શું વિરાટ કોહલી બન્યો RCBની હારનો ગુનેગાર? KKR વિરુદ્ધ ક્યાં થઈ ચૂક

ફાફ ડુ પ્લેસિસની આગેવાનીવાળી રોયલ ચેલેન્જર્સ બેંગ્લોર (RCB)ને શુક્રવાર 29 માર્ચની રાત્રે કોલકાતા નાઈટ રાઈડર્સ (KKR)ના હાથે ઇન્ડિયન પ્રીમિયર લીગ (IPL) 2024ની 10મી મેચમાં હારનો સામનો કરવો પડ્યો. આ સીઝન-17માં રોયલ ચેલેન્જર્સ બેંગ્લોરની બીજી હાર છે. રોયલ ચેલેન્જર્સ બેંગ્લોરે પહેલા બેટિંગ કરતા વિરાટ કોહલીની નોટઆઉટ 83 રનોની ઇનિંગની મદદથી 182 રન બોર્ડ પર લગાવ્યા હતા.

વિરાટ કોહલી સિવાય બેંગ્લોરનો કોઈ પણ બેટ્સમેન આ દરમિયાન 40 રનનો આંકડો પણ સ્પર્શી શક્યો નહોતો, છતા વિરાટ કોહલીને જ અહી બેંગલોરની હારનો જવાબદાર બતાવવામાં આવી રહ્યો છે. આવો જાણીએ કિંગ કોહલીથી ક્યાં થઈ ગઈ ચૂક? વિરાટ કોહલીએ પોતાની ઇનિંગની શરૂઆત શાનદાર અંદાજમાં કર્યો હતો, મિચેલ સ્ટાર્કના પહેલા બૉલ પર ચોગ્ગો લગાવીને તેણે પોતાનું અને ટીમનું ખાતું ખોલ્યું હતું. તો આગામી થોડી ઓવરોમાં તેણે IPL ઇતિહાસના આ સૌથી મોંઘા બોલરનો જોરદાર ક્લાસ લઈ લીધો.

પાવરપ્લે પૂરી થતા થતા વિરાટ કોહલી 150 કરતા વધુ સ્ટ્રાઈક રેટ સાથે 18 બૉલમાં 28 રન બનાવીને બેટિંગ કરી રહ્યો હતો. જેમ જેમ મેચ આગળ વધી અને બેંગ્લોરની વિકેટ પડવાની શરૂ થઈ તો વિરાટ કોહલીની સ્ટ્રાઈક રેટ ઘટવા લાગી. 10મી ઓવર સુધી વિરાટ કોહલી 31 બૉલ પર 42 રન બનાવીને બેટિંગ કરી રહ્યો હતો. તેણે 36 બૉલમાં પોતાની અડધી સદી પૂરી કરી. વિરાટ કોહલી પાસે આશા રાખવામાં આવી રહી હતી કે અડધી સદી પૂરી કર્યા બાદ પોતાની ગતિ વધારશે, પરંતુ આ દરમિયાન મેક્સવેલની વિકેટ પડી ગઈ.

15મી ઓવર સુધી વિરાટ કોહલી 43 બૉલ પર 62 રન બનાવીને બેટિંગ કરી રહ્યો હતો. આશા વ્યક્ત કરવામાં આવી રહી હતી કે હવે વિકેટ પડે કે નહીં, કોહલી અંતિમ 5 ઓવરોમાં કોલકાતાના બોલર પર તૂટી પડશે. વિરાટ કોહલી પાસે છેલ્લા 30 બૉલ પર સદી સુધી પહોંચવાનો પણ અવસર હતો, પરંતુ અંતિમ 5 ઓવરમાં કોહલી ઝઝૂમતો નજરે પડ્યો. તેણે આ દરમિયાન 16 બૉલ પર માત્ર 21 રન જ જોડ્યા. તેણે આ દરમિયાન 5 ડોટ બૉલ રમ્યા અને 2 જ બાઉન્ડ્રી લગાવી.

રોયલ ચેલેન્જર્સ બેંગ્લોરની રન રેટની વાત કરીએ તો પહેલા 6 ઓવરમાં ટીમે 1 વિકેટ ગુમાવીને 10.16ના રન રેટ સાથે 61 રન બનાવ્યા. તો 7-11 ઓવરમાં રન ગતિ ધીમી થઈ અને રોયલ ચેલેન્જર્સ બેંગ્લોરે 5.2ના રન રેટ સાથે 26 રન જોડ્યા. 12-15 ઓવર વચ્ચે ફરી એક વખત રોયલ ચેલેન્જર્સ બેંગ્લોરની રન ગતિ (11.75) વધી જ હતી કે 16-18 ઓવર વચ્ચે 2 વિકે ગુમાવવાના કારણે ટીમ 19 રન જ બનાવી શકી. છેલ્લી 2 ઓવરમાં દિનેશ કાર્તિકના ફિનિશિંગ ટચના કારણે રોયલ ચેલેન્જર્સ બેંગ્લોર 14.5ના નેટ રન રેટ સાથે 29 રન જોડવામાં સફળ થઈ. નહીં તો ટીમ 180 રનનો આંકડો પણ સ્પર્શી ન શકતી.

Related Posts

Top News

બોર્ડની પરીક્ષામાં માત્ર 35 ટકા માર્ક્સ પણ પરિવારે આખા ગામમાં ઉજવણી કરી

સામાન્ય રીતે બોર્ડની પરીક્ષાના પરિણામ જાહેર થાય તો જે ટોપર વિદ્યાર્થીઓ હોય તેમના પરિવારો ખુશીથી ઉજવણી કરે, મિઠાઇ વ્હેંચે....
Education 
બોર્ડની પરીક્ષામાં માત્ર 35 ટકા માર્ક્સ પણ પરિવારે આખા ગામમાં ઉજવણી કરી

વિશ્વનો સૌથી ઉંચો પાડો; ઉંમર 5 વર્ષ,  દિવસમાં જોઈએ 35 Kg ખાવાનું, નામ છે કિંગ કોંગ

થાઇલેન્ડના કિંગ કોંગે વિશ્વના સૌથી ઉંચા જીવંત પાણીમાં રહેતા પાડા (GWR) માટે ગિનિસ વર્લ્ડ રેકોર્ડ બનાવ્યો છે. આ પાડો...
Offbeat 
વિશ્વનો સૌથી ઉંચો પાડો; ઉંમર 5 વર્ષ,  દિવસમાં જોઈએ 35 Kg ખાવાનું, નામ છે કિંગ કોંગ

71 હોસ્પિટલ, 5000 ફાર્મસીના 92 વર્ષના માલિક રોજ ઓફિસ જાય છે; 26,560 કરોડની છે સંપત્તિ

92 વર્ષની ઉંમર અને દરરોજ કામ કરવું, આ સાંભળીને તમને કદાચ વિશ્વાસ નહીં આવે. પણ આ વાસ્તવિકતા છે. તે...
Business 
71 હોસ્પિટલ, 5000 ફાર્મસીના 92 વર્ષના માલિક રોજ ઓફિસ જાય છે;  26,560 કરોડની છે સંપત્તિ

ઓવૈસીને સંસદમાં અમિત શાહે કહી હતી એક વાત, આજે સાચી થઈ ગઈ

ઓપરેશન સિંદૂર અને આતંકવાદ પર ભારતના વલણને સમજાવવા અને પાકિસ્તાનનો પર્દાફાશ કરવા માટે ભારતીય ડેલિગેશનની રચના ખૂબ લાઈમલાઇટમાં છે. આ...
National  Politics 
ઓવૈસીને સંસદમાં અમિત શાહે કહી હતી એક વાત, આજે સાચી થઈ ગઈ
Copyright (c) Khabarchhe All Rights Reserved.