છેલ્લા કેટલાક દિવસોમાં, દેશના વિવિધ રાજ્યોમાંથી એવા ઘણા કિસ્સાઓ પ્રકાશમાં આવ્યા છે, જ્યાં પત્ની અને તેના પ્રેમીએ તેમના પતિની હત્યા કરી હતી. આ દરમિયાન, ગ્વાલિયરથી એક પીડિત પતિની દર્દનાક વાર્તા સામે આવી છે. UPના મેરઠમાં 'બ્લુ ડ્રમ મર્ડર' પછી, ગ્વાલિયરમાં એક વ્યક્તિએ ચાર રસ્તાની વચ્ચે ધરણા પર બેસીને કહ્યું કે, તેને તેની પોતાની પત્નીથી જ જીવનું જોખમ છે. તેણે પોલીસ તેમજ CMને ન્યાય માટે અપીલ કરી છે. ધરણા પર બેઠેલો યુવક એક કાગળ પણ બતાવી રહ્યો છે, જેમાં તેણે તેની પત્ની પર છેતરપિંડીનો આરોપ લગાવ્યો છે અને ડર વ્યક્ત કર્યો છે કે તે તેને મારી નાખશે. યુવકે એવો પણ આરોપ લગાવ્યો છે કે તેની પત્નીના 3-4 બોયફ્રેન્ડ છે.
તે યુવાન હાથમાં કાગળ લઈને બેઠો છે, જેના પર લખ્યું છે... 'મુખ્યમંત્રી, કૃપા કરીને મારી પત્નીને સજા અપાવો. તેણે મને દગો આપ્યો છે. મારા દીકરાની હત્યા કરી છે. તે મારી હત્યા પણ કરાવી શકે છે. તાજેતરમાં, દેશમાં ઘણા કિસ્સાઓ પ્રકાશમાં આવ્યા છે, જ્યાં પત્ની, તેના બોયફ્રેન્ડ સાથે મળીને, પતિની હત્યા કરાવે છે અને મારી પત્નીના પણ 3-4 બોયફ્રેન્ડ છે.'
ફરિયાદી યુવકનું નામ અમિત કુમાર સેન છે. તે ગ્વાલિયરના જનકપુરી વિસ્તારનો રહેવાસી છે. તે કહે છે કે, તેની પત્નીને ત્રણથી ચાર પ્રેમીઓ છે. હાલમાં તે રાહુલ બાથમ નામના વ્યક્તિ સાથે લિવ-ઇન રિલેશનશિપમાં રહે છે. અમિતે આરોપ લગાવ્યો કે, તેની પત્ની અને તેના પ્રેમીએ મળીને તેના મોટા પુત્ર હર્ષની હત્યા કરાવી અને તેની પત્ની તેના નાના પુત્રને પણ પોતાની સાથે લઈ ગઈ છે. અમિતે ડર વ્યક્ત કર્યો છે કે, મેરઠના 'બ્લુ ડ્રમ મર્ડર કેસ'ની જેમ મારી પણ હત્યા થઈ શકે છે, કારણ કે મારી પત્નીનો પ્રેમી મને સતત મારી નાખવાની ધમકી આપી રહ્યો છે.
અમિતે કહ્યું છે કે, તેણે ઘણી વખત પોલીસમાં ફરિયાદ નોંધાવી છે, પરંતુ અત્યાર સુધી કોઈ નક્કર કાર્યવાહી કરવામાં આવી નથી. જ્યારે તેને ન્યાય ન મળ્યો, ત્યારે તેઓ ફૂલબાગ ક્રોસિંગ પર CM મોહન યાદવના પોસ્ટર હેઠળ ધરણા પર બેઠા અને સુરક્ષાની માંગ કરી રહ્યો છે.
બીજી તરફ, જનકગંજ પોલીસ સ્ટેશનના ઇન્ચાર્જ વિપિન સિંહ ચૌહાણે જણાવ્યું કે, હાલમાં તેમને આ મામલે કોઈ ફરિયાદ મળી નથી. જો ફરિયાદ પહેલા નોંધાઈ હોય, તો તેની તપાસ કરવામાં આવશે. પોલીસે ખાતરી આપી હતી કે, ફરિયાદ મળ્યા પછી કાયદેસરની કાર્યવાહી કરવામાં આવશે.
