હરિયાણાના અંબાલામાં બિલ્લુની મુર્રા ભેંસ સતત ચર્ચાનો વિષય રહી છે. સાહાના રહેવાસી બિલ્લુ અને તેની ભેંસોને સોશિયલ મીડિયા અને યુટ્યુબ પર પણ લોકપ્રિયતા મળી રહી છે. 29.65 લીટર દૂધ આપતી બિલ્લુની મુર્રા ભેંસે કુરુક્ષેત્રમાં એક સ્પર્ધામાં બુલેટ જીતી લીધી. આ ભેંસે અગાઉ બે ઇનામ જીત્યા છે, અને આ એક વર્ષમાં તેનું ત્રીજું ઇનામ છે. અગાઉ, તેણે એક સ્પર્ધામાં ટ્રેક્ટર જીત્યું હતું અને એક વખત 2 લાખ રૂપિયાનું ઇનામ જીત્યું હતું.
રવિન્દ્ર કુમાર (બિલ્લુ) ઓછું શિક્ષિત છે, પરંતુ તેને બાળપણથી જ પશુઓ પ્રત્યે લગાવ રહ્યો છે. ભેંસોની સાથે-સાથે તેણે ગાય અને બકરીઓ પણ પાળી છે. બિલ્લુ કહે છે કે તેને આ બધાનો ખૂબ શોખ છે. ઇનામ જીતવું ખૂબ જ આનંદદાયક રહ્યું છે અને તેને આગળ વધવા માટે પ્રેરણા મળી છે.
બિલ્લુએ પોતાના બાળકોને પણ આ જ કામમાં લગાવી દીધા છે. જોકે, તેના સંબંધીઓ કહે છે કે તે તેમને વિદેશ કેમ નથી મોકલતા? તેના જવાબમાં તેનું કહેવું છે કે તેમને વિદેશ મોકલવા કરતા અહીં સારો વ્યવસાય કરે છે તો સારી એવી આવક થઈ શકે છે.
બિલ્લુની મુર્રા ભેંસ સુંદરાએ તાજેતરમાં કુરુક્ષેત્રમાં DFA ડેરી ફાર્મ એસોસિએશન હરિયાણા પશુ મેળામાં પ્રથમ સ્થાન મેળવ્યું હતું, જેણે એક જ દિવસમાં 29.65 લીટર દૂધ આપીને આ સ્થાન હાંસલ કર્યું હતું. આ ઉપલબ્ધિ ખૂબ મોટી છે કારણ કે મુર્રા ભેંસનું સરેરાશ દૂધ ઉત્પાદન 10-18 લીટર છે, અને ફક્ત 25 લીટરથી વધુ ઉત્પાદન કરતી ભેંસોને ચેમ્પિયન ગણવામાં આવે છે.
હરિયાણાની ટોપ લેવલની સ્પર્ધાઓમાં પણ 29.65 લીટરનો રેકોર્ડ ખૂબ જ શાનદાર છે. બિલ્લુ હરિયાણામાં એક જાણીતા મુર્રા બ્રીડર છે. તેના ફાર્મમાં ઘણી સુપર-ક્વોલિટીવાળી મુર્રા ભેંસો છે, જેની મિલકિંગના વીડિયો YouTube પર લાખો વ્યૂઝ ધરાવે છે. તે ઉચ્ચ ગુણવત્તાવાળી ભેંસો પણ ખરીદે છે અને વેચે છે. તેમની એક ભેંસ એક વખત 3.5 લાખ રૂપિયામાં વેચાઈ હતી.
14.jpg)
