અમદાવાદમાં જજે કેસનો ચુકાદો આપ્યો કે તરત અપશબ્દો કહી તેમના પર બુટ ફેંકાયું, પણ તેમણે...

ગુજરાતના અમદાવાદમાં સિવિલ અને સેશન્સ કોર્ટમાં મંગળવારે અચાનક હોબાળો મચી ગયો હતો. અહીં ગુસ્સે ભરાયેલા ફરિયાદીએ એડિશનલ ચીફ જસ્ટિસ M.P. પુરોહિત પર પોતાના બંને બુટ ફેંક્યા હતા. આ ઘટના 1997ના એક મારપીટના કેસ સાથે સંબંધિત છે. આ કેસમાં ચાર આરોપીઓને નિર્દોષ જાહેર કરવામાં આવ્યાના સમાચાર સાંભળીને ફરિયાદી ગુસ્સે ભરાયો અને તેણે પોતાના બુટ કાઢીને ન્યાયાધીશ પર ફેંકી દીધા.

આ ઘટના બપોરના સમયે ભદ્ર કોર્ટ સંકુલમાં બની હતી. તે વ્યક્તિ સેશન્સ કોર્ટમાં હાજર હતો. 1997માં ગોમતીપુર વિસ્તારમાં ક્રિકેટ મેચ દરમિયાન થયેલી ઝપાઝપી દરમિયાન તેના પિતા પર હુમલો કરવામાં આવ્યો હતો. કોર્ટે ચાર આરોપીઓની નિર્દોષ મુક્ત કરવાના ચુકાદાને યથાવત રાખ્યો હતો.

આ કેસ 1997નો છે, જ્યારે શાકભાજી ખરીદતી વખતે તે વ્યક્તિના પિતાને ક્રિકેટ બોલ વાગવાથી ઇજા થઇ હતી. ત્યાર પછી મારામારી થઈ હતી, જેના કારણે તેમના પિતા પર કથિત રીતે હુમલો કરવામાં આવ્યો હતો. આ કેસમાં ચાર લોકો પર આરોપ મૂકવામાં આવ્યા હતા. 2017માં, એક મેટ્રોપોલિટન કોર્ટે ચારેય આરોપીઓને નિર્દોષ જાહેર કર્યા. સોમવારે, સેશન્સ કોર્ટે નિર્દોષ જાહેર કરવાના નિર્ણયને માન્ય રાખ્યો, જેના કારણે ત્યાં બુટ મારવાનો હુમલો થયો.

સરકારી વકીલ સુધીર બ્રહ્મભટ્ટના જણાવ્યા મુજબ, તે વ્યક્તિએ હોબાળો મચાવ્યો અને ન્યાયિક અધિકારીને અપશબ્દો બોલવાનું શરૂ કર્યું. જ્યારે પોલીસ અધિકારીઓ અને વકીલોએ તેને શાંત કરવાનો પ્રયાસ કર્યો, ત્યારે તે વધુ ગુસ્સે થયો અને એક પછી એક ન્યાયાધીશ પર પોતાના બુટ ફેંકવાનું શરૂ કર્યું. આ ઘટનામાં ન્યાયાધીશને કોઈ ઈજા થઈ ન હતી.

બ્રહ્મભટ્ટે કહ્યું હતું કે, હુમલા છતાં, ન્યાયાધીશે તે વ્યક્તિ સામે ફરિયાદ દાખલ કરવાનો ઇનકાર કર્યો હતો. જ્યારે કરંજ પોલીસ સ્ટેશનની પોલીસ ટીમ કોર્ટરૂમમાં આવી અને તે વ્યક્તિને અટકાયતમાં લીધી, ત્યારે ન્યાયાધીશે વિનંતી કરી કે, તેની સામે કોઈ કાર્યવાહી ન કરવામાં આવે.

સુપ્રીમ કોર્ટમાં એક વકીલે ભારતના મુખ્ય ન્યાયાધીશ પર બુટ ફેંક્યાના થોડા દિવસો પછી બનેલી આ ઘટનાને કારણે અમદાવાદ સ્થિત ગુજરાત ન્યાયિક સેવા સંગઠને સુરક્ષા વ્યવસ્થામાં તાત્કાલિક સુધારો કરવાની માંગ કરી છે. પ્રમુખ S.G. ડોડિયાના નેતૃત્વમાં સંગઠને એક નિવેદન બહાર પાડીને ન્યાયિક અધિકારીઓ, કોર્ટ સ્ટાફ અને કોર્ટ ઇમારતોની સુરક્ષા માટે તાત્કાલિક અને કડક સુરક્ષા પગલાં લેવાની માંગ કરી છે.

આ ઉપરાંત, તેમાં માંગ કરવામાં આવી હતી કે, ગુનેગારોને ઝડપથી ઓળખવામાં આવે, તેમની સામે કાર્યવાહી કરવામાં આવે અને લાગુ કાયદા હેઠળ તેણે કોર્ટમાં હાજર કરવામાં આવે. ન્યાયાધીશો અને કોર્ટ સ્ટાફ સાથે એકતા વ્યક્ત કરતા આ નિવેદનમાં, બનેલી આ ઘટના અને સુપ્રીમ કોર્ટ પરના હુમલા બંનેની નિંદા કરવામાં આવી.