ભારતના પૂર્વ કેપ્ટન સુનીલ ગાવસ્કરે ટીમ ઇન્ડિયાના એક દિગ્ગજ બેટ્સમેનને લઇને મોટું નિવેદન આપ્યું છે. સુનીલ ગાવસ્કરના જણાવ્યા અનુસાર, આ બેટ્સમેનનો અંદાજ ગલી ક્રિકેટ જેવો લાગે છે. પોતાના જમાનાના દિગ્ગજ બેટ્સમેન સુનીલ ગાવસ્કરનું માનવુ છે કે, સૂર્યકુમાર યાદવ ઇન્ડિયન પ્રીમિયર લીગ (IPL) મેચમાં જ્યારે રોયલ ચેલેન્જર્સ બેંગ્લોર (RCB) ના બોલરની ધોલાઈ કરી રહ્યો હતો ત્યારે એવુ લાગી રહ્યું હતું જાણે તે ગલી ક્રિકેટ રમી રહ્યો હોય.
સૂર્યકુમાર યાદવે RCB વિરુદ્ધ આ મેચમાં 35 બોલ પર 83 રન બનાવ્યા અને આ દરમિયાન મેદાનની ચારેબાજુએ શૉટ રમીને પોતાના કૌશલ્યનું ખુલીને પ્રદર્શન કર્યું. તેણે પોતાની ઇનિંગમાં સાત ચોગ્ગા અને છ છગ્ગા માર્યા જેની મદદથી મુંબઈએ 21 બોલ બાકી રહેતા જ 200 રનનું લક્ષ્ય હાંસલ કરી લીધુ. ગાવસ્કરે સ્ટાર સ્પોર્ટ્સ સાથે વાતચીત દરમિયાન કહ્યું હતું કે, તે બોલર્સને પોતાના ઇશારાઓ પર નચાવી રહ્યો હતો. જ્યારે તે આ પ્રકારે બેટિંગ કરે છે તો તમને ગલી ક્રિકેટની યાદ અપાવે છે. સતત અભ્યાસ અને અથાગ મહેનતથી તેની ગેમમાં ઘણો નિખાર આવી ગયો છે.
સુનીલ ગાવસ્કેર કહ્યું હતું કે, બેટની ગ્રિપ પર તેનો નીચે રહેતો હાથ ખૂબ જ મજબૂત છે અને તે તેનો ખૂબ જ સારી રીતે ઉપયોગ કરે છે. RCB વિરુદ્ધ તેણે પહેલા લોગ ઓન અને લોગ ઓફ પર શોટ માર્યા અને પછી મેદાનની ચારેબાજુએ શોટ માર્યા.
પૂર્વ ભારતીય કેપ્ટન સુનીલ ગાવસ્કરનું માનવુ છે કે, સૂર્યકુમારની શાનદાર બેટિંગથી બીજા એન્ડ પર ઊભા રહેલા યુવાન બેટ્સમેન નેહલ વઢેરાનો પણ આત્મવિશ્વાસ વધ્યો. નેહલ વઢેરાએ 34 બોલ પર નોટઆઉટ રહેતા 52 રનોની શાનદાર ઇનિંગ રમી હતી. આ તેની આ સત્રમાં બીજી હાફ સેન્ચ્યુરી છે. સૂર્યકુમાર યાદવ અને નેહલ વઢેરાએ 140 રનની શાનદાર ભાગીદારી કરીને મુંબઈની સરળ જીતને સુનિશ્ચિત કરી દીધી હતી.
સુનીલ ગાવસ્કેર વધુમાં કહ્યું હતું કે, જ્યારે તમે સૂર્યકુમાર યાદવ સાથે બેટિંગ કરી રહ્યા હો તો ત્યારે તમારું પણ મનોબળ વધે છે. પરંતુ, નેહલ વઢેરાની ઇનિંગની વિશેષતા એ રહી કે તેણે સૂર્યકુમારની જેમ શૉટ રમવાનો પ્રયત્ન ના કર્યો અને તેણે પોતાની જ ગેમ બતાવી. તેની સૌથી સારી વાત એ રહી કે, તેણે સારી રીતે સંતુલન જાળવી રાખ્યું.
15.jpg)
