રાજકોટમાં એક પતિએ મધરાતે જ્યારે પત્ની અને દીકરી સુતા હતા ત્યારે પત્ની પર હથિયારના ઘા ઝીંકી દીધા હતી અને જ્યારે દીકરી માતાને બચાવવા પડી તો તેની પર પણ હુમલો કરીને ફરાર થઇ ગયો હતો. પતિએ પત્નીને હથિયારના ઘા મારવાની સાથે એવું કહ્યુ હતું કે તારા બોય ફ્રેન્ડ સાથેનો ન્યૂડ વીડિયો વાયરલ થયો છે. પત્નીની ફરિયાદને આધારે પોલીસે પતિની ધરપકડ કરી છે. અગાઉ પણ પતિ-પત્ની ઝગડા પોલીસ સ્ટેશને પહોંચ્યા હતા, પરંતુ પોલીસે સમાધાન કરાવી દીધું હતું.
જાણવા મળેલી વિગત મુજબ રાજકોટના યુનિવર્સિટી રોડ પર રહેતા હરેશ ભૂપતકર 45 વર્ષની વયની છે અને તેમને સંતાનોમાં એક પુત્ર અને પુત્રી છે. પુત્રી 23 વર્ષની છે અને પુત્ર હજુ અભ્યાસ કરે છે. હરેશ ભૂપતકર નોકરી કરે છે. હરેશને પત્નીના ચારિત્ર્ય પર શંકા હતી.
પતિ હરેશે મધરાતે પત્ની પર હુમલો કરી દીધો હતો અને જ્યારે દીકરી માતાના બચાવવા વચ્ચે આવી તો તેની પર પણ હુમલો કરી દીધો હતો. બંને મા-દીકરીને ગંભીર ઇજા પહોંચતા હોસ્પિટલમાં દાખલ કરવામાં આવ્યા હતા. પુત્રની પરીક્ષા પુરી થઇ હોવાથી તે મિત્રો સાથે બહાર હતો, માતાએ હુમલા અંગે પુત્રને જાણ કરતા તે દોડી આવ્યો હતો અને માતા અને બહેનને હોસ્પિટલ લઇ ગયો હતો. પતિ પત્ની અને દીકરી પર હુમલો કરીને ભાગી છુટ્યો હતો.
હોસ્પિટલમાં દાખલ મહિલાએ કહ્યું હતું કે, મારા પતિએ ગઇ કાલે મોડી રાત્રે મારી સાથે ઝગડો કરીને કહ્યુ હતું કે તારો અને તારા બોય ફ્રેન્ડ સાથેનો ન્યૂડ વીડિયો વાયરલ થયો છે એમ કહીને હથિયારથી હુમલો કરી દીધો હતો. દીકરી મને બચાવવા આવી તો તેની પર પણ હુમલો કરી દીધો હતો. પતિ એવું બોલતો હતો કે આ વખતે સાતમ-આઠમ પર તું તારા બનેવી સાથે ફરવા જશે ને. આવી શંકા તે કરતો રહેતો હતો.
મહિલાએ કહ્યું કે, આ પહેલાં પણ 2 વખત પતિ વિરુદ્ધ ત્રાસ અને મારપીટ કરવા બદલ મહિલા પોલીસ સ્ટેશનમાં ફરિયાદ કરી હતી, પરંતુ પોલીસે બંને વખત સમાધાન કરાવી દીધું હતું. મહિલાએ કહ્યુ કે હજુ તો આઠ દિવસ પહેલાં જ પતિએ મને મોબાઇલ અપાવ્યો હતો. રાજકોટની યુનિવર્સિટી રોડ પોલીસે પતિ સામે ગુનો નોંધીને તેની ધરપકડ કરી છે.
15.jpg)
