પંજાબના મોગા જિલ્લાના ધરમકોટ સ્થિત લોહગઢ બસ્તીમાં સાસુ અને પુત્રવધૂ વચ્ચેના વિવાદે હિંસક સ્વરૂપ ધારણ કરી લીધું હતું. ઘરેલુ ઝઘડા વચ્ચે, પુત્રવધૂએ તેની સાસુને વાળથી પકડીને ઘરના આંગણામાં ધસડી અને મારામારી કરી હતી. આ ઘટના ઘરમાં લગાવેલા CCTV કેમેરામાં કેદ થઈ ગઈ, જેનો વીડિયો હવે વ્યાપકપણે ચર્ચાનો વિષય બની ગયો છે.
અહેવાલો અનુસાર, પુત્રવધૂ તેના પિયરે જવાની તૈયારી કરી રહી હતી. આ સમય દરમિયાન, સાસુએ તેને કથિત રીતે તેની પૌત્રીને ઘરે છોડવા કહ્યું. આ વાતને લઇને બંને વચ્ચે ઝઘડો થયો. જોત-જોતામાં આ બહેસ ઝપાઝપીમાં ફેરવાઈ ગઈ, અને ગુસ્સામાં, પુત્રવધૂએ તેની સાસુને પકડીને આંગણા તરફ ખેંચી.
મદદ માટે ચીસો સાંભળીને, પડોશીઓ ઘટનાસ્થળે દોડી આવ્યા અને બંને મહિલાઓને અલગ કરવા માટે દરમિયાનગીરી કરી. ત્યારબાદ પીડિત સાસુ, બલવિંદર કૌરે સ્થાનિક પોલીસ સ્ટેશન પહોંચીને ફરિયાદ નોંધાવી, અને ન્યાયની માંગણી કરી. પોલીસ હાલમાં આ મામલાની તપાસ કરી રહી છે.
પીડિત, બલવિંદર કૌરે જણાવ્યું કે તેના પુત્ર પલવિંદર સિંહે લગભગ ચાર વર્ષ પહેલા કરમવીર કૌર સાથે લગ્ન કર્યા હતા. શરૂઆતમાં તેની પુત્રવધૂનું વર્તન સારું નહોતું; પરંતુ, છેલ્લા કેટલાક મહિનાઓથી તે ઘરમાં ઝઘડો અને તણાવ પેદા કરવા લાગી હતી. તેણે આરોપ લગાવ્યો કે તેની પુત્રવધૂ ગાળાગાળી કરતી હતી અને કોઈને જાણ કર્યા વિના તેના પિયરે ઘરે જતી રહેતી હતી.
પીડિતના જણાવ્યા મુજબ, લગભગ 3 મહિના પહેલા પુત્રવધૂ તેના પિયર ફિરોઝપુર ગઈ હતી. ત્યારબાદ સ્થાનિક પંચાયતના હસ્તક્ષેપ બાદ તેને ઘરે પાછી લાવવામાં આવી હતી, અને બંને પક્ષો વચ્ચે સમાધાન થયું હતુ. જોકે, ઘરે પાછા ફર્યા પછી તરત જ વિવાદો ફરી શરૂ થયા.
બલવિંદર કૌરે વધુમાં આરોપ લગાવ્યો કે તેની પુત્રવધૂ અને તેના પિયરના લોકો હેરાન કરી રહ્યા છે. સોમવારે તેની પુત્રવધૂ બહાર જવાની તૈયારી કરી રહી હતી, ત્યારે તેણે પૌત્રીને ઘરે છોડીને જવાની વાત કહી હતી. તેના જવાબમાં, પુત્રવધૂએ તેના વાળથી પકડીને ધસડી અને મારામારી શરૂ કરી દીધી. પીડિતાએ એવો પણ આરોપ લગાવ્યો કે તેને ખોટા કાનૂની કેસોમાં ફસાવવાની અને તેને જીવથી મારી નાખવાની ધમકીઓ મળી રહી છે. તેણે વહીવટીતંત્રને આ મામલાની તપાસ કરવા અને યોગ્ય પગલાં લેવાની માંગ કરી છે.
