જે પુત્રને ઉછેરીને મોટો કર્યો, તેણે જ મોબાઈલ માટે માતાની નજર સામે જ પિતાનો જીવ લઇ લીધો

મહારાષ્ટ્રના ધારાશિવ જિલ્લામાંથી એક એવી ઘટના સામે આવી છે જેણે સંબંધોને શર્મસાર કરી દીધા છે. અહીં તુલજાપુર તાલુકાના યેવતી ગામમાં એક પુત્રએ ઘરના આંગણામાં સૂતેલા પોતાના પિતાના માથા પર લોખંડના પાઈપ વડે હુમલો કરીને તેમની હત્યા કરી દીધી. આ ઘટના 10 નવેમ્બરની રાત્રે બની હતી. મૃતકની ઓળખ ખાંડુ પાંડુરંગ ડોમ્બાલે (ઉં.વ. 56) તરીકે થઈ છે, જ્યારે આરોપી પુત્રનું નામ શ્રીશૈલ ઉર્ફે બબલુ ખાંડુ ડોમ્બાલે (ઉં.વ 29) છે.

અહેવાલો અનુસાર, ઘટનાવાળી રાત્રે શ્રીશૈલે તેના પિતા પાસે મોબાઈલ ફોનની માંગણી કરી હતીય આ સાથે જ વો ફોન ખરીદવા માટે પૈસા પણ માંગ્યા હતા. પિતાએ રાતનો સમય હોવાની વાત કહેતા મોબાઇલ આપવાની ના પાડી દીધી. તેણે પુત્રને કહ્યું કે, અત્યારે રાત થઇ ગઇ છે, કોઈને ફોન ન કર અને મોબાઈલ નહીં મળે.

ત્યારબાદ, ખાંડુ ડોમ્બાલે ઘરની સામે આંગણામાં સૂઈ ગયા. થોડીવાર પછી આરોપી પુત્ર પણ ઘરની બહાર જતો રહ્યો, પરંતુ થોડા સમય બાદતે પાછો ફર્યો. તેણે ચૂલા પાસે પડેલો લોખંડનો પાઈપ ઉપાડ્યો અને આંગણામાં સૂતા પિતાના માથા પર જબરજદસ્ત પ્રહાર કર્યા. હુમલામાં ગંભીર ઈજાઓ થવાને કારણે ખાંડુ ડોમ્બાલેનું મૃત્યુ થઈ ગયું.

ઘટનાની જાણ થતા જ નલદુર્ગ પોલીસ ઘટનાસ્થળે પહોંચી ગઈ. મૃતકની પત્ની અને આરોપીની માતા સુરેખા ખાંડુ ડોમ્બાલેની ફરિયાદના આધારે નલદુર્ગ પોલીસ સ્ટેશનમાં શ્રીશૈલ ઉર્ફે બબલુ વિરુદ્ધ હત્યાનો ગુનો નોંધવામાં આવ્યો છે. પોલીસે આરોપીની ધરપકડ કરી 12 નવેમ્બરે તેને તુલજાપુર કોર્ટમાં રજૂ કર્યો હતો, જ્યાં કોર્ટે તેને ચાર દિવસના પોલીસ રિમાન્ડ પર મોકલી આપ્યો છે. આ ઘટનાને કારણે યેવતી ગામમાં આઘાત અને રોષનો માહોલ છે. મૃતક પોતાની પાછળ પત્ની, આરોપી પુત્ર અને એક પરણિત પુત્રીને છોડી ગયો છે. સ્થાનિક લોકોનું કહેવું છે કે એક પુત્ર પોતાના જ પિતાની હત્યા કેવી રીતે કરી શકે છે.