ઉજ્જૈનમાં 15 વર્ષીય રેપ પીડિતા કપડાં વિના જ 8 કિલોમીટર સુધી ચાલતી રહી, જેથી કોઈ મદદ મળી જાય. કોઈ જોતું રહ્યું, તો કોઈએ મોઢું ફેરવી લીધું, પરંતુ હેવાનીનો શિકાર થયેલી છોકરીની મદદ માટે કોઈ આગળ ન આવ્યું. અંતે તેને રાહુલ શર્મા નામના એક હિન્દુ પૂજારીએ મદદ કરી. રાહુલ શર્મા ઉજ્જૈન શહેરથી 15 કિલોમીટર દૂર આવેલા બડનગરની એક આશ્રમમાં જોડાયેલા છે.
રાહુલ શર્માએ પીડિતાની સ્થિતિ બાબતે વાત કરતા કહ્યું કે, તે કોઈ કામ લઈને આશ્રમથી નીકળી રહ્યો હતો. ત્યારે જ તેમને છોકરીને જોઈ. તેના અડધા શરીર પર કપડાં નહોતા અને ગેટ પાસે હતી. મેં છોકરીને તરત જ પોતાના કપડાં આપ્યા. તેના શરીરથી લોહી વહી રહ્યું હતું. તે બોલી પણ શકતી નહોતી અને આંખો પર સોજો હતો. પછી મેં 100 નંબર કોલ કર્યો. હેલ્પલાઇન નંબર પર પોલીસ સાથે સંપર્ક ન થઈ શક્યો, ત્યારે મેં મહાકાલ પોલીસ સ્ટેશનનો સંપર્ક કર્યો અને ઘટનાની જાણકારી આપી.
રાહુલ શર્માએ કહ્યું કે, લગભગ 20 મિનિટની અંદર પોલીસ આશ્રમ પહોંચી ગઈ. ઉજ્જૈનના રસ્તા પર છોકરી બદહાલીની સ્થિતિમાં ફરવાનો CCTV વીડિયો સામે આવ્યો છે. તેમાં એ પણ જોઈ શકાય છે કે ઘણા લોકો રસ્તામાં તેને જુએ છે, પરંતુ મદદ માટે કોઈ સામે આવતું નથી. એવામાં રાહુલ શર્માનું મદદ માટે આગાળ આવવું અને પોલીસને સંપર્ક કરવાનું ખૂબ મહત્ત્વ ધરાવે છે. તેણે કાયદાકીય કાર્યવાહીઓમાં ગુંચવાવાની ચિંતા ન કરતા તાત્કાલિક પોલીસને કોલ કર્યો.
ઉજ્જૈનની આ ઘટનાએ આખા દેશને હચમચાવી દીધો છે. આ દરમિયાન પોલીસે બતાવ્યું કે પીડિતા મધ્ય પ્રદેશના સતનાની રહેવાસી છે. તે પોતાના ગામથી ઉજ્જૈન આવી હતી, જેથી કેટલાક કામ કરી શકે, પરંતુ અહી હેવાનોએ તેને શિકાર બનાવી લીધી. હાલમાં પોલીસે 5 લોકોને આ કેસમાં કસ્ટડીમાં લીધી છે અને પૂછપરછ કરવામાં આવી રહી છે. આ બધા લોકો ઓટોડ્રાઈવર બતાવવામાં આવી રહ્યા છે. ખબર છે કે 38 વર્ષીય એક ડ્રાઈવર રાકેશની ધરપકડ પણ કરી લીધી છે. તેના ઓટોમાં લોહીના ડાઘ પણ જોવા મળ્યા છે.
પૂજારીએ જણાવ્યું કે, છોકરી અમને કંઈક કહેવા માગતી હતી, પરંતુ તેમની વાત સારી રીતે સમજ આવી રહી નહોતી. રાહુલ શર્માએ કહ્યું કે, અમે તેનું નામ પૂછ્યું. તેના પરિવાર બાબતે જાણ્યું. તેને ભરોસો આપ્યો કે હવે તમે સુરક્ષિત છો અને હવે તેને પોતાના પરિવાર બાબતે બતાવવું જોઈએ. જેથી તેમની સાથે સંપર્ક થઈ શકાય, પરંતુ તે ખૂબ જ ડરી ગઈ હતી. ખૂબ સમજાવ્યા બાદ જ તે છોકરી મારા પર વિશ્વાસ કરી શકી અને પોલીસ આવવા સુધી મેં તેને રોકીને રાખી અને પોતાના કપડાં આપ્યા જેથી શરીર ઢાંકી શકે છે. આ દરમિયાન કોઈ પણ આવે છે તો તે ડરી જતી અને અંતમાં જ્યારે પોલીસ આવી તો મેં તેમને છોકરી સોંપી દીધી.
15.jpg)
