2 લોકોએ 2.89 કરોડનું સોનું એવી રીતે છુપાવ્યું કે DRIની ટીમ પણ હેરાન રહી ગઈ

મુંબઈ એરપોર્ટ હાલના દિવસોમાંમાં ‘તસ્કરી’ વેબ સીરિઝને કારણે ચર્ચામાં છે. આ વેબ સીરિઝમાં બતાવવામાં આવ્યું છે કે, લોકો અન્ય દેશોમાંથી સોનાની તસ્કરી કેવી રીતે કરે છે, જો કે, તેઓ પકડાય જાય છે. શુક્રવારે પણ કંઈક આવું જ બન્યું, જ્યારે મુંબઈમાં ડિરેક્ટોરેટ ઓફ રેવન્યૂ ઇન્ટેલિજન્સ (DRI)એ આંતરરાષ્ટ્રીય કુરિયર દ્વારા સોનાની તસ્કરી કરવાનો પ્રયાસ નિષ્ફળ બનાવી દીધો. DRI મુંબઈ ઝોનની ટીમે 1.815 કિલોગ્રામ સોનું જપ્ત કર્યું, જેની અંદાજિત બજાર કિંમત લગભગ 2.89 કરોડ રૂપિયા છે. આ કેસના સંદર્ભમાં 2 લોકોની ધરપકડ કરવામાં આવી છે.

પોલીસ અધિકારીઓના જણાવ્યા અનુસાર, સોનાનો આ માલ સાઉદી અરેબિયાના રિયાધથી મુંબઈના ઇન્ટરનેશનલ કુરિયર ટર્મિનલ પર પહોંચ્યો હતો. ગુપ્ત માહિતીના આધારે DRIએ તપાસ માટે આ માલ અટકાવ્યો હતો. શરૂઆતી તપાસમાં કુરિયર પાર્સલ શંકાસ્પદ હોવાનું સામે આવ્યું. ત્યારબાદ અધિકારીઓએ પાર્સલની તપાસ કરતા સોનું જપ્ત કર્યું હતું.

https://twitter.com/ians_india/status/2014869894878396536?s=20

DRI ટીમને તપાસ દરમિયાન પાર્સલમાં એક ગ્રાઇન્ડીંગ મશીન મળી આવ્યું હતું, જેના પર અધિકારીઓને શંકા હતી. જોકે, જ્યારે મશીન ખોલીને ગિયર તોડવામાં આવ્યા, ત્યારે અંદરથી 32 સોનાના ટુકડા મળી આવ્યા હતા. સોનું એવી રીતે છુપાવવામાં આવ્યું હતું કે કોઈને ખબર પણ ન પડે. ટીમે તાત્કાલિક સોનું જપ્ત કરી લીધું હતું.

સાથે જ યુવક અને તેના સાથી વિરુદ્ધ કેસ નોંધવામાં આવ્યો છે. બંને આરોપીઓની પૂછપરછ કરવામાં આવી રહી છે, જેથી તસ્કરીના સમગ્ર નેટવર્ક અને તેમાં સામેલ અન્ય વ્યક્તિઓનો પર્દાફાશ થાય. આરોપીઓમાંથી એક કુરિયર કન્સાઇન્મેન્ટ મેળવવા માટે પહોંચ્યો હતો, જ્યારે બીજો કન્સાઇન્મેન્ટના ક્લિયરન્સ માટે KYC દસ્તાવેજોની વ્યવસ્થા કરવામાં સામેલ હતો. એજન્સી એ પણ તપાસ કરી રહી છે કે શું સોનું કે અન્ય કિંમતી ધાતુઓ પહેલા પણ આ પ્રકારે કુરિયર દ્વારા ભારતમાં મોકલવામાં આવી હતી કે નહીં. હાલમાં તપાસ ચાલી રહી છે.