ઇન્ડિયન પ્રીમિયર લીગ (IPL) હવે પોતાની 18મી સીઝનમાં છે. તો, પાકિસ્તાન સુપર લીગ (PSL) પોતાની 10મી સીઝનમાં પ્રવેશી ચૂકી છે. ઘણા વર્ષોથી બંને લીગ વચ્ચે તુલના થતી રહી છે, ભલે IPL મોટાભાગના માપદંડોમાં ખૂબ આગળ હોય. તાજેતરમાં જ પાકિસ્તાની ક્રિકેટર હસન અલીએ કહ્યું હતું કે, IPL રહેતા પણ, PSLના ફેન્સની સંખ્યા વધશે. તેના નિવેદનના થોડા દિવસ બાદ, એક વીડિયો વાયરલ થઈ રહ્યો છે જેનો ઉપયોગ કરીને ભારતીય ફેન્સ હસન અલીની મજાક ઉડાવી રહ્યા છે.
હકીકતમાં, વર્ષ 2025ની સીઝનમાં, બંને લીગોની તારીખો અને સમય ટકરાઈ રહ્યા છે અને તેના કારણે પાકિસ્તાન સુપર લીગને નુકસાન થઈ રહ્યું છે. પાકિસ્તાનના ઘણા ક્રિકેટ પંડિતોએ PSLના સમય પર સવાલ ઉઠાવ્યા છે અને IPLના પ્રભાવે PSLમાં ઉપસ્થિત સ્ટાર પાવરને પ્રભાવિત કર્યો છે. હવે સોશિયલ મીડિયા પર એક રસપ્રદ વીડિયો વાયરલ થઈ રહ્યો છે, જેમાં PSL મેચ દરમિયાન એક ફેન રાવલપિંડી સ્ટેડિયમમાં IPL મેચ જોતો નજરે પડી રહ્યો છે.
https://twitter.com/GemsOfCricket/status/1913524312276926949
તેનાથી સ્પષ્ટ થાય છે કે પાકિસ્તાની લોકો IPLને કેટલી પસંદ કરે છે. આ પાકિસ્તાન ક્રિકેટ અને PSLના ચિંતાજનક સમાચાર છે, જો તમારા પોતાના ફેન્સ સ્ટેડિમમાં પણ પૂરી રીતે લીગ પ્રત્યે સમર્પિત નથી. સકારાત્મક વાત એ છે કે વીડિયોમાં દેખાતી વ્યક્તિ કદાચ ક્રિકેટને ખૂબ જ પ્રેમ કરે છે અને તે કોઈપણ ક્રિકેટ એક્શન મિસ કરવા માગતો નથી. આ વર્ષે એપ્રિલ-મેમાં PSL થવાનું એક મુખ્ય કારણ 2025ની શરૂઆતમાં ચેમ્પિયન્સ ટ્રોફી હતી.
આ ક્લિપ પાકિસ્તાનના ફાસ્ટ બોલર હસન અલીના એ નિવેદનના થોડા દિવસો બાદ સામે આવી છે, જેમાં તેણે કહ્યું હતું કે જો પાકિસ્તાન સુપર લીગમાં ક્રિકેટની ગુણવત્તામાં સુધાર આવશે, તો દર્શકોની સંખ્યા વધશે અને ફેન્સ IPLને છોડીને PSL જોવામાં સંકોચ નહીં અનુભવે. ટૂર્નામેન્ટની શરૂઆતની મેચ પહેલા હસને કહ્યું હતું કે, ફેન્સ એ ટૂર્નામેન્ટ જુએ છે જ્યાં મનોરંજનની સાથે સારી ક્રિકેટ પણ હોય છે. જો આપણે PSLમાં સારું રમીએ છીએ, તો દર્શકો અમને જોવા માટે IPL છોડી દેશે.
