ભારતમાં રાષ્ટ્રીય ધોરીમાર્ગો અને એક્સપ્રેસવેનું નિર્માણ ઝડપી ગતિએ થઈ રહ્યું છે. સમસ્યાઓ પણ એટલી જ ઝડપી ગતિએ સામે આવી રહી છે. સરકારે આ મુદ્દાઓને ઉકેલવા માટે એક મોટું પગલું ભર્યું છે. મીડિયા રિપોર્ટ્સ અનુસાર, સરકારે કયા નવા નિર્ણયો લીધા છે.
સરકાર રાષ્ટ્રીય ધોરીમાર્ગો અને એક્સપ્રેસવેનું નિર્માણ ઝડપી ગતિએ કરી રહી છે. નવા એક્સપ્રેસવે અને હાઇવે ખોલ્યા પછી તરત જ ઘણી સમસ્યાઓ ઉભરી રહી છે. મીડિયા રિપોર્ટ્સ અનુસાર, સરકારે આ અંગે એક મોટો નિર્ણય લીધો છે. આ નિર્ણય શું છે, અને કઈ રીતે સામાન્ય લોકોને તેનો લાભ મળી શકે છે, અહીં અમે તે અંગે તમને જણાવી રહ્યા છીએ.
અહેવાલો અનુસાર, સરકારે નિર્ણય લીધો છે કે, કોઈપણ નવા એક્સપ્રેસવે કે હાઇવેના ઉદ્ઘાટન પહેલાં ટ્રાયલ રન હાથ ધરવામાં આવશે. આ સમયગાળા દરમિયાન, 2થી 3 મહિના સુધી વાહનોને તેના પર ચલાવવાની મંજૂરી આપવામાં આવશે નહીં.
જો આ સરકારી નિર્ણય લાગુ કરવામાં આવે છે, તો તેનો સામાન્ય જનતાને પણ ફાયદો થશે. ટ્રાયલ રન દરમિયાન લગભગ 2થી 3 મહિના સુધી નવા એક્સપ્રેસવે અને હાઇવે પર ટોલ ટેક્સ વસૂલવામાં આવશે નહીં, જેનાથી જનતાને ખુબ મોટી રાહત મળશે.
આનાથી લોકોની સાથે સાથે સરકારને પણ ફાયદો થશે, કારણ કે ટ્રાયલ રન દરમિયાન જો કોઈ સમસ્યા ઉભી થાય છે તો તેનું તાત્કાલિક નિરાકરણ લાવી શકાય છે.
અહેવાલો અનુસાર, રોડ ટ્રાન્સપોર્ટ અને હાઇવે મંત્રી નીતિન ગડકરીની અધ્યક્ષતામાં દિલ્હી-મુંબઈ એક્સપ્રેસવે પર યોજાયેલી સમીક્ષા બેઠકમાં આ વિચારની વિગતવાર ચર્ચા કરવામાં આવી હતી. અધિકારીઓનું કહેવું છે કે, આવા રોડ ટેસ્ટ રોડ બાંધકામ અને સલામતી ઓડિટ પૂર્ણ થયા પછી જ શરૂ થઈ શકે છે.
PM નરેન્દ્ર મોદીએ તાજેતરમાં જ દિલ્હી-દહેરાદુન એક્સપ્રેસવેનું ઉદ્ઘાટન કર્યું હતું, ત્યાર પછી તેમાં રોડ તૂટી જવાની સમસ્યાનો સામનો કરવો પડ્યો હતો. લખનૌ-કાનપુર એક્સપ્રેસવેમાં પણ તેના ઉદઘાટનના થોડા અઠવાડિયામાં જ ખામીઓ જોવા મળી હતી, જેના કારણે NHAIને ટોલ વસૂલાતને અસ્થાયી રૂપે સ્થગિત કરવાની ફરજ પડી હતી.
14.jpg)
5.jpg)