સરકારી શાળાઓની ખરાબ સ્થિતિ ગરીબ બાળકોના ભવિષ્ય સાથે કેવી રીતે ખેલવાડ કરે છે તેનું એક ઉદાહરણ ઉત્તર પ્રદેશમાં જોવા મળ્યું. જ્યારે ખાનગી શાળાઓ તેમની ક્ષમતાની બહાર હોય છે, ત્યારે ગરીબો તેમના બાળકોને સરકારી શાળાઓમાં મોકલે છે, એવી આશામાં કે શિક્ષણ તેમના બાળકોનું ભવિષ્ય સુધારશે. જો કે, ઉત્તર પ્રદેશના ચિત્રકૂટમાં એક સરકારી શાળાના એક કથિત વીડિયોએ આ માન્યતાને તોડી નાખી છે. તેમાં મહિલા આચાર્ય કથિત રીતે વિદ્યાર્થિનીઓ પાસેથી માલિશ કરાવતા જોવા મળે છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે.
આ ઘટના ચિત્રકૂટ મુખ્યાલયના BRC કેમ્પસમાં સ્થિત નયા બજાર, કરવી ભાગ-1માં આવેલી પ્રાથમિક શાળામાં બની હતી. ઈન્ડિયા ટૂડેના અહેવાલ મુજબ, વાયરલ વીડિયોમાં સરકારી શાળાના આચાર્ય મધુ કુમારી રાય, જમીન પર સૂતી છે. પરંતુ તે માત્ર સૂતી નહોતી; પરંતુ તે કથિત રીતે વિદ્યાર્થિનીઓ પાસેથી માલિશ કરાવી રહી છે. જો મેડમે શાળામાં એટલું બધું કામ કર્યું હોય કે તેના શરીરમાં દુઃખાવો થાય છે, તો તે દવા લેવી જોઇએ. તેના બદલે છોકરીઓ પાસે મસાજ કરાવ્યું.
https://twitter.com/SurajKrBauddh/status/2029955935926636650?s=20
સરકારી શાળાઓમાં શિક્ષણ પ્રણાલીમાં સુધારો કરવા અને બાળકો માટે સારું વાતાવરણ પૂરું પાડવા માટે સરકાર સતત અનેક યોજનાઓ અમલમાં મૂકી રહી છે. જોકે, જમીની વાસ્તવિકતાઓ ઘણીવાર આ દાવાઓને ખુલ્લી પાડે છે. જે વિદ્યાર્થીઓએ અભ્યાસ કરવો જોઈએ તેઓ આચાર્યની ‘મસાજ સેવા’માં રોકાયેલા છે.
વીડિયોમાં એવું પણ જોવા મળે છે કે, મહિલા આચાર્ય કથિત રીતે તેમના મોબાઇલ ફોનનો ચલાવતી-ચલાવતી વિદ્યાર્થિનીઓ પાસેથી મસાજ કરાવી રહી છે. એટલે કે આરામ સાથે મસાજ અને સંપૂર્ણ મનોરંજન બંને. આ ઘટના તો રેકોર્ડ થઈ ગઈ, પરંતુ જો આ એક જગ્યાએ બની રહ્યું હોય, તો શક્ય છે કે ઘણી જગ્યાએ આવું કે તેની સાથે હળતું-મળતું કંઈક થઈ રહ્યું હોય.
6.jpg)
