એક લીક થયેલો ફોન કોલ અને વડાપ્રધાનને પદ પરથી બરતરફ કરી દેવામાં આવ્યા. આ મામલો થાઇલેન્ડનો છે. થાઇલેન્ડના વડાપ્રધાન પટોંગટાર્ન શિનાવાત્રાને પદ પરથી હટાવી દેવામાં આવ્યા છે. 38 વર્ષની ઉંમરમાં તેમણે ઑગસ્ટ 2024માં શપથ લીધા હતા અને થાઇલેન્ડના સૌથી યુવા વડાપ્રધાન બન્યા હતા, પરંતુ તેમને આચારસંહિતાના ઉલ્લંઘનના કેસમાં દોષિત ઠેરવવામાં આવ્યા છે. તેમના પર રાષ્ટ્રીય હિતોને અવગણીને થાઇલેન્ડની છબી ખરાબ કરવાનો આરોપ લાગ્યો છે.
પટોંગટાર્નની થાઇલેન્ડમાં રાજકીય અને આર્થિક સ્તર ખૂબ ઊંચું છે. પટોંગટાર્નના પિતા થાકસિન શિનાવાત્રા પણ થાઇલેન્ડના વડાપ્રધાન રહી ચૂક્યા છે, પરંતુ સૈન્ય તખ્તાપલટને કારણે તેમને પદ પરથી હટવું પડ્યું હતું. થાકસિનના બહેન યિંગલુક શિનાવાત્રા પણ થાઇલેન્ડના વડાપ્રધાન રહી ચૂક્યા છે. યિંગલુક ઑગસ્ટ 2011 થી મે 2014 સુધી વડાપ્રધાન પદ પર કાર્યરત હતા. યિંગલુક વિરુદ્ધ સૌપ્રથમ સંવૈધનિક નિર્ણય લેવામાં આવ્યો હતો, ત્યારબાદ સૈન્ય તખ્તાપલટ થયો હતો. તેઓ થાઇલેન્ડના પહેલા મહિલા વડાપ્રધાન હતા.
પટોંગટાર્ન શિનાવાત્રાની કુલ સંપત્તિ 3,320 કરોડ રૂપિયા છે. તેમણે રાષ્ટ્રીય ભ્રષ્ટાચાર આયોગને પોતાની સંપત્તિની વિગતો આપી હતી. તેમણે લગભગ 2,606 કરોડ રૂપિયાનું રોકાણ કર્યું છે. તેમાં કૌટુંબિક બિઝનેસ, રિયલ એસ્ટેટ અને અનેક પ્રકારના શેરનો સમાવેશ થાય છે. તેમની પાસે બેંક ખાતા અને રોકડમાં લગભગ 230 કરોડ રૂપિયા ઉપલબ્ધ છે. તેમની પાસે 75 મોંઘી ઘડિયાળો છે, જેની કિંમત 44 કરોડ રૂપિયા છે. સાથે જ 217 ડિઝાઇનર હેન્ડબેગ છે, જેની કિંમત 44 કરોડ રૂપિયા છે.
તેમની પાસે લંડન અને જાપાનમાં રિયલ એસ્ટેટ પ્રોપર્ટી પણ છે. સાથે જ ઘણી લક્ઝરી કાર પણ છે, પરંતુ પરંતુ સ્પષ્ટ રૂપે તેની લિસ્ટ નથી કે તેમની પાસે કઈ કઈ ગાડીઓ છે, પરંતુ સંપત્તિના વિવરણમાં લક્ઝરી ગાડીઓનો સમાવેશ થાય છે.
15.jpg)
