રાહુલ ગાંધીની મુશ્કેલીઓમાં વધારો કરી રહ્યા છે CM વિજય

2029ની લોકસભા ચૂંટણી હજુ 2 વર્ષ દૂર છે, પરંતુ તમિલનાડુમાં પરિસ્થિતિ હજુ પણ જટિલ છે. થોડા મહિના પહેલા જ સત્તામાં આવેલા તમિલનાડુના CM C. જોસેફ વિજયને તેમની પાર્ટી સતત PM ચહેરા તરીકે રજૂ કરી રહી છે. આનાથી સાથી પાર્ટી કોંગ્રેસ અસ્વસ્થ થઈ રહી હોય તેવું લાગે છે. ઘણા દિવસોથી ચાલી રહેલા આ વિવાદને ત્યારે ફરીથી હવા મળી કે, જ્યારે કોંગ્રેસના ભૂતપૂર્વ રાજ્ય વડા K. સેલ્વાપેરુથાગાઈએ તમિલનાડુ વેટ્ટી કઝગમ (TVK) સાથે કોંગ્રેસના જોડાણ પર જ સવાલ ઉઠાવ્યા. તેમણે કહ્યું કે કોંગ્રેસ સાથે જોડાણ બનાવનાર કોઈપણ પક્ષે એક વાત પર સંમત થવું જોઈએ કે રાહુલ ગાંધી જ 2029માં PM ઉમેદવાર હશે.

CM Vijay-Rahul Gandhi
jagran.com

તમિલનાડુ કોંગ્રેસ એકમના ભૂતપૂર્વ પ્રમુખે TVK સાથે પાર્ટીના જોડાણની પણ ટીકા કરી. તેમણે કહ્યું કે, જો તેઓ રાહુલ ગાંધીને PM ચહેરા તરીકે સ્વીકારતા નથી, તો તેમની સાથે જોડાણ કરવાનો શું અર્થ છે. સેલ્વાપેરુમ્થાગાઈએ સ્પષ્ટ કર્યું કે, રાહુલ ગાંધી જ PM પદના એકમાત્ર દાવેદાર છે. કોંગ્રેસના ભૂતપૂર્વ પ્રદેશ પ્રમુખના આ નિવેદન પર સાંસદ પ્રવીણ ચક્રવર્તીએ ટિપ્પણી કરી. જોકે, તેમણે CM થલાપતિ વિજયની પાર્ટી પ્રત્યે નરમ વલણ અપનાવ્યું. તેમણે મતભેદોને ઓછા મહત્વ આપ્યું અને ભવિષ્યમાં ગઠબંધનને મજબૂત રાખવા સંમતિ આપી.

CM Vijay
abplive.com

તમિલનાડુ કોંગ્રેસના ભૂતપૂર્વ પ્રમુખના નિવેદનનો જવાબ આપતા, સાંસદ પ્રવીણ ચક્રવર્તીએ જણાવ્યું કે, ભૂતપૂર્વ રાજ્ય પક્ષના વડાને હાલમાં ગઠબંધન પર ટિપ્પણી કરવાનો અધિકાર નથી. તેમણે કહ્યું કે કોંગ્રેસ અને TVK વચ્ચેના સંબંધો અંગે કોઈ અનિશ્ચિતતા નથી અને કહ્યું કે બંને પક્ષો વચ્ચેની ચર્ચાઓ મૈત્રીપૂર્ણ રહી છે.

અત્રે ઉલ્લેખનીય છે કે બંને પક્ષો વચ્ચે આ વિવાદ ત્યારે શરૂ થયો જ્યારે વિજયની પાર્ટીના વરિષ્ઠ નેતાઓએ દાવો કર્યો કે, તેઓ હવે CM નહીં પરંતુ PM પદના ઉમેદવાર છે. આનાથી બંને પક્ષો વચ્ચે થોડી અસ્વસ્થતાભરી પરિસ્થિતિ સર્જાઈ. જોકે, બંને પક્ષોએ પાછળથી સંકેત આપ્યો કે બધું બરાબર છે.

Rahul Gandhi
nayaindia.com

થોડા દિવસો પહેલા જ, તમિલનાડુમાં શાસક પક્ષે તેના તમામ ગઠબંધન ભાગીદારોને તેના ગઠબંધનનું નામ અંતિમ સ્વરૂપ આપવા માટે બોલાવ્યા હતા. કોંગ્રેસ પક્ષના નેતાઓ પણ આ બેઠકમાં હાજર રહ્યા હતા. આ દરમિયાન, તમિલનાડુ કોંગ્રેસના પ્રમુખ મણિકમ ટાગોરે સંકેત આપ્યો કે બંને પક્ષો વચ્ચે બધું બરાબર છે. તેમણે એમ પણ કહ્યું કે રાહુલ ગાંધી 2029માં કોંગ્રેસ પાર્ટીના PM પદના ઉમેદવાર હશે.

CM Vijay-Rahul Gandhi
thecsrjournal.in

જોકે, આમ છતાં પણ બંને પક્ષો વચ્ચે અસ્વસ્થતાની સ્થિતિ યથાવત બનેલી છે. આ મતભેદો મહત્વપૂર્ણ માનવામાં આવે છે, કારણ કે તમિલનાડુમાં, કોંગ્રેસ પાર્ટીએ DMKને છોડી દીધી છે અને TVK સાથે જોડાણ કર્યું છે. પરિણામે, આગામી લોકસભા ચૂંટણીમાં તે CM વિજયની પાર્ટી સાથે ઉભી રહેતી જોવા મળી શકે છે.

About The Author

Related Posts

Top News

IPOમાં આખી દુનિયામાં ભારત નંબર વન બની ગયું છે: સેબી ચેરમેન

સેબીના ચેરમેન તુહિન કાંત પાંડેએ એક કાર્યક્રમમાં કહ્યું કે, IPOના ક્ષેત્રે ભારત હવે આખી દુનિયામાં નંબર વન બની...
Business 
IPOમાં આખી દુનિયામાં ભારત નંબર વન બની ગયું છે: સેબી ચેરમેન

શું ભારતમાં ઇલેક્ટ્રિક વાહનોને ટોલ ટેક્સ નથી ચૂકવવો પડતો?

ભારતમાં, ઇલેક્ટ્રિક કાર અનેક ફાયદાઓ સાથે આવે છે, જેમ કે સબસિડી, ગુડ્સ એન્ડ સર્વિસ ટેક્સ (GST) ...
Tech and Auto 
શું ભારતમાં ઇલેક્ટ્રિક વાહનોને ટોલ ટેક્સ નથી ચૂકવવો પડતો?

જો દીકરી લગ્ન પછી આ 5 વાતો વારંવાર કહેતી હોય તો માતા-પિતાએ તેને ધ્યાન પર લેવી જોઈએ

ટ્વિશા શર્મા કેસ હોય કે દીપિકા નાગર કેસ, આ કેસોએ લગ્ન પછી છોકરીઓના જીવન અને તેમના સાસરિયાંના ઘરમાં તેમની...
Lifestyle 
જો દીકરી લગ્ન પછી આ 5 વાતો વારંવાર કહેતી હોય તો માતા-પિતાએ તેને ધ્યાન પર લેવી જોઈએ

વિદેશમાં કમાણી, કરોડોની બચત છતા ભારતીયો દેશ પાછા કેમ નથી આવવા માંગતા?

જે ભારતીયો અમેરિકા, કેનેડા, ઓસ્ટ્રેલિયા, યુકે કે પછી બીજા કોઈ વિકસિત દેશોમાં જાય છે તેમનો મુખ્ય હેતુ...
National 
વિદેશમાં કમાણી, કરોડોની બચત છતા ભારતીયો દેશ પાછા કેમ નથી આવવા માંગતા?
Copyright (c) Khabarchhe All Rights Reserved.