E-સિમ (Embedded Sim), જે સિમ કાર્ડનું જ ડિજિટલ સ્વરૂપ છે, તે સોફ્ટવેરની મદદથી તમારા ફોનમાં ડાઉનલોડ કરવામાં આવે છે. તે પણ વાસ્તવિક સિમ જેવી જ કોલ, ડેટા અને મેસેજ જેવી બધી સેવાઓ પૂરી પાડે છે. પરંતુ વધતી જતી ટેકનોલોજી સાથે, સાયબર ગુનેગારોએ તેનો ખોટી રીતે ઉપયોગ કરવાનું શરૂ કર્યું છે. જો હેકર તમારી પરવાનગી વિના ભૌતિક સિમને E-સિમમાં રૂપાંતરિત કરે છે, તો તે તમારા બેંક OTP, વ્યક્તિગત ડેટા અને ઓથેન્ટિકેશન કોડ મેળવી શકે છે. જેના કારણે હેકર્સ તમારા બેંક એકાઉન્ટને ઍક્સેસ કરી શકે છે.
તાજેતરમાં મુંબઈમાં એક વ્યક્તિ સાથે સાયબર છેતરપિંડીની ઘટના પ્રકાશમાં આવી છે. આ છેતરપિંડી એટલી ઝડપથી થઈ કે, પીડિતને અજાણ્યા ફોન નંબર પરથી કોલ આવે છે અને લગભગ 15 મિનિટમાં તેનું મોબાઇલ નેટવર્ક બંધ થઈ ગયું. જ્યાં સુધી તે તેનું બેંક એકાઉન્ટ, ATM કાર્ડ અને UPI બ્લોક કરે ત્યાં સુધીમાં તો હેકર્સ તેના ખાતામાંથી 4 લાખ રૂપિયા ઉપાડી ચૂક્યા હતા. તપાસમાં જાણવા મળ્યું કે, સાયબર ગુનેગારોએ એક લિંક મોકલી હતી, જેના પર પીડિતે ભૂલથી ક્લિક કર્યું હતું. તે લિંક દ્વારા, તેનું સિમ E-સિમમાં રૂપાંતરિત થઈ ગયું હતું, જેને હેકર્સ નિયંત્રિત કરી રહ્યા હતા.
તમારા સિમને E-સિમમાં રૂપાંતરિત કરીને, હેકર્સ તમારા બધા કોલ્સ અને OTP પ્રાપ્ત કરી શકે છે. ભૌતિક સિમમાં, ફક્ત SMSને અસર થઈ શકે છે, પરંતુ E-સિમ છેતરપિંડીમાં, ગુનેગારો OTP અને કોલ્સ દ્વારા પહોંચી શકે છે. આ જ કારણ છે કે, આ પ્રકારની છેતરપિંડી ઝડપથી થાય છે અને ઓળખી શકાતી નથી.
E-સિમ છેતરપિંડીથી કેવી રીતે બચવું? : કોઈપણ અજાણી લિંક પર ક્લિક કરશો નહીં, SMS અથવા E-mail દ્વારા પ્રાપ્ત લિંક પર પણ નહીં. સિમ અથવા E-સિમ વેરિફિકેશનના નામે કોલ પર અજાણ્યા વ્યક્તિને કોઈ માહિતી આપશો નહીં. કોલ અથવા મેસેજ પર ક્યારેય તમારી વ્યક્તિગત અને બેંકિંગ વિગતો શેર કરશો નહીં. જો શક્ય હોય તો, મલ્ટી-ફેક્ટર ઓથેન્ટિકેશન ચાલુ રાખો. જો નેટવર્ક અચાનક ગાયબ થઈ જાય, તો તાત્કાલિક તમારા ટેલિકોમ ઓપરેટરને જાણ કરો.
10.jpg)
15.jpg)
