તિરુમાલા તિરુપતિ દેવસ્થાનમ (TTD)એ પોતાના 4 કર્મચારીઓને તાત્કાલિક પ્રભાવથી સસ્પેન્ડ કરી દીધા છે. તેમના પર આરોપ છે કે હિન્દુ ધાર્મિક સંસ્થામાં કામ કરવા છતા કથિત રીતે ખ્રિસ્તી ધર્મનું પાલન કરી રહ્યા હતા, જે ટ્રસ્ટની સંસ્થાગત આચારસંહિતાનું ઉલ્લંઘન માનવામાં આવ્યું હતું. TTD પ્રશાસને જણાવ્યું હતું કે આ કાર્યવાહી સતર્કતા રિપોર્ટ અને આંતરિક તપાસ બાદ કરવામાં આવી છે. ટ્રસ્ટનું કહેવું છે કે, જે કર્મચારીઓને સસ્પેન્ડ કરવામાં આવ્યા છે તેઓ હિન્દુ ધાર્મિક સંસ્થામાં કામ કરવા દરમિયાન અપેક્ષિત ધાર્મિક આચરણનું પાલન કરવામાં નિષ્ફળ રહ્યા.
આ 4 કર્મચારીઓને સસ્પેન્ડ કરવામાં આવ્યા
1. બી. એલિજર- ડેપ્યુટી એક્ઝિક્યૂટિવ એન્જિનિયર (ક્વાલિટી કંટ્રોલ)
2. એસ. રોસી- સ્ટાફ નર્સ, BIRD હોસ્પિટલ
3. એમ. પ્રેમાવતી- ગ્રેડ-1 ફાર્માસિસ્ટ, BIRD હોસ્પિટલ
4. ડૉ. જી. અસુન્તા - SV આયુર્વેદિક ફાર્મસી
TTD અનુસાર, ખ્રિસ્તી ધર્મ પાળવા સાથે જોડાયેલી માહિતી સતર્કતા વિભાગના રિપોર્ટ અને અન્ય દસ્તાવેજો દ્વારા સામે આવી હતી. ત્યારબાદ, નિયમો અનુસાર અનુશાસનાત્મક કાર્યવાહી કરતા બધાને સસ્પેન્ડ કરી દેવામાં આવ્યા હતા. TTDએ સ્પષ્ટ કર્યું કે હિન્દુ ધાર્મિક સંસ્થામાં કામ કરતા કર્મચારીઓ પાસેથી અપેક્ષા રાખવામાં આવે છે કે સંસ્થાની પરંપરાઓ અને મૂલ્યો અનુસાર આચરણ કરે. આ નિર્ણય એજ આનુશાસન અને વિશ્વસનિયતા બનાવી રાખવા માટે લેવામાં આવ્યો છે.
TTDના સેવા નિયમોમાં વર્ષ 2007માં બદલવામાં આવ્યા હતા, જે હેઠળ નોન-હિન્દુઓની નવી નિમણૂકો પર રોક લગાવવી દેવામાં આવી હતી. જો કે, આ પહેલા જે નોન-હિન્દુ કર્મચારીઓની નિમણૂક કરી હતી, તેઓ અત્યારે પણ સેવા કરી રહ્યા છે. આંધ્ર પ્રદેશના મુખ્યમંત્રી ચંદ્રબાબુ નાયડુની સરકારે પહેલાથી જ સ્પષ્ટ કરી ચૂંકી છે કે નોન-હિન્દુ કર્મચારીઓને TTDમાંથી હટાવીને અન્ય સરકારી વિભાગોમાં મોકલવામાં આવશે.
TTDના વર્તમાન નિયમો શું છે?
TTDના વર્તમાન નિયમો અનુસાર, માત્ર હિન્દુ ધર્મને માનનારા લોકો જ સંસ્થામાં નોકરી યોગી છે. સાથે જ, બધા કર્મચારીઓને હિન્દુ ધર્મ અને મંદિર પરંપરાઓનું સન્માન કરવું જરૂરી છે. TTD બોર્ડનું કહેવું છે કે તેઓ નોન-હિંદુ કર્મચારીઓને રાજ્ય સરકારના અન્ય વિભાગોમાં ટ્રાન્સફર કરવા અથવા તેમને સ્વૈચ્છિક સેવાનિવૃત્તિ (VRS) આપવા માટે પણ કામ કરી રહ્યા છે.
15.jpg)
