ભારતીય બજારમાં જ્યારે 7-સીટર કારની વાત આવે છે, ત્યારે બધાના મનમાં એક-બે નામ સૌથી રહેલા આવે છે. એક છે Maruti Ertiga અને Toyota Innova. એક સેગમેન્ટની લીડર છે, જ્યારે બીજી તેની લક્ઝરી અને કમ્ફોર્ટેબલ સવારી માટે જાણીતી છે. આ બંને વચ્ચે Kia Carens પણ આવે છે. પરંતુ ઊંચી કિંમતને કારણે આ કારો બધી બજેટ-વાયર્સની પહોંચથી દૂર રહી છે. પરંતુ, Renaultએ આખરે લાંબી રાહ જોયા પછી તેની લોકપ્રિય 7-સીટર MPV Triberનું Turbo વર્ઝન ભારતીય બજારમાં લોન્ચ કર્યું છે. જે માત્ર વધુ સસ્તી જ નહીં, પરંતુ તેનું અન્જિન પણ પહેલાં કરતાં વધુ શાનદાર થઇ ગયું છે.
નવી Renault Triber Turboની શરૂઆતી કિંમત ₹7.84 લાખ રાખવામાં આવી છે, જ્યારે ટોપ-એન્ડ વેરિયન્ટની કિંમત 8.99 લાખ રૂપિયા (એક્સ-શોરૂમ) સુધી જાય છે. ખાસ વાત એ છે કે, નવી Triber Turboમાં એ જ 1.0-લિટર ટર્બો-પેટ્રોલ એન્જિન આપવામાં આવ્યું છે, જે કંપનીની Kiger અને Duster જેવી SUVમાં પણ મળે છે. જોકે, એન્જિન મેનેજમેન્ટ સિસ્ટમમાં કરવામાં આવેલા ફેરફારોને કારણે Triber Turbo આ બંને SUV કરતા વધુ ટોર્ક આપે છે.
Renault Triber Turbo માટેની રાહ ઘણી લાંબી રહી છે. 2019માં જ કંપની આ વધુ પાવરફૂલ વર્ઝન પર કામ કરી રહી હોવાના સમાચાર સામે આવ્યા હતા, પરંતુ તેના લોન્ચિંગમાં ઘણા વર્ષોનો વિલંબ થયો. હવે, કંપનીએ આખરે તેને ભારતીય બજારમાં ઉતારી દીધી છે. રેગ્યુલર પેટ્રોલ વર્ઝનની સરખામણીમાં Triber Turboના વિવિધ વેરિયન્ટ્સની કિંમત લગભગ 94,000 રૂપિયાથી 1.11 લાખ રૂપિયા સુધી વધારે છે.
Triber Turboમાં કંપનીએ HR10 કોડેડ 1.0-લીટર, 3-સિલિન્ડર ટર્બો-પેટ્રોલ એન્જિન આપવામાં આવ્યું છે. આ જ એન્જિન Renault Kiger અને Duster 1.0માં પણ ઉપયોગ થાય છે. ટ્રાઇબર ટર્બોમાં નવી એન્જિન મેનેજમેન્ટ સિસ્ટમ આપવામાં આવી છે, જેને કારણે આ એન્જિન 180 Nmનો પીક ટોર્ક જનરેટ કરે છે. એટલે કે આ મામલે Kiger અને Dusterની સરખામણીમાં પણ વધુ પાવરફુલ છે. આ ઉપરાંત, એન્જિન 100 hpનો શાનદાર પાવર આપે છે.
Renaultનો દાવો છે કે Triber Turbo માત્ર 10.8 સેકન્ડમાં 0 થી 100 km/hની ઝડપ પકડી શકે છે. હાલમાં તે માત્ર 5-સ્પીડ મેન્યુઅલ ગિયરબોક્સ સાથે રજૂ કરવામાં આવી છે, જોકે કંપની ટૂંક સમયમાં તેમાં CVT ઓટોમેટિક ટ્રાન્સમિશનનો વિકલ્પ જોડી શકે છે. કંપનીનો દાવો છે કે આ નવું ટર્બો-પેટ્રોલ એન્જિન 21 kmpl સુધીની એવરેજ આપવા માટે સક્ષમ છે.
નવી Triber Turboના લુક અને ડિઝાઇનમાં કોઈ મોટા ફેરફારો કરવામાં આવ્યા નથી; તે ઘણી હદ સુધી રેગ્યુલર મોડલ જેવી જ છે. ફ્રંટમાં ગ્લોસ બ્લેક ગ્રિલ સાથે Renaultનો નવો લોગો આપવામાં આવ્યો છે. આ ઉપરાંત LED હેડલેમ્પ્સ અને LED ડે-ટાઇમ રનિંગ લાઇટ્સ (DRLs) આપવામાં આવી છે. બમ્પરના નીચેના ભાગમાં સિલ્વર સરાઉન્ડ્સ સાથેનું મોટું એર ડેમ અને બંને છેડે ફોગ લેમ્પ્સ આપવામાં આવ્યા છે.
કારના પાછળના ભાગમાં ક્લિયર-લેન્સ LED ટેલલેમ્પ આપવામાં આવ્યા છે, જેને ગ્લોસ-બ્લેક ટ્રિમ એલિમેન્ટ દ્વારા જોડવામાં આયા છે. ટેલગેટ પર નવો 'TURBO' બેજ લગાવવામાં આવ્યો છે, આ જ બેજ આ મોડલને રેગ્યુલર પેટ્રોલ ટ્રાઇબરથી અલગ બનાવે છે. સાઇડ પ્રોફાઇલમાં 15-ઇંચના વ્હીલ્સ આપવામાં આવ્યા છે, જેના પર ડ્યૂઅલ-ટોન કવર લગાવવામાં આવ્યા છે. આની ડિઝાઇન એલોય વ્હીલ્સને જેવી દેખાય છે. કારમાં ફંક્શનલ રૂફ રેલ્સ પણ આપવામાં આવી છે, તો ડોર હેન્ડલ્સ અને ORVMs પર ગ્લોસ-બ્લેક ફિનિશ આપવામાં આવી છે.
Triber Turboના કેબિનને વધુ આધુનિક બનાવવા માટે સંપૂર્ણ પ્રયાસ કરવામાં આવ્યા છે. જોકે, તેમાં પણ એ જ ફીચર્સ આપવામાં આવ્યા છે, જે તમને નેચરલી એસ્પિરેટેડ ટ્રાઇબરમાં જોવા મળે છે. તેમાં 8-ઇંચની ટચસ્ક્રીન ઇન્ફોટેનમેન્ટ સિસ્ટમ મળે છે, જે વાયરલેસ એન્ડ્રોઇડ ઓટો અને એપલ કારપ્લેને સપોર્ટ કરે છે. આ સાથે જ 7-ઇંચીના ડિજિટલ ઇન્સ્ટ્રૂમેન્ટ ક્લસ્ટર પણ આપવામાં આવ્યું છે, જેના પર રજૂરૂ માહિતી ડિસ્પ્લે થાય છે.
આ ઉપરાંત, આ 7-સીટર કારમાં વાયરલેસ ફોન ચાર્જર, ઓટોમેટિક ક્લાઈમેટ કંટ્રોલ, રિયર માટે અલગ બ્લોઅર કંટ્રોલ્સ, કૂલ્ડ સેન્ટર સ્ટોરેજ બોક્સ, ઓટોમેટિક હેડલેમ્પ્સ અને વાઈપર, રિયર વોશર અને વાઈપર, ક્રૂઝ કંટ્રોલ અને પુશ-બટન સ્ટાર્ટ/સ્ટોપ જેવા ફીચર્સ મળે છે. થર્ડ રો એટલે કે ત્રીજી હરોળની સીટોને ફોલ્ડ કરવાથી 625 લીટરની બૂટ સ્પેસ મળે છે.
સુરક્ષાની દ્રષ્ટિએ Triber Turboમાં અનેક મહત્ત્વપૂર્ણ ફીચર્સ આપવામાં આવ્યા છે. તેમાં 6 એરબેગ્સ, ISOFIX ચાઈલ્ડ સીટ માઉન્ટ્સ, ABS, EBD, ESP, ટ્રેક્શન કંટ્રોલ, હિલ-સ્ટાર્ટ આસિસ્ટ અને TPMS જેલા ફીચર્સનો સમાવેશ થાય છે. કંપનીએ ટર્બો એન્જિનના હિસાબે ABS, ESC અને ટ્રેક્શન કંટ્રોલ સિસ્ટમ્સમાં પણ રી-ટ્યૂનિંગ કર્યા છે. Renault Triberને અગાઉ ગ્લોબલ NCAP ક્રેશ ટેસ્ટમાં 4-સ્ટાર રેટિંગ મળી ચૂક્યું છે.
Renault Triber વિશે મોટા ભાગના લોકોના મનમાં એવી ધારણા હતી કે, કાર ઓછી કિંમતમાં 7-સીટરનો વિકલ્પ તો આપે છે, પરંતુ તેનું એન્જિન એટલું પાવરફુલ નથી, જે લોંગ ટ્રિપ કે હેવી લોડને અનુકુલ હોય છે. પરંચુ, કંપનીએ ઘણી હદ સુધી લોકોની આ ચિંતાને દૂર કરવાનો પ્રયાસો કર્યા છે. બજારમાં મારુતિ અર્ટિગા, નિસાન ગ્રાવિટે અને ટોયોટા ઈનોવા જેવી કારો સાથે તેની સીધી ટક્કર થશે. આ કાર આવવાથી કોમ્પેક્ટ 7-સીટર MPV સેગમેન્ટમાં પર્ફોર્મન્સ ઇચ્છતા ગ્રાહકો માટે એક નવો વિકલ્પ જરૂર જોડાઇ ગયો છે.
5.jpg)
