શું અમારા છોકરાઓની કિંમત 4 લાખ જ છે? રૂપિયા નથી જોઇતા, ફાંસી...: કૃણાલના પિતા

અમને જલ્દીમાં જલ્દી ન્યાય મળે, આરોપીને સજા થાય. મારા છોકરાએ કોલેજ કરી, એ પછી બીજા 2 વર્ષ ભણ્યો, એ પછી બી.એડ કર્યું, એ પછી બીજા બે વર્ષ ભણ્યો, કેનેડા જઇને કોર્ષ કર્યા. આ છોકરાઓને ભણાવવાના 60-60 લાખ રૂપિયા થાય છે અને સરકાર 4 લાખ રૂપિયાની રાહત આપે છે. શું અમારા છોકરાઓની કિંમત 4 લાખ રૂપિયા જ છે? નાનપણથી ભણાવવામાં કરોડો રૂપિયાનો ખર્ચ થાય છે. બસ આરોપીઓને ફાંસી આપો અમારે પૈસા નથી જોઇતા. અમદાવાદના ઇસ્કોન બ્રીજ પર થયેલા અકસ્માતમાં મોતને ભેટેલા બોટાદના યુવાન કૃણાલ કોડિયાના પિતાએ પુત્રના મોતનો આક્રોશ વ્યક્ત કર્યો હતો.

અમદાવાદના ઇસ્કોન બ્રીજ પર બુધવારે રાત્રે જેગુઆર કારમાં જઇ રહેલા 19 વર્ષના તથ્ય પટેલે અકસ્માત કર્યો હતો અને તેમાં 9 લોકોના મોત થયા હતા. આ ઘટનામાં બોટાદના 3 યુવાનો  રોનક વિહલપરા, કૃણાલ કોડિયા અને અક્ષર ચાવડાના મોત થયા હતા.

કૃણાલ કોડીયાના કાકાએ મીડિયા સાથેની વાતચીતમાં કહ્યું હતું કે અમારા છોકરાઓને અમે માંડ માંડ કરીને ભણાવીએ અને આવા નબીરાઓ અકસ્માત કરીને જીવ છીનવી લે. આવી કોઇ ઘટનાન ફરી ન બને તેના પર સરકાર ધ્યાન આપે. આરોપીને ફાંસની સજા થવી જોઇએ. કૃણાલના પિતાએ કહ્યું કે, અમને પૈસા નથી જોઇતા, બસ, આરોપીને જલ્દીમાં જલ્દી સજા કરો. મારા છોકરના ભણાવવા માટે લાખો રૂપિયા ખર્ચ્યા છે અને સરકાર 4 લાખ રૂપિયા સહાય આપે છે.

રોનક, કૃણાલ અને અક્ષર

રોનક, કૃણાલ અને અક્ષર ત્રણેય મિત્રો હતા અને અમદાવાદમાં રહેતા હતા. રોનક અને કુણાલે મોડી રાત સુધી વાંચ્યા પછી ઇસ્કોન બ્રીજ તરફ ચા પીવા નિકળ્યા હતા. અક્ષય પહેલેથી જ ત્યાં હતો. ઇસ્કોન બ્રીજ પર થાર અને ડમ્પર વચ્ચે અકસ્માત થયો હતો જેમાં ઇજાગ્રસ્તોને મદદ કરવા માટે ત્રણેય મિત્રો પહોંચ્યા હતા અને જેગુઆર કારની અડફટે આવી ગયા હતા. મદદ કરવા ગયેલા ત્રણેય મિત્રોએ જીવ ગુમાવવાનો વારો આવ્યો હતો.

રોનક રાજુભાઇ વિહલપરા ભણવામાં હોંશિયાર વિદ્યાર્થી હતો અને ઉચ્ચ અભ્યાસ કરવા માટે અમદાવાદ આવ્યો હતો. અમદાવાદામાં રોનક કમ્પ્યુટર એન્જિનિયરીંગનો અભ્યાસ કરતો હતો. કૃણાલ અને રોનક  PGમાં રહેતા હતા. જ્યારે અક્ષર બે દિવસ પહેલાં જ બોટાદથી અમદાવાદ આવ્યો હતો અને કૃણાલ-રોનક સાથે PGમાં રહેવાનું નક્કી કર્યું હતું. પરંતુ ત્રણેય મિત્રોને કાળ ભરખી ગયો હતો.

About The Author

Top News

સુપ્રીમ કોર્ટે EDને કેમ ખખડાવી, કહ્યું- તમે બધી મર્યાદા પાર કરી દો છો

તમિલનાડુ સ્ટેટ કોર્પોરેશનની સામે EDના દરોડાના કેસની સુનાવણી સુપ્રિમ કોર્ટમાં થઇ હતી. કેન્દ્ર સરકાર વર્સીસ રાજ્ય સરકાર. આ સુનાવણી ...
National 
સુપ્રીમ કોર્ટે EDને કેમ ખખડાવી, કહ્યું- તમે બધી મર્યાદા પાર કરી દો છો

અંબાલાલે જણાવી દીધું, ગુજરાતમાં વાવાઝોડું આવવાનું છે કે નહીં

હવામાન વિભાગે શુક્રવાર માટે 13 જિલ્લાં ઓરેંજ એલર્ટ અને 20 જિલ્લામાં યલો એલર્ટ જાહેર કર્યું છે. છેલ્લાં કેટલાંક દિવસથી અરબી...
Gujarat 
અંબાલાલે જણાવી દીધું, ગુજરાતમાં વાવાઝોડું આવવાનું છે કે નહીં

સુરતમાં 12 વર્ષના દીકરાને દીક્ષા લેવી હતી, પિતા કોર્ટ પહોંચી ગયા અને આવ્યો આ ફેંસલો

સુરતમાં 12 વર્ષના છોકરાની દીક્ષા કોર્ટે અટકાવી છે. વાત એમ બની હતી કે સુરતનો એક છોકરો દીક્ષા લઇ રહ્યો છે...
Gujarat 
સુરતમાં 12 વર્ષના દીકરાને દીક્ષા લેવી હતી, પિતા કોર્ટ પહોંચી ગયા અને આવ્યો આ ફેંસલો

પંજાબની AAP સરકારે પોતાના જ ધારાસભ્યની ધરપકડ કરાવી, પાર્ટીએ કહ્યું, 'ભલે તે આપણો પણ કેમ ન હોય...'

પંજાબમાં આમ આદમી પાર્ટીના ધારાસભ્ય રમણ અરોરાની પંજાબ વિજિલન્સ બ્યુરો દ્વારા ધરપકડ કરવામાં આવી છે. ભ્રષ્ટાચારના કેસમાં શુક્રવારે (23...
National 
પંજાબની AAP સરકારે પોતાના જ ધારાસભ્યની ધરપકડ કરાવી, પાર્ટીએ કહ્યું, 'ભલે તે આપણો પણ કેમ ન હોય...'
Copyright (c) Khabarchhe All Rights Reserved.