તમારી પ્રિય વસ્તુ વિમાનમાં ખોવાઇ જાય અને તેને પાછી મળવાની તમને અપેક્ષા નહી હોય અને એ વસ્તુ કોઇ તમને ઘરે આવીને પાછી આપી જાય તો સ્વાભાવિક રીતે તમારી ખુશીનો પાર ન રહે. એક બાળકી વિમાનમાં ઢીંગલી ભુલી ગઇ હતી જે તેને પાછી મળી ત્યારે તેણીએ રીતસરના ચિસાડા પાડ્યા હતા.
નાની છોકરીઓ ઢીંગલી સાથે રમવાનું પસંદ કરે છે. પણ એ જ ઢીંગલી ક્યાંક ખોવાઈ જાય તો દુખી થઇ જાય છે. છોકરીઓને ઢીંગલી એટલી ગમે છે કે તેઓ મોટે ભાગે ઢીંગલીને છાતી વળગાવીને જ રાખે છે. આવી જ એક 9 વર્ષની બાળકી પોતાની પસંદગીની ઢીંગલી સાથે ફ્લાઈટમાં ગઈ હતી.પરંતુ ઢીંગલીમાં વિમાનમાં ભુલાઇ ગઇ હતી. જ્યારે એ ઢીંગલી એ બાળકીને પાછી મળી ત્યારે તેની ખુશીની કોઇ સીમા નહોતી. જિંદગીની અમૂલ્ય વસ્તુ પાછી મળી તેવી ખુશી બાળકીના ચહેરા પર દેખાતી હતી.
એક બાળકી જ્યારે વિમાનમાં સફર કરતી હતી ત્યારે પોતાની ઢીંગલી ભુલી ગઇ હતી.પાયલોટે આ ઢીંગલી બાળકીને પહોંચાડવાનો નિર્ણય કર્યો અને જાપાનના ટોકિયોથી અમેરિકાના ટેક્સાસ સુધી 6,000 કિ.મી વિમાન ઉડાવીને બાળકીને ઘરે પહોંચ્યો હતો અને ઢીંગલી પાછી આપી હતી.
ન્યૂયોર્ક પોસ્ટના રિપોર્ટ અનુસાર, જ્યારે અમેરિકન એરલાઈન્સમાં કામ કરતા જેમ્સ ડેનેનને સોશિયલ મીડિયા દ્વારા ખબર પડી કે વેલેન્ટિના નામની બેબી ડોલ ખોવાઈ ગઈ છે. ત્યારબાદ તેણે ટોક્યો હનેડા એરપોર્ટ પર તુર્કીશ એરલાઈન્સનો સંપર્ક કર્યો અને આમ ગુમ થયેલ ઢીંગલી મળી આવી. પાયલોટે ઢીંગલીની તસવીર લીધી અને વેલેન્ટિનાને આપવા ગયો.
ડેનેને કહ્યું,આ મારો સ્વભાવ છે, મને લોકોની મદદ કરવી ગમે છે. તે જ હું કરી રહ્યો છું હું ખરેખર ખુશ હતો કે હું કોઈના માટે કંઈક સારું કરી શકું છું. છોકરીને ત્રણ અઠવાડિયા પછી ઢીંગલી મળી. પાયલટનું ઘર તેના ઘરની નજીક છે.
પાયલોટે છોકરીને જાપાની ટ્રટ અને નકશો પણ ભેટમાં આપ્યો. પરિવારજનોએ તેમનો આભાર માન્યો હતો. છોકરી તેની શ્રેષ્ઠ મિત્ર (ઢીંગલીને) મળ્યા પછી ખુશીથી ઉછળી પડી હતી. બાય ધ વે, એરપોર્ટની એક પોલિસી છે કે જો મુસાફરી દરમિયાન કોઈનો સામાન ખોવાઈ જાય તો તે પેસેન્જરના સંપર્કના 3 મહિનાની અંદર પરત કરી દેવામાં આવે.
-copy30.jpg)
