કાનપુરના મહારાજપુર વિસ્તારમાં, ત્રણ બાળકોની માતાએ તેના પતિ કે પિયર પાછા ફરવાને બદલે એક યુવતી સાથે રહેવાનો નિર્ણય લીધો છે, જેની સાથે તે લગભગ એક વર્ષથી સંપર્કમાં હતી. પોલીસ સમક્ષ હાજર થયા બાદ મહિલાએ જણાવ્યું હતું કે તે પુખ્ત વયની છે અને પોતાના જીવન વિશે નિર્ણયો લેવા માટે સક્ષમ છે. તેણે પતિના ઘરે કે પિયર પાછા ફરવાનો ઇનકાર કરી દીધો. આ મામલો બુધવારે સામે આવ્યો હતો. આશરે 32 વર્ષીય મહિલા 6 સપ્ટેમ્બરે અચાનક તેનું પિયર છોડીને જતી રહી હતી. ત્યારબાદ તેના પરિવારે તેની શોધખોળ શરૂ કરી અને પોલીસને જાણ કરી. તપાસ દરમિયાન પોલીસને જાણવા મળ્યું કે મહિલા પનકી વિસ્તારમાં દિલ્હીની રહેવાસી 25 વર્ષીય યુવતી સાથે રહે છે.
મહિલાની શોધખોળ દરમિયાન પોલીસને પનકી વિસ્તારમાં તેની હાજરી વિશે માહિતી મળી હતી. ત્યારબાદ પોલીસની ટીમે તેને શોધી કાઢી અને પોલીસ સ્ટેશન લઇ ગઇ હતી. પૂછપરછ દરમિયાન મહિલાએ જણાવ્યું કે તે લગભગ એક વર્ષથી બીજી યુવતીના સંપર્કમાં છે. બંને વચ્ચે ગાઢ સંબંધ હોવાની વાત પણ સામે આવી.
પોલીસના જણાવ્યા અનુસાર, મહિલાએ યુવતી સાથે રહેવાની ઈચ્છા વ્યક્ત કરી. તેણે કહ્યું કે તે પોતાના જીવન અંગેના નિર્ણયો જાતે લેવા માંગે છે. પોલીસે આ મામલે મહિલાની ઈચ્છા અને સામે આવેલી હકીકતોના આધારે આગળની કાર્યવાહી કરી. પોલીસે મહિલાને એક્ઝિક્યુટિવ મેજિસ્ટ્રેટ સમક્ષ પણ રજૂ કરી હતી. ત્યાં પણ તેણે પોતાના નિર્ણયને લઇને કોઇ પ્રકારની અસમંજસની વાત કહી નહોતી. તેણે સ્પષ્ટપણે કહ્યું કે તે પુખ્ત વયની છે અને પોતાની શરતો પર જીવન જીવવા માંગે છે.
મહિલાએ સ્પષ્ટ કર્યું કે તે ન તો પતિ પાસે પાછી જવા માંગે છે કે ન તો પિયર પાછી જવા માંગે છે. તેણે યુવતી સાથે રહેવાની પોતાની ઈચ્છા ફરીથી વ્યક્ત કરી. પોલીસના જણાવ્યા અનુસાર, તેણે કહ્યું કે તે પોતાની મરજીથી યુવતી સાથે જઈ રહી છે. પૂછપરછ દરમિયાન કોઈ પણ પ્રકારની જબરદસ્તી કે દબાણનો પુરાવો મળ્યો નહોતો. ત્યારબાદ પોલીસે બંનેને જવાની મંજૂરી આપી. પોલીસની કાર્યવાહી પૂર્ણ થયા પછી, બંને મહિલાઓ સાથે મળીને પોલીસ સ્ટેશનમાંથી બહાર નીકળી. ત્યારબાદ, ગુરુવારે તેઓ બસ દ્વારા દિલ્હી જવા રવાના થઈ ગઇ. બીજી તરફ, મહિલાના પરિવારજનો તેના નિર્ણયથી નિરાશ થઈને ઘરે પાછા ફર્યા. પોલીસે જણાવ્યું હતું કે મહિલાએ પોતાના પરિવાર સાથે જવાની સ્પષ્ટ ના પાડી દીધી હતી અને યુવતી સાથે રહેવાની ઈચ્છા વ્યક્ત કરી હતી; તેથી, તેની ઈચ્છા મુજબ જરૂરી કાર્યવાહી કરવામાં આવી હતી.
આ મામલો એટલે ચર્ચાનો વિષય છે કારણ કે એક પુખ્ત વયની મહિલાએ પોલીસ અને એક્ઝિક્યુટિવ મેજિસ્ટ્રેટ સમક્ષ પોતાના વ્યક્તિગત જીવન અંગેની પસંદગી સ્પષ્ટપણે વ્યક્ત કરી. પતિ કે પિયરના લોકો સાથે જવાનો ઇનકાર કરીને, તેણે પોતાની મરજીથી યુવતી સાથે રહેવાનો નિર્ણય જાહેર લીધો હતો. હાલમાં, મહિલા દ્વારા પોલીસ સમક્ષ કોઈ પણ પ્રકારના દબાણ કે જબરદસ્તી અંગેની ફરિયાદ નોંધાવવામાં આવી નથી. તેમના દિલ્હી રવાના થયા બાદ, મહિલાના નિવેદન અને ઉપલબ્ધ તથ્યોના આધારે પોલીસની કાર્યવાહી આગળ વધી રહી છે.
5.jpg)
