કર્ણાટકના ઉડુપીમાં ફાટી નીકળેલા હિજાબ વિવાદની આગ ઘણા જિલ્લા સુધી પહોંચી હતી. હવે આ મુદ્દો કેરળની મેડિકલ કોલેજમાં ઉભો થયો છે. કેરળ મેડિકલ કોલેજની સાત વિદ્યાર્થીનીઓએ ઓપરેશન થિયેટરમાં હિજાબ પહેરવાની પરવાનગી માંગી છે. મેડિકલ કોલેજ પ્રશાસનનું કહેવું છે કે, તેઓ આની પરમિશન આપી શકતા નથી.
કેરળની રાજધાની તિરુવનંતપુરમ સરકારી મેડિકલ કોલેજના 7 વિદ્યાર્થીઓના જૂથે પ્રિન્સિપાલને પત્ર લખ્યો હતો. આ પત્રમાં તેણે ઓપરેશન થિયેટરની અંદર હિજાબ ન પહેરવા દેવા અંગે ચિંતા વ્યક્ત કરી છે. તેમણે કહ્યું છે કે, તેમને શક્ય તેટલી વહેલી તકે લાંબી બાંયનું સ્ક્રબ જેકેટ અને સર્જિકલ હૂડ પહેરવાની મંજૂરી આપવામાં આવે. 2020 MBBS બેચના વિદ્યાર્થી દ્વારા લખાયેલ આ પત્રમાં 2018, 2021 અને 2022 બેચની છ મહિલા મેડિકલ સ્ટુડન્ટ્સની સહી છે.
પત્રમાં કહેવામાં આવ્યું છે કે, તેમને ઓપરેશન થિયેટરની અંદર માથું ઢાંકવાની મંજૂરી નથી અને તેની ધાર્મિક માન્યતાઓ અનુસાર મુસ્લિમ મહિલાઓ માટે તમામ સંજોગોમાં હિજાબ પહેરવું ફરજિયાત છે. તેમાં ઉમેર્યું હતું કે, 'હિજાબ પહેરેલી મહિલાઓને ધાર્મિક પોશાક પહેરવા અને હોસ્પિટલ અને ઓપરેટિંગ રૂમના નિયમોનું પાલન કરવા તેમજ નમ્રતા જાળવવા વચ્ચે સંતુલન જાળવવું મુશ્કેલ લાગે છે.'
કૉલેજના પ્રિન્સિપાલ ડૉ. લિનેટ J. મોરિસે પત્ર મળ્યાની પુષ્ટિ કરી. તેમણે કહ્યું કે તે લાંબી સ્લીવ્ઝ અને હૂડનો ઉપયોગ કરવા માંગે છે. મેં તેને કહ્યું કે, લાંબા ગાળે તે શક્ય નથી કારણ કે ઓપરેશન દરમિયાન કોણી સુધી હાથ ધોવા પડે છે. જો આપણે તેનું પાલન નહીં કરીએ તો ચેપ લાગશે. મેં તેમને કહ્યું છે કે હું તેમની વિનંતી પર નિર્ણય લેવાની સ્થિતિમાં નથી. તેમણે કહ્યું કે સર્જનો અને ચેપ નિયંત્રણ નિષ્ણાતોની બેઠક બોલાવવામાં આવશે. દર્દીની સલામતી સર્વોચ્ચ પ્રાથમિકતા છે. અમે એક સમિતિ બોલાવીશું અને બંને પક્ષોને જોઈશું અને દર્દીની સલામતી પર ધ્યાન કેન્દ્રિત કરવામાં આવશે, જેની સાથે બાંધછોડ કરી શકાય તેમ નથી.
મેડિકલ કોલેજ, કોઝિકોડ અને એસોસિયેશન ઓફ સર્જન્સ ઓફ ઈન્ડિયાની નેશનલ એક્ઝિક્યુટિવ કમિટીના સભ્ય, ડૉ. રાજન P.એ જણાવ્યું હતું કે અમારી પાસે જાતિ, સંપ્રદાય અથવા ધર્મને ધ્યાનમાં લીધા વિના સમગ્ર વિશ્વમાં પ્રમાણભૂત સિસ્ટમ અને પ્રથાઓનો સમૂહ છે. આપણે તબીબી ક્ષેત્રમાં ધર્મને લાવવાનો પ્રયાસ ન કરવો જોઈએ. પહેલાં, સાધ્વીઓ થિયેટરમાં તેમના ધાર્મિક વસ્ત્રો પહેરતી હતી, પરંતુ તેઓએ પરંપરાગત સર્જિકલ વસ્ત્રો પહેરવાનું શરૂ કર્યું. આપણે એ સિદ્ધાંતોને નષ્ટ ન કરવા જોઈએ.
15.jpg)
