શાહુકારો અને ફાઇનાન્સ કંપનીઓના વ્યાજદરના જાળમાં ફસાયેલા ખેડૂતે બધું ગુમાવ્યું. આ પછી પણ, તે મુક્ત થયો નહીં અને લેવાયેલી લોન આપેલી રકમ કરતા અનેક ગણી વધી ગઈ છે. ઉત્તર પ્રદેશના બિજનોરમાં, એક ખેડૂતે એક ફાઇનાન્સ કંપની પાસેથી નવ લાખની લોન લીધી. પછી ખેડૂતે 30 લાખ રૂપિયા ચૂકવ્યા, પરંતુ લોન હજુ પણ પૂરી થઈ ન હતી. ફાઇનાન્સ કંપનીએ મનસ્વી વ્યાજદર અને વ્યાજનું એવું ચક્ર શરૂ કર્યું કે ખેડૂત બધું વેચી દે તો પણ લોન ચૂકવી શકશે નહીં. એટલું જ નહીં, ખેડૂતને લગભગ 1.25 કરોડ વધુ ચૂકવવાનું કહેવામાં આવ્યું. દેવાના બોજ હેઠળ દબાયેલા ખેડૂતે હવે જિલ્લા SPને આ અંગે ફરિયાદ કરી છે. SPએ આ મામલાની તપાસના આદેશ આપ્યા છે.
આ મામલો બિજનોરના ગોપાલપુરનો છે. અહીં, એક ખેડૂત હરવીર સિંહે ધારા ફાઇનાન્સ કંપની પર આરોપ લગાવતા SPને જણાવ્યું હતું કે 2014માં, તેણે બિજનોરની એક ફાઇનાન્સ કંપની પાસેથી તેની જમીન ગીરવે મૂકીને 9 લાખ રૂપિયાની લોન લીધી હતી. ખેડૂતના જણાવ્યા મુજબ, તેણે 2019 સુધી કંપનીને 30 લાખ રૂપિયા સુધી ચૂકવ્યા હતા, પરંતુ તેમ છતાં, ખેડૂતનું દેવું પૂરું કરવામાં આવ્યું ન હતું.
એવો આરોપ છે કે ફાઇનાન્સ કંપનીએ વ્યાજનો એવો ખેલ રમ્યો કે ખેડૂતનું બધું વેચાઈ ગયું, પરંતુ તેમ છતાં તેની લોન ચૂકતે થઇ ન હતી. ખેડૂતે જણાવ્યું કે કંપની પાસેથી લોન લેતી વખતે, તેણે લગભગ 8 વિઘા જમીન ગીરવે મૂકી હતી, જે કંપનીએ છેતરપિંડીથી તેના નામે લીધી અને પછી તેને વેચી દીધી. કહેવામાં આવી રહ્યું છે કે, જ્યારે કંપનીના ડિરેક્ટરને તપાસ માટે બોલાવવામાં આવ્યા ત્યારે તેમણે કહ્યું કે, ખેડૂત પર હજુ 1 કરોડ 24 લાખ રૂપિયા દેવાના બાકી નીકળે છે. આશ્ચર્યજનક રીતે, લોનની રકમ 10 વર્ષમાં 15 ગણી વધી ગઈ. 30 લાખ રૂપિયા ચૂકવ્યા પછી પણ, ખેડૂતની જમીન બચી ન હતી અને તેના પર અનેક ગણી વધુ લોન બાકી છે.
ખેડૂતનું કહેવું છે કે કંપનીએ તેના પર 1 કરોડ 24 લાખ રૂપિયાનું દેવું બાકી જાહેર કર્યું છે. SP અભિષેક ઝાએ કહ્યું છે કે આ ખૂબ જ ગંભીર મામલો છે. આ મામલાની તપાસ કરવામાં આવી રહી છે. ફાઇનાન્સ કંપની દ્વારા કરવામાં આવતા તમામ વ્યવહારોની પણ કર મહેસૂલ વિભાગ દ્વારા તપાસ કરવામાં આવશે.
ધારા મોટર ફાઇનાન્સ કંપનીના મેનેજિંગ ડિરેક્ટર ગજેન્દ્ર સિંહે જણાવ્યું હતું કે, આ મામલે કોર્ટ કેસ પેન્ડિંગ છે, કોર્ટ જે પણ નિર્ણય આપશે તે માન્ય રહેશે.
3.jpg)
