Hyundaiની ફ્લેગશિપ SUV ટક્સન (Tucson)ને લઈને બજારમાં ખૂબ જ હલચલ મચી ગઈ છે. કંપનીએ તેની સત્તાવાર વેબસાઇટ પરથી આ પ્રીમિયમ SUVને હટાવી દીધી છે, જેના કારણે એવી અટકળો શરૂ થઈ છે કે Hyundaiએ ભારતમાં Tucson બંધ કરી દીધી છે. ચાલો જાણીએ કે શું છે મામલો અને શું હવે Tucsonની જગ્યાએ કોઈ નવી SUV આવવાની છે?
Hyundai Tucson એક લક્ઝરી SUV છે જેની પોતાની ઓળખ હતી. Hyundai Tucsonબી ચોથી જનરેશનને ઓગસ્ટ 2022માં ભારતમાં લોન્ચ કરવામાં આવી હતી. આ SUV કંપનીની સૌથી પ્રીમિયમ ઓફરિંગમાંથી એક હતી, જે સુધી રીતે જીપ મેરિડિયન, સ્કોડા કોડિએક અને ટોયોટા ફોર્ચ્યૂનર જેવી કારોને ટક્કર આપતી હતી. Tucson તેની સ્ટાઇલિશ ડિઝાઇન, હાઇ-ટેક સુવિધાઓ અને ADAS સેફ્ટી સિસ્ટમને કારણે માટે ખાસ ચર્ચામાં રહી.
Hyundai Tucsonને 2 એન્જિન વિકલ્પો સાથે લોન્ચ કરવામાં આવી હતી. તેમાં એક 2.0-લીટર પેટ્રોલ એન્જિન છે, જે 154 bhp અને 192Nmનો ટોર્ક ઉત્પન્ન કરવામાં સક્ષમ છે, તેમાં 6-સ્પીડ ઓટોમેટિક ગિયરબોક્સ આપવામાં આવેલું છે. તેમાં 2.0 લિટર ડીઝલ એન્જિન પણ આપવામાં આવ્યું છે, જે 183bhpનો પાવર અને 416Nm ટોર્ક ઉત્પન્ન કરવામાં સક્ષમ છે. તેમાં 8-સ્પીડ ઓટોમેટિક ગિયરબોક્સ મળે છે, તેમાં AWD (ઓલ-વ્હીલ ડ્રાઇવ) માત્ર ટોપ વેરિયન્ટમાં જ મળતું હતું.
Hyundai Tucson, એ પસંદગીની SUVઓમાંથી એક હતી, જેમાં લક્ઝરી અને ટેક્નોલોજી બંનેનું શાનદાર મિશ્રણ હતું. તેમાં 10.25-ઇંચની ટચસ્ક્રીન ઇન્ફોટેનમેન્ટ સિસ્ટમ, પેનોરેમિક સનરૂફ, વેન્ટિલેટેડ ફ્રન્ટ સીટ્સ, ડ્યૂઅલ-ઝોન ક્લાઇમેટ કંટ્રોલ, 360° કેમેરા, લેવલ 2 એડવાન્સ્ડ ડ્રાઇવર આસિસ્ટન્સ સિસ્ટમ (ADAS), 6 એરબેગ્સ, હિલ-હોલ્ડ આસિસ્ટન્સ, ABS, EBD અનેTPMS જેવા ફીચર્સ મળે છે, જે એક લક્ઝરી SUVમાં હોવી જોઈએ.
વેબસાઇટ પરથી દૂર કરવાનો અર્થ શું છે?
Hyundai ઇન્ડિયાએ નવેમ્બર 2025માં તેની વેબસાઇટ પરથી Tucsonને હટાવી દીધી, જે એવા સંકેત આપે છે કે SUV હાલમાં પ્રોડક્શનમાં નથી. જો કે, કંપની દ્વારા હજુ સુધી કોઈ સત્તાવાર નિવેદન જાહેર કરવામાં આવ્યું નથી. એવી પણ અપેક્ષા રાખવામાં આવે છે કે Hyundai ટૂંક સમયમાં Tucsonનું નવું અપડેટેડ વર્ઝન અથવા ફેસલિફ્ટેડ મોડલ લોન્ચ કરી શકે છે, જે BS6 ફેઝ-2 અને નવા સેફ્ટી નોર્મ્સને અનુરૂપ હશે.
Hyundai Tucsonને નવા સેફ્ટી અને એમીશન નોર્મ્સને કારણે અપડેટની જરૂર હતી. વધુ કિંમતને કારણે તેનું મર્યાદિત વેચાણ થઈ રહ્યું હતું. તો Hyundaiનું ફોકસ ક્રેટા EV અને અલ્કાઝાર ફેસલિફ્ટની તૈયારી પર છે. ઘણા અહેવાલો અનુસાર, Hyundai ટૂંક સમયમાં નવું Tucson (2026 મોડેલ) લાવી શકે છે, જેમાં નવી ડિઝાઇન, હાઇબ્રિડ એન્જિન અને અપડેટેડ ADAS સિસ્ટમ મળશે. જો આવું થાય છે, તો Tucson ફરી એકવાર ભારતમાં લક્ઝરી મિડ-સાઇઝ SUV સેગમેન્ટને હલાવી શકે છે.
