મહેન્દ્ર સિંહ ધોની ફરી એક વખત ચેન્નાઈ સુપર કિંગ્સ (CSK)ની કેપ્ટન્સી કરી રહ્યો છે. ધોનીના ફેન્સ ઇચ્છતા હતા કે તે આમ કરે અને ઋતુરાજ ગાયકવાડની ઈજાએ તેને આ તક આપી. ધોનીના ફેન્સને અપેક્ષા છે કે તે ઝડપથી રન બનાવે, પરંતુ એવું થઈ રહ્યું નથી. શુક્રવારે પણ કોલકાતા નાઈટ રાઈડર્સ (KKR) સામેની મેચમાં ધોની સસ્તામાં આઉટ થઈ ગયો હતો અને તેની વિકેટને લઈને વિવાદ પણ થઈ ગયો.
https://twitter.com/i/status/1910719736637169735
ધોનીને 16મી ઓવરના ત્રીજા બોલ પર સુનિલ નરીને LBW કરી દીધો. બોલ ધોનીના પેડ પર લાગ્યો અને જ્યારે નારાયણે અપીલ કરી, તો અમ્પાયરે આંગળી ઊંચી કરી. ધોનીએ એક રિવ્યૂ લીધું, જેમાં પણ તે બચી ન શક્યો અને 4 બૉલમાં 1 રન બનાવીને આઉટ થઈ ગયો.
ધોની નારાયણના બૉલને લેગ સ્ટમ્પ પર રમવા ગયો. બૉલ ધોનીના પેડ પર લાગ્યો, પરંતુ તેને લાગ્યું કે તે સહેજ બેટને ટચ થયો છે, એટલે તેણે રિવ્યૂ લીધું. રિવ્યૂમાં જ્યારે સ્નિકો મીટર આવ્યું, ત્યારે બૉલ બેટની નજીકથી ગયો સ્નિકો મીટરમાં એક ખૂબ જ સામાન્ય હલચલ જોવા મળી. જોકે, ત્રીજા અમ્પાયરે તેને નજરઅંદાજ કરીને ધોનીને આઉટ આપી દીધો. ધોની નિરાશ થઈને પેવેલિયન પાછો ફર્યો અને આખું સ્ટેડિયમ શાંત થઈ ગયું.
ધોનીને પણ વિશ્વાસ ન થયો અને કોમેન્ટેટર્સને પણ વિશ્વાસ ન થયો કે તે આઉટ કઇ રીતે હોઇ શકે છે, પરંતુ. તેનાથી અમ્પાયરિંગ પર સવાલ ઉઠવા લાગ્યા છે. આ મેચમાં ચેન્નાઈની બેટિંગ પૂરી રીતે નિષ્ફળ ગઈ. જ્યારે ધોની કેપ્ટન બન્યો, ત્યારે એવું લાગતું હતું કે પરિસ્થિતિ બદલાઇ જશે, પરંતુ એવું ન થયું. ટીમના બેટ્સમેનો માટે ડબલ ડિજિટના આંકડા સુધી પહોંચવું પણ મુશ્કેલ હતું. રચિન રવિન્દ્ર માત્ર 4 રન બનાવીને પહેલી વિકેટના રૂપમાં આઉટ થયો અને ત્યારબાદ વિકેટો પડતી જ રહી.
1.jpg)
15.jpg)
