, 2021ની રાત્રે, મહિલાને પ્રસૂતિની પીડા થતી હતી ત્યારે તેને જિલ્લા હોસ્પિટલમાં લાવવામાં આવી હતી. મહિલાનો પતિ ખેતરમાં કામ કરી રહ્યો હતો, તેથી તેનો દિયર તેને હોસ્પિટલમાં લાવ્યો. ત્યાં હાજર ડૉ. મહાલક્ષ્મીમાએ કહ્યું કે, જ્યાં સુધી તેને 3,000 રૂપિયાની લાંચ નહીં આપવામાં આવે ત્યાં સુધી તે ડિલિવરી નહીં કરે.'
મહિલાને પ્રસવની તીવ્ર પીડા થતી હતી, પરંતુ ડૉક્ટર પોતાની વાત પર અડગ રહી હતી. જેમ તેમ કરીને મહિલાનો પતિ હોસ્પિટલ પહોંચવામાં સફળ રહ્યો અને ખૂબ જ મુશ્કેલીથી 2,000 રૂપિયાની વ્યવસ્થા કરી. ગ્રુપ D સ્ટાફ મેમ્બર દ્વારા આ રકમ ડૉક્ટરને સોંપવામાં આવી. જ્યારે મહિલાના દિયરે ડૉક્ટરને પૂછ્યું કે શું આવી કટોકટીમાં આવું કરવું યોગ્ય છે, ત્યારે ડૉક્ટરે જવાબ આપ્યો, 'દરેક વ્યક્તિ ડિલિવરી માટે 3,000 રૂપિયા ચૂકવે છે, અને તમે પણ તેનો અપવાદ નથી.' પીડિતાના દિયરે આ વાત પોતાના મોબાઇલ ફોન પર વાતચીત રેકોર્ડ કરી અને 4 ફેબ્રુઆરીના રોજ લોકાયુક્ત પોલીસમાં ફરિયાદ નોંધાવી.
તપાસ દરમિયાન, પોલીસે ઓડિયો રેકોર્ડિંગ ફોરેન્સિક સાયન્સ લેબને મોકલ્યું. રિપોર્ટમાં સાબિત થઇ ગયું કે, બંને અવાજો મહિલા ડોક્ટર મહાલક્ષ્મમ્મા અને ફરિયાદીના હતા. આ પુરાવાના આધારે, મહાલક્ષ્મમ્મા સામે ચાર્જશીટ દાખલ કરવામાં આવી, અને કેસ કોર્ટમાં ગયો. ટ્રાયલ દરમિયાન આ જ ઓડિયો વગાડવામાં આવ્યો, અને તેને નિર્ણાયક પુરાવો માનવામાં આવ્યો.
8.jpg)
5.jpg)
