પહેલીવાર મહિલા બન્યા ગુજરાત હાઇકોર્ટના ચીફ જસ્ટિસ, પણ 15 દિવસ જ કામ કરશે

ચીફ જસ્ટિસ અરવિંદ કુમારને સુપ્રીમ કોર્ટના જસ્ટિસ તરીકે નિયુક્ત કરવામાં આવ્યા છે. આથી હવે ગુજરાત હાઈકોર્ટના ચીફ જસ્ટિસ તરીકે સોનિયાબેન ગોકાણીની નિમણૂંક કરવામાં આવી છે. આ અંગે ભારત સરકારના કાયદા મંત્રાલય દ્વારા સત્તાવાર રીતે એક ઓર્ડર પણ જારી કરવામાં આવ્યો છે. જણાવી દઈએ કે, સુપ્રીમ કોર્ટના જજ તરીકે ચીફ જસ્ટિસ અરવિંદ કુમારની પસંદગી થતા ગુજરાત હાઈકોર્ટમાં મુખ્ય ન્યાયાધીશની જગ્યા ખાલી પડી હતી.

જસ્ટિસ સોનિયાબેન ગોકાણીની ગુજરાત હાઈકોર્ટના ચીફ જસ્ટિસ તરીકે નિયુક્ત કરવામાં આવ્યા છે. જો કે, 24 ફેબ્રુઆરીએ સોનિયાબેન ગોકાણી વય મર્યાદાના લીધે નિવૃત્ત થઈ રહ્યા છે એટલે કે તેઓ માત્ર 15 દિવસ સુધી જ ચીફ જસ્ટિસ તરીકે સેવા આપી શકશે. નોંધનીય છે કે, જસ્ટિસ સોનિયાબેન ગોકાણી ગુજરાત હાઈકોર્ટના વરિષ્ઠ જજ છે. 17 ફેબ્રુઆરી, 2011ના રોજ તેમની નિમણૂક કરાઈ હતી. જ્યારે 25 ફેબ્રુઆરી, 2023ના રોજ તેઓ નિવૃત્ત થઈ રહ્યા છે. આ નિર્ણય અંગે કોલેજિયમનું માનવું છે કે, જસ્ટિસ સોનિયાબેન ગોકાણી પાસે સારી ઓળખ છે અને તેઓ ગુજરાત હાઈકોર્ટના મુખ્ય ન્યાયાધીશ તરીકે નિયુક્ત થવા માટે તમામ રીતે યોગ્ય છે.

બીજી તરફ ગુજરાત હાઈકોર્ટના પૂર્વ ચીફ જસ્ટિસ અરવિંદ કુમારને સુપ્રીમ કોર્ટના જસ્ટિસ તરીકે નિમણૂક કરાયા છે. આ નિમણૂક કેન્દ્ર સરકારની મંજૂરી બાદ કરાઈ છે. માહિતી મુજબ, સુપ્રીમ કોર્ટની કોલેજિયમે સુપ્રીમના જજ તરીકે બે નામોની ભલામણ કરી હતી, જેમાં એક નામ ગુજરાત હાઈકોર્ટના ચીફ જસ્ટિસ અરવિંદ કુમારનું હતું. વર્ષ 1987માં વકીલ તરીકે પ્રેક્ટિસ શરૂ કરનાર અરવિંદ કુમારે 13 ઓક્ટોબર, 2021ના રોજ ગુજરાત હાઈકોર્ટના ચીફ જસ્ટિસ તરીકેનો કાર્યભાર સંભાળ્યો હતો. આ પહેલા અરવિંદ કુમારે કર્ણાટક હાઈકોર્ટના જજ પણ રહી ચૂક્યા છે.

About The Author

Related Posts

Top News

નેહા સાથે લગ્ન કર્યાના 15 દિવસમાં પતિએ પોલીસ ગર્લફ્રેન્ડ સાથે લગ્ન કર્યા

હાપુરની એક નવપરિણીત દુલ્હનની ખુશીને ત્યારે મોટો ઝટકો લાગ્યો જ્યારે તેનો પતિ લગ્નના 15 દિવસ પછી જ તેને છોડીને મંદિરમાં...
National 
નેહા સાથે લગ્ન કર્યાના 15 દિવસમાં પતિએ પોલીસ ગર્લફ્રેન્ડ સાથે લગ્ન કર્યા

હું ભગવાનમાં માનતો નથી, હું દશરથના માર્ગે ચાલું છુંઃ કમલ હાસન

દક્ષિણ અભિનેતા કમલ હાસન આ દિવસોમાં તેમની આગામી ફિલ્મ 'ઠગ લાઈફ'ને લઈને સમાચારમાં છે. અભિનેતા તેના પ્રમોશનમાં...
Entertainment 
હું ભગવાનમાં માનતો નથી, હું દશરથના માર્ગે ચાલું છુંઃ કમલ હાસન

સુરતના પ્રસિદ્ધ ઇન્ટરવેન્શનલ રેડિયોલોજિસ્ટ ડૉ. જેની ગાંધી મુખ્યમંત્રી દ્વારા સન્માનિત

સુરત: ગુજરાત અને સુરતના જાણીતા ઇન્ટરવેન્શનલ રેડિયોલોજિસ્ટ ડૉ. જેની ગાંધીને ન્યુરોવાસ્ક્યુલર અને પેરિફેરલ વાસ્ક્યુલર ઇન્ટરવેન્શન રેડિયોલોજીના ક્ષેત્રમાં નોંધપાત્ર યોગદાન બદલ...
Gujarat 
સુરતના પ્રસિદ્ધ ઇન્ટરવેન્શનલ રેડિયોલોજિસ્ટ ડૉ. જેની ગાંધી મુખ્યમંત્રી દ્વારા સન્માનિત

ડૉ. ગૌરવ ખંડેલવાલનું સ્પાઈન સર્જરીના ક્ષેત્રમાં મુખ્યમંત્રીએ કર્યું બહુમાન

સુરતઃ શેલ્બી હોસ્પિટલ્સ લિમિટેડ, સુરતના સ્પાઈન સર્જરી વિભાગના વડા ડૉ. ગૌરવ ખંડેલવાલ દેશના અગ્રણી સ્પાઈન સર્જન તરીકે ઓળખાય છે. તેમણે...
Gujarat 
ડૉ. ગૌરવ ખંડેલવાલનું સ્પાઈન સર્જરીના ક્ષેત્રમાં મુખ્યમંત્રીએ કર્યું બહુમાન
Copyright (c) Khabarchhe All Rights Reserved.