UP MLC ચૂંટણીમાં 5 સીટો પર યોજાયેલી ચૂંટણી, જાણો શું આવ્યું પરિણામ

ઉત્તર પ્રદેશમાં વિધાન પરિષદની 5 સીટો પર ચૂંટણીના પરિણામ આવી ગયા. 4 સીટો પર BJPએ જીત નોંધાવી છે. તેમજ એક સીટ અપક્ષના ખાતામાં ગઈ છે. જે સીટોના પરિણામો આવ્યા છે તેમાંથી ત્રણ સ્નાતક અને બે સીટો શિક્ષકોની છે. આ સીટો પર કુલ 44 ઉમેદવારો ચૂંટણી મેદાનમાં હતા. વિધાન પરિષદ ચૂંટણીમાં સપાનું ખાતું પણ ના ખુલી શક્યું. બરેલી સીટ પર BJPએ રેકોર્ડ જીત મેળવી છે.

સ્નાતક કોટાની ગોરખપુર-ફૈઝાબાદ સીટ પર BJPના દેવેન્દ્ર પ્રતાપ સિંહે જીત મેળવી છે. બરેલી-મુરાદાબાદ સીટ પર હેટ્રિક લગાવતા ત્રીજીવાર BJPના જયપાલ સિંહ વ્યસ્તે જીત નોંધાવી છે. BJPએ આ સીટ સતત આઠમીવાર જીતી છે. કાનપુર-ઉન્નાવ સીટ પર BJPના અરૂણ પાઠકે જીત નોંધાવી છે. આ ત્રણેય MLC સીટો પહેલા પણ BJPની પાસે હતી અને પાર્ટીએ ફરી એકવાર પોતાનો દબદબો બનાવી રાખ્યો છે.

તેમજ, શિક્ષક કોટાની ઝાંસી-ઈલ્હાબાદ MLC સીટ પર BJP ઉમેદવાર બાબૂલાલ તિવારીને નિર્વાચિત જાહેર કરવામાં આવ્યા છે, જ્યાં શર્મા ગ્રુપનો પહેલા કબ્જો હતો. કાનપુર-ઉન્નાવ શિક્ષક કોટાની MLC સીટ પર અપક્ષ રાજ બહાદુર સિંહ ચંદેલની જીત નક્કી માનવામાં આવી રહી હતી. જોકે, હજુ આધિકારીક જાહેરાત બાકી છે.

उत्तर प्रदेश विधान परिषद के चुनाव में विजयी सभी प्रत्याशियों को हार्दिक बधाई!

राज्य विधान मण्डल के उच्च सदन के लिए हुए चुनाव में भाजपा प्रत्याशियों को मिली यह जीत आदरणीय प्रधानमंत्री श्री @narendramodi जी के नेतृत्व वाली डबल इंजन सरकार के प्रति अथाह जन विश्वास की प्रतीक है।

— Yogi Adityanath (@myogiadityanath) February 3, 2023

વિધાન પરિષદ ચૂંટણીમાં મળેલી જીત પર ઉત્તર પ્રદેશના મુખ્યમંત્રી યોગી આદિત્યનાથે અભિનંદન પાઠવ્યા. તેમણે કહ્યું કે, રાજ્ય વિધાન મંડળના ઉચ્ચ સદન માટે યોજાયેલી ચૂંટણીમાં BJP ઉમેદવારોને મળેલી આ જીત વડાપ્રધાન નરેન્દ્ર મોદીજીના નેતૃત્વવાળી ડબલ એન્જિન સરકાર પ્રત્યે અથાહ જન વિશ્વાસનો પ્રતીક છે. યૂપીના ડેપ્યૂટી સીએમ કેશવ પ્રસાદ મૌર્યએ કહ્યું, શિક્ષક અને સ્નાતક MLC ચૂંટણી 2023માં BJP ઉમેદવારોને જીતના હાર્દિક અભિનંદન, બુદ્ધિજીવી વર્ગે 2024નો સંદેશ આપ્યો. મતદાતાઓ પ્રત્યે આભાર, કાર્યકર્તાઓને હાર્દિક અભિનંદન. તેમણે ટ્વિટ કરીને લખ્યું- હિંદુઓ અને રામચરિતમાનસ વિરોધી, અહંકારી અને ગુંડાગર્દી કરનારી સપાનો સફાયો, સમાપ્ત વાદી પાર્ટી બનશે સપા.

शिक्षक और स्नातक MLC चुनाव 2023 में भाजपा प्रत्याशियों को जीत की हार्दिक बधाई,बुद्धिजीवी वर्ग ने 2024 का संदेश दिया!
मतदाताओं के प्रति आभार,कार्यकर्ताओं को हार्दिक बधाई!
हिंदूओं और रामचरितमानस विरोधी,अहंकारी और गुंडागर्दी करने वाली सपा का सफ़ाया,
समाप्त वादी पार्टी बनेगी सपा!

— Keshav Prasad Maurya (@kpmaurya1) February 3, 2023

મહારાષ્ટ્રમાં પણ વિધાન પરિષદની 5 સીટો પર યોજાયેલી ચૂંટણીના પરિણામ આવી ગયા. તેમા મહારાષ્ટ્રમાં BJP- એકનાથ શિંદે જૂથની શિવસેનાને મોટો ઝટકો લાગ્યો છે. અહીં 5 સીટો પર યોજાયેલી ચૂંટણીમાં 3 પર વિપક્ષી મહાવિકાસ અઘાડીના ઉમેદવારોએ જીત મેળવી છે. તેમજ, માત્ર 1 સીટ BJPના ખાતામાં ગઈ, તો 1 સીટ અપક્ષના ખાતામાં ગઈ. મહારાષ્ટ્રમાં વિધાન પરિષદની જે 5 સીટો પર ચૂંટણી યોજાઈ હતી, તેમાંથી ત્રણ શિક્ષક કોટાની (નાગપુર, કોંકણ અને ઔરંગાબાદ) સીટ પર ચૂંટણી યોજાઈ. જ્યારે સ્નાતક કોટાની બે સીટો (નાશિક, અમરાવતી) છે. તેના પર 30 જાન્યુઆરીએ મતદાન થયુ હતું.