આ હાઇવે વિશ્વનો સૌથી લાંબો પાન અમેરિકન હાઇવે છે. જે ઘણા ભૌગોલિક વિસ્તારોમાંથી થઈને પસાર થાય છે. તે એટલો લાંબો હાઇવે છે કે, તેનું નામ ગિનિસ બુક ઓફ વર્લ્ડ રેકોર્ડમાં પણ નોંધાય ચૂક્યું છે. આ હાઈવે પરથી પસાર થતી વખતે ગાઢ જંગલો, રણ અને બર્ફીલા વિસ્તારોથી લઈને શુષ્ક હવામાન સુધી ઘણું બધું જોવા મળે છે. આ હાઇવે અમેરિકન ખંડમાં બનેલો છે. આમાં ઉત્તરી અને દક્ષિણી અમેરિકા બંને કવર થાય છે. આટલો લાંબો હાઇવે કેમ બનાવવામાં આવ્યો ? આ પાછળ શું કારણ હતું ? જાણો આ સમાચારમાં.
મહિનાઓ લાગી જાય છે અંતર કાપવામાં
પહેલાના સમયમાં, મોટાભાગના મધ્ય અમેરિકન દેશોની વચ્ચે રસ્તાઓ નહીં હતા અને તેના કારણે વેપાર પણ ખૂબ ઓછો થતો હતો. આ કારણોસર જ આ હાઇવે બનાવવામાં આવ્યો. તેનો ત્રીજો તબક્કો હજુ પૂરો થયો નથી. આ હાઈવે પર મુસાફરી કરતી વખતે જંગલો, પર્વતો, રણ અને ગ્લેશિયરો વગેરેમાંથી પસાર થવું પડે છે. 30 હજાર કિલોમીટર લાંબા પાન અમેરિકન હાઈવેનું અંતર કાપવામાં લોકોને ઘણા મહિનાઓ લાગી જાય છે.
આ હાઈવે પર વાહન ચલાવવું સરળ નથી
પાન અમેરિકન હાઇવે પર ડ્રાઇવિંગ કરવું બિલકુલ પણ સરળ નથી હોતું. તેનું મુખ્ય કારણ એ છે કે, સમગ્ર હાઇવે પરથી મુસાફરોએ અલગ-અલગ પરિસ્થિતિઓ અને વિસ્તારોમાંથી થઈને પસાર થવું પડે છે. પાન અમેરિકન હાઇવે પર ક્યાંક લાંબુ રણ છે તો ક્યાંક ગાઢ જંગલ. આવી સ્થિતિમાં, આ બદલાતી પરિસ્થિતિઓમાં પાન અમેરિકન હાઇવે પર વાહન ચલાવવું લોકો માટે ખૂબ જ મુશ્કેલ હોય છે. જંગલોમાં વાહન ચલાવવું ક્યારેક-ક્યારેક જોખમી પણ બની જાય છે.
આ 14 દેશોમાં છે આ હાઇવે
આ હાઇવેને બનાવવાની યોજના સૌ પ્રથમ 1889મા પાન અમેરિકન કોન્ફરન્સમાં યોજવામાં આવી હતી. તે સમયે તેને રેલમાર્ગના રૂપમાં પ્રસ્તાવિત કરવામાં આવી હતી. ઘણા સમય સુધી આ બાબત પર ચર્ચા ચાલતી રહી અને મહામંદી પછીના વર્ષોમાં, આ 14 દેશોએ હાઇવે બનાવવા માટે સંમતિ આપી. 29 જુલાઈ, 1937ના રોજ આર્જેન્ટિના, બોલીવિયા, ચિલી, કોલંબિયા, કોસ્ટા રિકા, અલ સાલ્વાડોર, ગ્વાટેમાલા, હોન્ડુરાસ, મેક્સિકો, નિકારાગુઆ, પનામા, પેરુ, કેનેડા અને સંયુક્ત રાજ્ય અમેરિકાએ હસ્તાક્ષર કર્યા.
3.jpg)
