4 બોલમાં 4 વિકેટ,આ ખેલાડી વર્લ્ડ કપમાં ધૂમ મચાવશે,આયર્લેન્ડ ટીમ જાહેર, ગુજરાત..

આયર્લેન્ડે પણ T20 વર્લ્ડ કપ 2024 માટે પોતાની ટીમની જાહેરાત કરી દીધી છે. IPL સ્ટાર જોશ લિટલને પણ આયરલેન્ડની ટીમમાં જગ્યા મળી છે. જોશ લિટલ IPLમાં ગુજરાત ટાઇટન્સ ટીમનો ભાગ છે. આ સાથે જ ટીમની કપ્તાની પોલ સ્ટર્લિંગને આપવામાં આવી છે. આ ટીમમાં કર્ટિસ કેમ્ફરને પણ જગ્યા મળી છે. કર્ટિસ કેમ્ફર એવો ખેલાડી છે, જેણે એકવાર T20 ઇન્ટરનેશનલમાં 4 બોલમાં 4 વિકેટ લીધી હતી.

કર્ટિસે 2021માં T20 વર્લ્ડ કપ દરમિયાન અબુ ધાબીમાં નેધરલેન્ડ સામેની મેચમાં 4 બોલમાં 4 વિકેટ ઝડપી હતી. ઇનિંગની 10મી ઓવરમાં અદ્ભુત ઘટના બની, કર્ટિસે બીજા બોલ પર કોલિન એકરમેન, ત્રીજા બોલ પર રેયાન ટેન ડોશેટ, ચોથા બોલ પર સ્કોટ એડવર્ડ્સ અને પાંચમા બોલ પર રોલોફ વાન ડેર મર્વેને આઉટ કર્યા હતા.

ક્રિકેટ આયર્લેન્ડે માત્ર T20 વર્લ્ડ કપ માટે જ ટીમની જાહેરાત કરી નથી, તેણે ડબલિનમાં પાકિસ્તાન સામે આગામી ત્રણ મેચની શ્રેણી અને વૂરબર્ગમાં નેધરલેન્ડ અને સ્કોટલેન્ડ સાથેની ત્રિકોણીય શ્રેણી માટે પણ ટીમની જાહેરાત કરી છે. ત્રણેય ટીમમાં 14 ખેલાડીઓ છે.

10, 12 અને 14 મેના રોજ આયર્લેન્ડને ક્લોન્ટાર્ફમાં પાકિસ્તાન સાથે T20 મેચ રમવાની છે. આ પછી, 19, 20, 23, 24 મેના રોજ, આઇરિશ ટીમ વૂરબર્ગમાં નેધરલેન્ડ અને સ્કોટલેન્ડ સાથે T20 શ્રેણીની મેચ રમશે.

હાલમાં IPLમાં રમી રહેલા જોશ લિટલને T20 વર્લ્ડ કપ માટે ટીમના 15મા સભ્ય તરીકે ઉમેરવામાં આવશે. ગુજરાત તરફથી રમતા જોશ લિટલને 4 મેના રોજ રોયલ ચેલેન્જર્સ બેંગ્લોર તરફથી 4 વિકેટ ઝડપી હતી. તેમાં ફાફ ડુ પ્લેસિસ, ગ્લેન મેક્સવેલ, રજત પાટીદાર અને કેમેરોન ગ્રીન સામેલ હતા.

T20 વર્લ્ડ કપમાં ભારતીય ક્રિકેટ ટીમની પ્રથમ મેચ આયર્લેન્ડ સામે થશે, એવામાં આ ટીમને હળવાશથી લઈ શકાય નહીં. આ ટીમ મોટા અપસેટ કરવા માટે જાણીતી છે. આયર્લેન્ડ હાલમાં પુરુષોની T20Iમાં વિશ્વમાં 11મા ક્રમે છે.

T20 વર્લ્ડ કપ 2024 માટે આયર્લેન્ડની ટીમ: પોલ સ્ટર્લિંગ (કેપ્ટન), માર્ક અડાયર, રોસ અડાયર, એન્ડ્રુ બાલ્બિર્ની, કર્ટિસ કેમ્ફર, ગૈરેથ ડેલાની, જ્યોર્જ ડોકરેલ, ગ્રેહામ હ્યુમ, જોશ લિટલ, બેરી મેકકાર્થી, નીલ રોક, હેરી ટેક્ટર, લોર્કન ટકર, બેન વ્હાઇટ, ક્રેગ યંગ.

T20 વર્લ્ડ કપ 2024માં આયર્લેન્ડની મેચો: 31 મે 2024: આયર્લેન્ડ વિરુદ્ધ શ્રીલંકા (વોર્મ-અપ; ફ્લોરિડા), 5 જૂન 2024: આયર્લેન્ડ વિરુદ્ધ ભારત (T20I; ન્યૂયોર્ક), 7 જૂન 2024: આયર્લેન્ડ વિરુદ્ધ કેનેડા (T20I; ન્યૂયોર્ક), 14 જૂન 2024: આયર્લેન્ડ વિ USA (T20I; ફ્લોરિડા), 16 જૂન 2024: આયર્લેન્ડ વિ પાકિસ્તાન (T20I; ફ્લોરિડા).

Related Posts

Top News

ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

તારીખ: 19-05-2025 દિવસ: સોમવાર મેષ: તમારા ઘરમાં કોઈ શુભ કાર્યક્રમનું આયોજન થઈ શકે છે. મનમાં પ્રસન્નતા રહેશે, જેના કારણે તમે...
Astro and Religion 
ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

ભાજપના નેતા કહે GPSC ઈન્ટરવ્યૂમાં ઓપન કેટેગરીને વધુ માર્ક્સ અપાય છે, પણ શું આ શક્ય છે?

ગુજરાત ભાજપના નેતા અને અખિલ આંજણા કેળવણી મંડળના પ્રમુખ હરિ દેસાઇએ મુખ્યમંત્રી ભૂપેન્દ્ર પટેલને પત્ર લખ્યો છે અને GPSCના...
Education 
ભાજપના નેતા કહે GPSC ઈન્ટરવ્યૂમાં ઓપન કેટેગરીને વધુ માર્ક્સ અપાય છે, પણ શું આ શક્ય છે?

સુરતમાં એમ્બ્યુલન્સને સાઇડ ન આપનારા મોયુનુદ્દીનને દીકરાનું કારણ આપી દીધું

સુરતમાં શનિવારે સોશિયલ મીડિયા પર એક વીડિયો વાયરલ થયો હતો જેમાં એક કાર ચાલક BRTS રૂટ પર કાર ચલાવી રહ્યો...
Gujarat 
સુરતમાં એમ્બ્યુલન્સને સાઇડ ન આપનારા મોયુનુદ્દીનને દીકરાનું કારણ આપી દીધું

બોર્ડની પરીક્ષામાં માત્ર 35 ટકા માર્ક્સ પણ પરિવારે આખા ગામમાં ઉજવણી કરી

સામાન્ય રીતે બોર્ડની પરીક્ષાના પરિણામ જાહેર થાય તો જે ટોપર વિદ્યાર્થીઓ હોય તેમના પરિવારો ખુશીથી ઉજવણી કરે, મિઠાઇ વ્હેંચે....
Education 
બોર્ડની પરીક્ષામાં માત્ર 35 ટકા માર્ક્સ પણ પરિવારે આખા ગામમાં ઉજવણી કરી
Copyright (c) Khabarchhe All Rights Reserved.