અચાનક મેદાનમાં ભાગવા લાગ્યા ભારતીય ખેલાડીઓ, બેટ્સમેનોએ પણ રમવાનો કરી દીધો ઇનકાર, જાણો કેમ

ભારત અને ઇંગ્લેન્ડ વચ્ચેની ત્રીજી મેચ લંડનના લોર્ડ્સ ક્રિકેટ ગ્રાઉન્ડમાં રમાઈ રહી છે. આ મેચના પહેલા દિવસની રમત જલદી ખતમ કરવી પડી કેમ કે, ગ્રાઉન્ડ પર 'લેડીબર્ડ્સ' નામના ઉડતા કીડાઓએ હુમલો કરી દીધો. જેના કારણે ભારતીય ખેલાડીઓ મેદાન પર ભાગતા નજરે પડ્યા હતા. તો ક્રીઝ પર ઊભા ઇંગ્લેન્ડના કેપ્ટન બેન સ્ટોક્સ અને જો રૂટ પણ પરેશાન દેખાયા અને બેટિંગ કરવાનો ઇનકાર કરી દીધો.

ladybirds1
news.sky.com

ઇંગ્લેન્ડની ઇનિંગની 81મી ઓવર દરમિયાન ઉડતા કીડાઓ મેદાન પર જોવા મળ્યા હતા. જેણે સૌથી પહેલા જસપ્રીત બૂમરાહને ઘેરી લીધો હતો. જોકે, બાદમાં આ કીડા આખા મેદાનમાં ફેલાઈ ગયા હતા. જેના કારણે અમ્પાયરે થોડા સમય માટે મેચ બંધ કરવી પડી હતી. જોકે થોડીવારમાં કીડાઓઓ પોતાની જાતે જ મેદાનથી બહાર જતા રહ્યા, પરંતુ કેટલાક ખેલાડીઓની જર્સી ચોંટેલા જોવા મળ્યા હતા. ત્યારબાદ માત્ર 2 ઓવરની રમત સંભવ થઈ શકી અને દિવસની રમત સમાપ્ત ઘોષિત જાહેર કરી દેવામાં આવી હતી.

ગુરુવારે દિવસની રમતના અંતે ઇંગ્લેન્ડે 4 વિકેટ ગુમાવીને 251 રન બનાવી લીધા છે. રૂટ 191 બોલમાં 9 ચોગ્ગાની મદદથી 99 રન બનાવીને ક્રીઝ પર છે અને સ્ટોક્સ નોટઆઉટ 102 બોલમાં 39 રન બનાવીને ક્રીઝ પર છે. બંને અત્યાર સુધી પાંચમી વિકેટ માટે 79 રનની પાર્ટનરશિપ  કરી ચૂક્યા છે. રૂટે આ અગાઉ ત્રીજી વિકેટ માટે ઓલી પોપ સાથે 109 રનની પાર્ટનરશિપ કરી હતી. પોપ 104 બોલમાં 4 ચોગ્ગાની મદદથી 44 રન બનાવીને આઉટ થઈ ગયો હતો. ઈંગ્લેન્ડ માટે ઇનિંગની શરૂઆત કરવા આવેલા જેક ક્રોલી 18 રન અને બેન ડકેટ 23 રન બનાવીને આઉટ થઈ ગયા હતા. છેલ્લી મેચમાં સદી લગાવનાર હેરી બ્રૂક માત્ર 11 રન બનાવીને જસપ્રીત બૂમરાહના બોલ પર બોલ્ડ થઈ ગયો હતો.

india-vs-england4
news.sky.com

ભારત તરફથી નીતિશ કુમાર રેડ્ડીએ 2 વિકેટ અને જસપ્રીત બૂમરાહ અને રવિન્દ્ર જાડેજાએ 1-1 વિકેટ લીધી હતી. ભારતીય બોલિંગ પાછલી મેચની જેમ પ્રભાવી  દેખાઈ નહોતી. કેપ્ટન શુભમન ગિલ દ્વારા જાડેજા અને વોશિંગ્ટન સુંદરનો ઓછો ઉપયોગ પણ સમજથી બહાર હતો. ભારતીય ટીમને પહેલા અને ત્રીજા સેશનમાં 2-2 વિકેટ મળી હતી, જ્યારે ઇંગ્લેન્ડે બીજા સત્રમાં એક પણ વિકેટ ગુમાવી નહોતી.

Related Posts

Top News

PM મોદી અને બ્રિટન પ્રધાનમંત્રીને ચા પિવડાવનાર ગુજરાતી કોણ છે?

પ્રધાનમંત્રી નરેન્દ્ર મોદી તાજેતરમાં બ્રિટનના પ્રવાસે ગયા હતા અને ત્યાં તેમણે બ્રિટનના પ્રધાનમંત્રી કીર સ્ટાર્મરના સત્તાવાર PM હાઉસ પર ચાય...
World 
PM મોદી અને બ્રિટન પ્રધાનમંત્રીને ચા પિવડાવનાર ગુજરાતી કોણ છે?

ગાંધીનગર ગિફ્ટ સિટીમાં મિલ્કત લેનારા ભેરવાયા, 1000 કરોડનું કૌભાં*ડ

ગાંધીનગરના ગિફ્ટ સિટીમાં મહત્ત્વાકાંક્ષી પ્રોજેક્ટ વર્લ્ડ ટ્રેડ સેન્ટર (WTC) ઘોંચમાં પડ્યો છે. આ પ્રોજેક્ટમાં 1297 રોકાણકારો સાથે 1000 કરોડ...
Business 
ગાંધીનગર ગિફ્ટ સિટીમાં મિલ્કત લેનારા ભેરવાયા, 1000 કરોડનું કૌભાં*ડ

હર્ષ સંઘવીએ ડાયમંડ વેપારીઓ સાથે બેઠક કેમ કરવી પડી?

ગૃહ રાજ્યમંત્રી હર્ષ સંઘવીએ શુક્રવારે રાત્રે સુરતમાં સર્કીટ હાઉસમાં રાત્રે ડાયમંડ વેપારીઓએ સાથે એક બેઠક કરી હતી જેને કારણે સુરત...
Gujarat 
હર્ષ સંઘવીએ ડાયમંડ વેપારીઓ સાથે બેઠક કેમ કરવી પડી?

લાડકી બહેન યોજનાથી 14000 પુરૂષોએ લીધો નાણાકીય લાભ, અજીત પવાર બોલ્યા- ‘બધા પાસે વસૂલ કરીશું’

મહારાષ્ટ્રમાં આર્થિક રીતે પછાત મહિલાઓ માટે બનાવવામાં આવેલી લાડકી બહેન યોજના હેઠળ 14000થી વધુ પુરુષોએ છેતરપિંડી કરીને નાણાકીય લાભ મેળવ્યા...
National  Politics 
લાડકી બહેન યોજનાથી 14000 પુરૂષોએ લીધો નાણાકીય લાભ, અજીત પવાર બોલ્યા- ‘બધા પાસે વસૂલ કરીશું’
Copyright (c) Khabarchhe All Rights Reserved.