મુંબઈના લોકોએ સ્પષ્ટ કરી દીધું છે કે BMCના રાજા કોણ હશે. મુંબઈકરોએ ફડણવીસ-શિંદેની જોડી પર વિશ્વાસ વ્યક્ત કર્યો છે. પહેલી વાર, ભાજપ મુંબઈનો રાજા બનશે. હવે, ભાજપ ગઠબંધન કેન્દ્ર, રાજ્ય અને BMCમાં શાસન કરશે. મુંબઈના લોકોએ ઠાકરે પરિવારને મોટો ઝટકો આપ્યો છે, જેનાથી તેમના 25 વર્ષના વર્ચસ્વનો અંત આવ્યો છે.
20 વર્ષ બાદ ઉદ્ધવ ઠાકરે અને રાજ ઠાકરેનું સાથે આવવું પણ કોઈ કામ ન આવ્યું. કોંગ્રેસ અલગ થઈને લડી, પરંતુ તેનું નસીબ યથાવત રહ્યું. ભાજપે માત્ર મુંબઈ મ્યુનિસિપલ કોર્પોરેશનની ચૂંટણીમાં જ નહીં, પરંતુ મહારાષ્ટ્ર મ્યુનિસિપલ કોર્પોરેશનની ચૂંટણીમાં પણ પરચમ લહેરાવ્યો છે, જે તમામ મુખ્ય શહેરોમાં જંગી જીત તરફ આગળ વધી રહી છે.
મુંબઈ સહિત મહારાષ્ટ્રમાં 29 મ્યુનિસિપલ કોર્પોરેશનો માટે મતગણતરી સવારે 10:00 વાગ્યાથી ચાલી રહી છે, પરંતુ મોટાભાગની નજર બૃહમુંબઈ મ્યુનિસિપલ કોર્પોરેશન (BMC) પર ટકી છે. ગુરુવારે, 227 વોર્ડ માટે 52.94% મતદાન થયું હતું.
દેશના સૌથી ધનિક મ્યુનિસિપલ કોર્પોરેશન (BMC)ના ચૂંટણી પરિણામોએ મુંબઈના રાજકારણમાં ઇતિહાસ રચ્યો છે. તાજેતરના વલણો દર્શાવે છે કે ભારતીય જનતા પાર્ટી (BJP)ની આગેવાની હેઠળના મહાયુતિ ગઠબંધન 118 બેઠકો પર આગળ છે. BMCના ઇતિહાસમાં આ પહેલી વાર છે જ્યારે ભાજપ સમર્થિત ગઠબંધન પોતાના દમ પર બહુમતી તરફ આગળ વધ્યું છે. અત્યાર સુધી, 227 વોર્ડમાંથી 201 માટે વલણો જાહેર કરવામાં આવ્યા છે. ભાજપ ગઠબંધન 118 બેઠકો પર આગળ છે, જ્યારે રાજ અને ઉદ્ધવ ઠાકરેનું ‘મહા-ગઠબંધન’ ફક્ત 70 બેઠકો સુધી સમેટાતું દેખાય છે. કોંગ્રેસ હાલમાં 10 બેઠકો જીતતી જોવા મળી રહી છે.
તાજેતરના BMC ચૂંટણી વલણોમાં ભાજપ ગઠબંધન 118 બેઠકો પર આગળ છે, જ્યારે ઉદ્ધવ ઠાકરેના નેતૃત્વ હેઠળનું ગઠબંધન 70 બેઠકો પર આગળ છે, અને કોંગ્રેસ 12 બેઠકો પર આગળ છે. 227 બેઠકોમાંથી 209 બેઠકો માટે વલણો જાહેર કરવામાં આવ્યા છે. પાર્ટીવાઇઝ વાત કરીએ તો ભાજપ 90 સીટ પર આગળ છે, જ્યારે ઉદ્ધવ ઠાકરેની શિવસેના 63 સીટ પર આગળ છે, જ્યારે શિંદેને ઝટકો લાગ્યો છે અને ફક્ત 28 સીટ પર જ આગળ છે.
ચૂંટણીના વલણો બાદ MNS વડા રાજ ઠાકરેના ઘરની બહાર શાંત માહોલ છે. મુંબઈના 227 વોર્ડમાંથી MNS ફક્ત 4 વોર્ડમાં આગળ છે. મુંબઈમાં, ભાજપ-શિવસેનાએ ઉદ્ધવ ઠાકરે ગઠબંધનને પાછળ છોડી દીધું છે. કાર્યકરોએ ગુલાલ ઉડાડીને ઉજવણી કરી.
બૃહમુંબઈ મ્યુનિસિપલ કોર્પોરેશન (BMC) ચૂંટણી માટે મતગણતરીના પ્રારંભિક રાઉન્ડમાં કોંગ્રેસ પાર્ટીએ ધારાવી વિસ્તારમાં વોર્ડ નંબર-184 પર વિજય મેળવ્યો છે. કોંગ્રેસના ઉમેદવાર આશા કાલેએ કુલ 1,450 મતો મેળવીને જીત મેળવી છે. ત્રિ-માર્ગીય સ્પર્ધામાં આશા કાલેએ મુખ્યમંત્રી એકનાથ શિંદેના શિવસેના ઉમેદવાર વૈશાલી શેવાળે અને રાજ ઠાકરેના MNS ઉમેદવાર પારુબાઈ કાટકેને હરાવ્યા હતા.
મુંબઈમાં સત્તા કબજે કરવાની લડાઈમાં ભાજપ-શિવસેના ગઠબંધનનો માર્ગ સરળ નજરે પડી રહ્યો છે. 1996થી સતત BMC પર પોતાના મેયર બનાવતા આવી રહેલા ઠાકરે પરિવાર અને પાર્ટીનો પહેલી વખત કિલ્લો બચતો દેખાઈ રહ્યો નથી
વિવિધ એક્ઝિટ પોલ્સે બૃહમુંબઈ મ્યુનિસિપલ કોર્પોરેશન (BMC) ચૂંટણીમાં આ ગઠબંધનને સ્પષ્ટ બહુમતી મળવાનો અંદાજ લગાવ્યો હતો, જ્યારે ઉદ્ધવ ઠાકરેની શિવસેના (UBT) અને રાજ ઠાકરેની MNSના ગઠબંધનને મોટો ઝટકો લાગ્યો છે.
શિવસેનાનો દાયકાઓથી BMC પર દબદબો છે, પરંતુ પાર્ટીના વિભાજન બાદ, આ ચૂંટણી ઠાકરે પરિવાર માટે અગ્નિપરીક્ષા માનવામાં આવી રહી છે. બીજી તરફ, નાયબ મુખ્યમંત્રી એકનાથ શિંદેની શિવસેના અને ભાજપે મહાયુતિ (મહાગઠબંધન) હેઠળ પોતાની સંપૂર્ણ તાકત લગાવી દીધી હતી.
