ઉમરાન મલિકના તિલક ન લગાવવાના વિવાદ બાદ સામે આ તસવીર, ટીકાકારોને મળ્યો જવાબ

ભારત અને ઓસ્ટ્રેલિયા વચ્ચે 4 મેચોની ટેસ્ટ સીરિઝ 9 ફેબ્રુઆરીથી શરૂ થવાની છે. સીરિઝ શરૂ થવાના બરાબર પહેલા ભારતના બે સ્ટાર ખેલાડી મોહમ્મદ સિરાજ અને ઉમરાન માલિકનું નામ વિવાદોમાં આવ્યું હતું. શનિવારે (4 ફેબ્રુઆરીના રોજ) સોશિયલ મીડિયા પર એક વીડિયો વાયરલ થયો હતો, જેમાં બંને ખેલાડી હોટલમાં તિલક લગાવવાની ના પાડી રહ્યા છે. ત્યારબાદ બંનેને ઘણા લોકોએ ટ્રોલ કર્યા તો કેટલાક લોકોએ સમર્થન કર્યું. આ દરમિયાન સોશિયલ મીડિયા પર હવે એક તસવીર વાયરલ થઇ રહી છે.

આ તસવીરમાં ઉમરાન મલિક હોટલમાં તિલક લગાવતો નજરે પડી રહ્યો છે. સોશિયલ મીડિયા પર ભારતીય ટીમના ફેન્સે આ તસવીરને શેર કરવાની શરૂઆત કરી દીધી છે. તેમણે ઉમરાન માલિકની નિંદા કરનારાઓને જડબાતોડ જવાબ આપ્યો છે. શનિવારે જે વીડિયો વાયરલ થયો હતો તેમાં મોહમ્મદ સિરાજ અને ઉમરાન મલિક સિવાય બેટિંગ કોચ વિક્રમ રાઠોડે પણ તિલક લગાવવાની ના પડી દીધી હતી. એ સિવાય ટીમના કેટલાક અન્ય સભ્યોએ પણ એમ કર્યું હતું.

मोहम्मद सिराज और उमरान मलिक टीका नहीं लगवाते हैं क्योंकि वे उस स्तर पर पहुंचने के बाद भी अपने धर्म के प्रति कट्टर हैं। pic.twitter.com/lGwCWxu3xx

— Yogi Devnath ?? (@YogiDevnath2) February 3, 2023

શું છે આખો મામલો?

ભારતીય ટીમનો એક વીડિયો સોશિયા મીડિયા પર વાયરલ થઇ રહ્યો છે, જેમાં ટીમના બધા સભ્ય હોટલની અંદર જતા દેખાઇ રહ્યા છે. આ દરમિયાન હોટલ સ્ટાફ તિલક લગાવીને ટીમના સભ્યોનું સ્વાગત કરી રહ્યા છે, પરંતુ ભારતીય ટીમના કેટલાક સભ્ય તિલક લગાવવાની ના પાડી દે છે.

વીડિયોમાં જોઇ શકાય છે કે, ઉમરાન મલિક, મોહમ્મદ સિરાજ, વિક્રમ રાઠોર અને હરિ પ્રસાદ મોહન તિલક લગાવવાની ના પાડી દે છે. જો કે, ટીમના બાકી સભ્ય તિકલ લગાવે છે અને કેટલાક સભ્ય ચશ્મા ઉતારીને પણ તિલક લગાવે છે.

इसे शेयर नहीं करेंगे बस #UmranMalik #siraj pic.twitter.com/E01MUjSOev

— Rajat Gupta (@Rajatgupta199) February 4, 2023

Umran Malik ❤️ pic.twitter.com/LN9vSGhXuh

— Vaibhav Bhola ?? (@VibhuBhola) February 4, 2023

ये तस्वीर उनके लिए है जिनके पेट में कल से दर्द है #UmranMalik #TeamIndia pic.twitter.com/6DrOEAgRBl

— Raza Tousif (@iamRazaa) February 4, 2023

યોગી દેવનાથ નામના યુઝરે લખ્યું કે, મોહમ્મદ સિરાજ અને ઉમરાન મલિક તિલક લગાવતા નથી કેમ કે તેઓ એ સ્તર પર પહોંચ્યા બાદ પણ પોતાના ધર્મ પ્રત્યે કટ્ટર છે. તો હવે ક્રિકેટ ફેન્સ સોશિયલ મીડિયા પર એક તસવીર શેર કરીને ટીકાકારોને જડબાતોડ જવાબ આપી રહ્યા છે. એક યુઝર તસવીર શેર કરતા લખે છે કે આ તસવીર તેમના માટે છે જેમના પેટમાં કાલથી દુઃખાવો છે. તો રજત ગુપ્તા નામના યુઝરે લખ્યું કે, આને શેર નહીં કરો બસ #UmranMalik #Siraj.