મધ્ય પ્રદેશના ભિંડમાં, એક પિતાએ સામાજિક કલંકને કારણે ગોળી મારીને તેની દીકરીનો જીવ લઈ લીધો. તેની 19 વર્ષની દીકરી તે જ ગામના એક છોકરા સાથે પ્રેમમાં હતી, જે નિર્ણય પિતાને મંજૂર નહોતો. પિતાએ થોડા સમય પહેલા તેના લગ્ન કરાવી દીધા હતા, પરંતુ તે તેના પતિને છોડીને ભાગી ગઈ હતી. આ જ વાત પિતાને પસંદ ન આવી અને, તેણે પોતાની નવપરિણીત દીકરીને ગામના ખેતરમાં લઈ જઈને ગોળી મારી દીધી.
આ આખી ઘટના ભિંડના મેહગાંવ વિસ્તારના ખીરિયા થાપક ગામમાં બની હતી. ગામના રહેવાસી મુન્નેશની દીકરી નિધિનું ગામના જ સંબંધીના કાકા સાથે અફેર ચાલી રહ્યું હતું. મુન્નેશે પોતાની દીકરીના 11 ડિસેમ્બરે લગ્ન ગ્વાલિયરના દેવુ ધાનુક સાથે કરાવ્યા હતા. જોકે, 28 ડિસેમ્બરે નિધિ તેના પતિ સાથે બજારમાં ગઈ અને ગાયબ થઈ ગઈ.
નિધિના માતા-પિતા અને સાસરિયાઓએ તેને શોધવાનું શરૂ કર્યું. કોઈક રીતે, પિતાને નિધિ મળી ગઈ. પછી તે તેને ગામમાં પાછો લઈ આવ્યો, અહી સામાજિક પ્રતિષ્ઠા અને ‘જાહેર શરમ’ના ચક્કરમાં તે જલ્લાદ બની ગયો. તેનું કહેવું છે કે તેની પુત્રીએ સમાજમાં તેનું નાક કપાવી નાખ્યું છે.
ત્યારબાદ ગયા મંગળવારે, મુન્નેશ નિધિને ગામની બહાર એક ખેતરમાં લઈ ગયો અને તેને ગોળી મારીને કાસળ કાઢી નાખ્યું. હેરાનીની વાત એ છે કે, મુન્નેશની પત્નીએ જ પોલીસને આ આખા ઘટનાક્રમની જાણકારી આપી હતી. પોલીસ ઘટનાસ્થળે પહોંચી, નિધિનો મૃતદેહ કબજે કર્યો અને તેને પોસ્ટમોર્ટમ માટે મોકલી આપ્યો.
આ કેસમાં, SDOP રવિન્દ્ર વાસ્કલેએ જણાવ્યું હતું કે પિતાએ તેની પુત્રીને ગોળી મારીને હત્યા કરી દીધી હતી. પ્રથમ દૃષ્ટિએ, આ કેસ પ્રેમ પ્રકરણનો લાગે છે. પોલીસ સમગ્ર મામલાની તપાસ કરી રહી છે.
9.jpg)
