NEET-UG પેપર લીક મામલે ‘કોકરોચ જનતા પાર્ટી’ (CJP) ના નેતૃત્વ હેઠળ ચાલી રહેલા વિદ્યાર્થીઓના આંદોલનને હવે બોલિવૂડના સુપરસ્ટાર સલમાન ખાનનું પણ સમર્થન મળ્યું છે. આ મુદ્દા પર અવાજ ઉઠાવનારા તેઓ કદાચ સૌથી મોટા સેલિબ્રિટી છે. સલમાને ખુશી વ્યક્ત કરી હતી કે દેશની બહેતર શિક્ષણ વ્યવસ્થા માટે તમામ વિદ્યાર્થીઓ એકજૂથ થયા છે, સાથે જ તેણે ઉમેર્યું હતું કે સરકારે તેમની માંગણીઓ સાંભળવી જોઈએ.
સલમાન ખાને લખ્યું હતું કે, આ કેટલું શાંતિપૂર્ણ આંદોલન હતું, આટલું હિંસક રૂપ લઈ લીધું એ જોઈને ખૂબ જ દુઃખ થાય છે. જે વિદ્યાર્થીઓ અને તેમના પરિવારજનો ઘાયલ થયા છે, તેમના પ્રત્યે મારી પૂરી સંવેદના છે. પેપર લીક એ ખૂબ જ ગંભીર મુદ્દો છે, અને મને એ જોઈને ખુશી થાય છે કે આપણા દેશના બાળકો એક બહેતર શિક્ષણ વ્યવસ્થા માટે એકસાથે આવ્યા છે, અને તેમના માતાપિતાએ પણ તેમનો સાથ આપ્યો છે.
View this post on Instagram
તેઓએ જે સ્ટેન્ડ લીધું છે, સખત મહેનત કરવાની, પોતાનું ભવિષ્ય અને એક મહાન, શિક્ષિત ભારત બનાવવાની જે લગન અને પ્રામાણિકતા દર્શાવી છે, તેની હું સાચા દિલથી સરાહના કરું છું. આ આંદોલન, આ વિરોધ એ યોગ્ય રસ્તો છે, અને વિદ્યાર્થીઓએ આ કામ શાંતિપૂર્વક કર્યું છે. ખૂબ જ હિંમતવાન અને બહાદુર. શિક્ષણ પ્રત્યે સમર્પિત અને પ્રેરિત આ પેઢી ભારતને ગૌરવ અપાવશે.
આ મુદ્દો વિદ્યાર્થીઓ અને શિક્ષણ વ્યવસ્થા વચ્ચેનો છે, આનું રાજકીય હાઇજેક ન થવું જોઈએ. આનો શ્રેય માત્ર આપણા દેશના વિદ્યાર્થીઓને જ જવો જોઈએ, અને મને ખાતરી છે કે સરકાર પણ તેમને પૂરો સહયોગ આપશે અને શિક્ષણ વ્યવસ્થાને વધુ મજબૂત બનાવશે. આ બંને માટે ફાયદાકારક સ્થિતિ (Win-win situation) છે. એક સકારાત્મક નિર્ણય માટે આશા અને પ્રાર્થના કરું છું. ભણવાની ઈચ્છા રાખનારા આપ સૌ પર ભગવાનના આશીર્વાદ બનેલા રહે.
શિક્ષણ એ હવે પછીનો નવો ટ્રેન્ડ અને ફેશન બનવું જોઈએ, અને દર વર્ષે તે વધુ ટ્રેન્ડી અને ફેશનેબલ બનવું જોઈએ, એટલું બધું કે બહારથી લોકો ભણવા માટે ભારત આવે અને ભારત એક એજ્યુકેશનલ હબ બની જાય
છેલ્લા એક અઠવાડિયા દરમિયાન, બોલિવૂડ અને પ્રાદેશિક સિનેમાના અનેક સિતારાઓએ આંદોલનકારી વિદ્યાર્થીઓ પર થયેલા પોલીસ એક્શનની આકરા શબ્દોમાં ટીકા કરી છે અને CJPના આંદોલનનું સમર્થન કર્યું છે. જેમાં ઋતિક રોશન, દિલજીત દોસાંજ, નસીરુદ્દીન શાહ, સોનાક્ષી સિંહા, રત્ના પાઠક શાહ, શબાના આઝમી, પ્રકાશ રાજ, ટોવિનો થોમસ અને અતુલ કુલકર્ણી જેવા જાણીતા કલાકારોનો સમાવેશ થાય છે.
દિલ્હીના જંતર મંતર ખાતે આ મહિનાની શરૂઆતમાં આ વિરોધ પ્રદર્શન શરૂ થયા હતા. NEET પેપર લીક સહિત સ્પર્ધાત્મક પરીક્ષાઓમાં થયેલી કથિત ગડબડીઓ સામે વિદ્યાર્થીઓ જવાબદેહીની માંગ કરી રહ્યા છે. તેમની મુખ્ય માંગણીઓમાં શિક્ષણ વ્યવસ્થામાં મોટા પાયે સુધારા કરવા અને કેન્દ્રીય શિક્ષણ મંત્રી ધર્મેન્દ્ર પ્રધાનના રાજીનામાનો સમાવેશ થાય છે.
ત્યારબાદ જાણીતા સામાજિક કાર્યકર સોનમ વાંગચુક પણ આ આંદોલનમાં જોડાયા હતા અને ભૂખ હડતાળ શરૂ કરી હતી, જોકે બાદમાં પોલીસે તેમને વિરોધ સ્થળેથી હટાવી દીધા હતા. સોમવારે યોજાયેલા 'ચલો સંસદ' માર્ચ દરમિયાન વિરોધ પ્રદર્શનકારીઓને વિખેરવા માટે પોલીસે બળપ્રયોગ કરતાં સ્થિતિ વધુ વણસી હતી.
17.jpg)
3.jpg)
