H-1B વિઝા નિયમોમાં ફેરફાર થયા પછી માઇક્રોસોફ્ટે તેના વિદેશી કર્મચારીઓને US પાછા ફરવા જણાવ્યું

શનિવારે, ટેક જાયન્ટ માઇક્રોસોફ્ટે તેના H-1B અને H-4 વિઝા ધારકોને રાષ્ટ્રપતિ ડોનાલ્ડ ટ્રમ્પ દ્વારા જાહેર કરાયેલ 21 સપ્ટેમ્બરની સમયમર્યાદા પહેલાં તાત્કાલિક US પાછા ફરવા વિનંતી કરી. વિશ્વની બીજી સૌથી મોટી ટેક કંપનીએ તેના H-1B વિઝા ધારકોને પહેલાથી જ USમાં રહેલા લોકોને તેમના ઘરેથી કામ કરવાનું ચાલુ રાખવા સલાહ આપી. રાષ્ટ્રપતિ ડોનાલ્ડ ટ્રમ્પે H-1B વર્ક વિઝા માટે 100,000 ડૉલર (આશરે રૂ. 88 લાખ)ની નવી અરજી ફીની જાહેરાત કરી છે. US રાષ્ટ્રપતિના સત્તાવાર નિવાસસ્થાન, વ્હાઇટ હાઉસના પ્રેસ સેક્રેટરીએ આ સમાચારની પુષ્ટિ કરી.

કંપનીએ H-1B વિઝા ધારકોને સલાહ આપી છે કે, વ્યાવસાયિકોએ USમાં રહેવું જોઈએ. H-4 વિઝા ધારકોને પણ USમાં રહેવાની સલાહ આપવામાં આવે છે. H-1B અને H-4 વિઝા ધારકોને સમયમર્યાદા પહેલાં, આવતીકાલે (રવિવારે) જ US પાછા ફરવાની સલાહ આપવામાં આવે છે.

આ મેમો એક મોટી ટેક કંપની તરફથી પ્રથમ પ્રતિભાવના રૂપમાં આવ્યો છે, કારણ કે આ ફી IT ક્ષેત્ર પર કેવી અસર કરી શકે છે તે અંગે ચિંતા વ્યક્ત કરવામાં આવી રહી છે. એક સમાચાર એજન્સી દ્વારા સમીક્ષા કરાયેલા આંતરિક E-mail મુજબ, માઇક્રોસોફ્ટ ઉપરાંત, JP મોર્ગને પણ USની બહાર રહેતા H1-1B વિઝા ધારકોને 21 સપ્ટેમ્બર પહેલાં પાછા ફરવાની સલાહ આપી છે.

ડોનાલ્ડ ટ્રમ્પ રાષ્ટ્રપતિ બન્યા ત્યારથી, USમાં અનેક સુધારા અને નિયમોમાં ફેરફાર થઈ રહ્યા છે. H-1B વિઝા કાર્યક્રમમાં હવે નોંધપાત્ર ફેરફારો થયા છે. US રાષ્ટ્રપતિ ડોનાલ્ડ ટ્રમ્પે H-1B વર્ક વિઝા માટે 100,000 ડૉલર (આશરે રૂ. 88 લાખ)ની નવી અરજી ફીની જાહેરાત કરી છે. US રાષ્ટ્રપતિના સત્તાવાર નિવાસસ્થાન, વ્હાઇટ હાઉસના પ્રેસ સેક્રેટરીએ આ સમાચારની પુષ્ટિ કરી છે. એવો દાવો કરવામાં આવી રહ્યો છે કે આ તાજેતરનો નિર્ણય US રાષ્ટ્રપતિ ડોનાલ્ડ ટ્રમ્પની ઇમિગ્રેશન ક્રેકડાઉન નીતિનો ભાગ છે.

એક સમાચારપત્રમાં છપાયેલા અહેવાલ મુજબ, 2023માં ભારતીય વ્યાવસાયિકોને 191,000 H-1B વિઝા આપવામાં આવ્યા હતા, જ્યારે 2024માં આ આંકડો વધીને 207,000 થયો હતો. આની અંદર મોટાભાગે IT, સોફ્ટવેર અને એન્જિનિયરિંગ વ્યાવસાયિકો હતા. હવે, નવા નિયમના સક્રિય થયા પછી, સિનિયર્સને આંશિક લાભ મળશે, પરંતુ ફ્રેશર્સ માટે, 83 લાખ રૂપિયાની વધારાની ફીને કારણે ત્યાં નોકરી મેળવવી લગભગ અશક્ય બની જશે. આ વિઝા ભારતીય આઇટી પ્રોફેશનલ્સ માટે ખૂબ જ મહત્વપૂર્ણ માનવામાં આવે છે.

ઇન્ફોસિસ, વિપ્રો, કોગ્નિઝન્ટ અને ટાટા કન્સલ્ટન્સી સર્વિસીસ જેવી મોટી IT કંપનીઓ લાંબા સમયથી US પ્રોજેક્ટ્સ માટે એન્જિનિયરો અને ડેવલપર્સને નોકરી પર રાખવા માટે આ પ્રોગ્રામ પર આધાર રાખે છે.