ચીની પ્રખ્યાત ઓટોમોબાઈલ કંપની, ફાવ હોંગકીએ કાર ઉદ્યોગમાં એક મહત્વપૂર્ણ સીમાચિહ્ન હાંસલ કર્યું છે. કંપનીએ પેરોવસ્કાઇટ ટેકનોલોજી દ્વારા સંચાલિત વિશ્વનું પ્રથમ સૌર પેનોરેમિક સનરૂફ વિકસાવ્યું છે. હોંગકી EHS7 ઇલેક્ટ્રિક SUV પર તેનું પરીક્ષણ કરવામાં આવ્યું છે. કંપની જણાવે છે કે, આ ટેકનોલોજી ભવિષ્યમાં ઇલેક્ટ્રિક વાહનો માટે ફક્ત સૂર્યપ્રકાશથી લાંબા અંતરની શક્તિ પ્રાપ્ત કરવાનો માર્ગ મોકળો કરશે.
આ અનોખું સૌર સનરૂફ સૂર્યપ્રકાશથી 300W સુધીની રીઅલ-ટાઇમ શક્તિ ઉત્પન્ન કરે છે. કંપની જણાવે છે કે તે વાર્ષિક આશરે 400 kWh (યુનિટ) સ્વચ્છ વીજળી ઉત્પન્ન કરી શકે છે. આ શક્તિ કારના એર કન્ડીશનર (AC), મીની રેફ્રિજરેટર અને સુરક્ષા કેમેરા (સેન્ટ્રી મોડ) જેવી સુવિધાઓને શક્તિ આપશે. ખાસ વાત તો એ છે કે, આનાથી કારની મુખ્ય બેટરી ખતમ થવાનો કોઈ ભય નથી.
અત્યાર સુધી, જૂના વાહનોમાં સિલિકોન પેનલનો ઉપયોગ કરવામાં આવતો હતો, જે વજનમાં ભારે અને સરળતાથી તૂટી જાય છે. હોંગકીએ તેના નવા સોલાર સનરૂફમાં પેરોવસ્કાઇટ નામના અનોખા ખનિજનો ઉપયોગ કર્યો છે. આ કાગળ જેટલો પાતળો, નરમ અને વજનમાં એકદમ હલકો છે. તે તડકાથી વધારે ઝડપથી વીજળી ઉત્પન્ન કરે છે અને કારની વળાંકવાળી છત પર સરળતાથી ફિટ થઇ જાય છે, આ તેની ખાસિયત છે, જે તેને તમામથી અલગ બનાવે છે.
સોલાર પેનોરેમિક સનરૂફને ફક્ત કારની છત પર લગાવેલા મોટા કાચના પેનલ તરીકે વર્ણવવામાં આવે છે. જો કે, તેને કાર પર ઇન્સ્ટોલ કરવું મુશ્કેલ હતું, કારણ કે આ સનરૂફને બનાવતી સામગ્રીને સૂર્યપ્રકાશ (UV કિરણો), પાણી અને પવનથી સરળતાથી નુકસાન થઈ શકે છે. હોંગકીની સંશોધન ટીમે આ પડકારોને પાર કર્યા અને તેની ઇલેક્ટ્રિક SUV, હોંગકી EHS7 (ચાઇનીઝ નામ: Tiangong 08)માં એક પ્રોટોટાઇપમાં ફીટ કર્યો છે.
https://twitter.com/DrShPk/status/2090533447400140969
સ્થાનિક ન્યૂઝ પેપરના એક અહેવાલ મુજબ, કંપની પોતાને ફક્ત છત સુધી મર્યાદિત રાખવા માંગતી નથી. હોંગકીની આગામી યોજના આ સૌર ટેકનોલોજીને કારના હૂડ અને અન્ય ભાગોમાં લાગુ કરવાની છે. હોંગકીના જણાવ્યા મુજબ, એકવાર સમગ્ર સિસ્ટમ ઇન્સ્ટોલ થઈ જાય, પછી કાર દરરોજ 10 યુનિટ વીજળી ઉત્પન્ન કરશે. આનો અર્થ એ થયો કે આ કાર ફક્ત સૂર્યપ્રકાશના કારણે દરરોજ 80 કિલોમીટર સુધી દોડી શકશે, જેનાથી દૈનિક મુસાફરી માટે ચાર્જિંગ સ્ટેશન જવાની જરૂરિયાત પડશે નહીં.
ચીનની સૌથી જૂની અને સૌથી પ્રતિષ્ઠિત લક્ઝરી કાર બ્રાન્ડ, હોંગકી, ફક્ત સૌર છત સુધી મર્યાદિત નથી. કંપની 'ફ્લેશ ચાર્જિંગ' ટેકનોલોજી પર કામ કરી રહી છે, જે ફક્ત 9 મિનિટમાં બેટરીને 10 ટકાથી 97 ટકા સુધી ચાર્જ કરશે. સોલિડ-સ્ટેટ બેટરીની નવી પેઢી પર પણ ઝડપી ટ્રાયલ ચાલી રહી છે. જો કે, કંપનીએ હજુ સુધી સ્પષ્ટ કર્યું નથી કે આ ટેકનોલોજી સામાન્ય ગ્રાહકો માટે શોરૂમમાં ક્યારે પહોંચશે.
FAW હોંગકી ચીનની સૌથી જૂની અને સૌથી પ્રતિષ્ઠિત લક્ઝરી કાર કંપની છે, જેને 'રોલ્સ-રોયસ ઓફ ચાઇના' તરીકે પણ ઓળખવામાં આવે છે. તેના નામનો અર્થ ચાઇનીઝમાં 'લાલ ધ્વજ' થાય છે. 1958માં સ્થપાયેલ, આ બ્રાન્ડ અગાઉ ફક્ત ચીની નેતાઓ અને ખાસ મહેમાનો માટે બુલેટપ્રૂફ કાર અને લિમોઝીનનું ઉત્પાદન કરતી હતી. આજે પણ, ચીની રાષ્ટ્રપતિ હોંગકી N701નો ઉપયોગ કરે છે. જોકે, કંપની હવે સામાન્ય લોકો માટે પણ લક્ઝરી સેડાન, SUV અને ઇલેક્ટ્રિક વાહનો (EV) બનાવે છે.
છેલ્લા કેટલાક વર્ષોમાં, કંપનીએ સામાન્ય લોકો અને કોર્પોરેટ ગ્રાહકો બંને સુધી તેની પહોંચ વધારી છે. તે પ્રીમિયમ સેડાન (H-Series) અને SUV (HS-Series) વેચે છે, જે મર્સિડીઝ-બેન્ઝ, BMW અને Audi સાથે સ્પર્ધા કરે છે. કંપની ઝડપથી પેટ્રોલ/ડીઝલ વાહનોથી ઇલેક્ટ્રિક વાહનો તરફ આગળ વધી રહી છે.
3.jpg)
