રોયલ એનફિલ્ડે તેની ગેરિલા 450નું અપડેટ લોન્ચ કર્યું છે. કંપનીએ આ બાઇક 2 વર્ષ અગાઉ લોન્ચ કરી હતી. નવા અપડેટની સાથે જ બ્રાન્ડે તેનું નવું વેરિયન્ટ ગેરિલા 450 એપેક્સ પણ લોન્ચ કર્યું છે. બાઇકમાં કોઈ મિકેનિકલ ફેરફાર કરવામાં આવ્યા નથી.
બાઇકના એપેક્સ વેરિયન્ટમાં, હેન્ડલબારને થોડું નીચું (56 મીમી) અને આગળ (57 મીમી) તરફ સેટ કરવામાં આવ્યું છે. આનો અર્થ છે કે બાઇક ચલાવતા, રાઇડર પહેલાની તુલનામાં હવે આગળ તરફ વધું ઝૂકેલું હશે. બાઇકમાં નવા ટાયર પણ ઉમેરવામાં આવ્યા છે. બાઇકની સીધી સ્પર્ધા ટ્રાયમ્ફ સ્પીડ 400 સાથે છે. ચાલો જાણીએ કે તેમાં નવું શું છે અને કિંમત કેટલી છે.
એન્જિન અને પ્રદર્શન
બાઇકમાં એ જ જૂનું 452ccનું લિક્વિડ-કૂલ્ડ એન્જિન આપવામાં આવ્યું છે, જે 40 PS પાવર અને 40nm ટોર્ક ઉત્પન્ન કરે છે. તેમાં 6-સ્પીડ ગિયરબોક્સ છે, જે સ્લિપ-એન્ડ-સિસ્ટ ક્લચ સાથે આવે છે. બાઇકમાં કોઈ મોટા ફેરફાર કરવામાં આવ્યા નથી. તેમાં 43mmનો ટેલિસ્કોપિક ફ્રન્ટ સસ્પેન્શન અને લિંકેજ-ટાઇપ મોનોશોક રીઅર સસ્પેન્શન મળે છે. બાઇકમાં ફ્રન્ટ અને રીઅર ડિસ્ક બ્રેક્સ અને ડ્યૂઅલ-ચેનલ ABS ફીચર આપવામાં આવ્યું છે. તેમાં 4-ઇંચ TFT ડિસ્પ્લે આપવામાં આવી છે જે Google Maps દ્વારા નેવિગેશનમાં મદદ કરશે.
આ ઉપરાંત, ફોન કનેક્ટિવિટી, USB ટાઇપ-C ચાર્જિંગ અને બે રાઇડિંગ મોડ્સ મળે છે. બાઇકનું કર્બ વેટ 185 કિલોગ્રામ છે. તેમાં 11-લીટર ફ્યૂઅલ ટેંક મળે છે, જે નાની છે. કંપની જો મોટી ફ્યુઅલ ટેંક આપતી તો વધુ ફાયદાકારક હોત.
રોયલ એનફિલ્ડ ગેરિલા 450ની કિંમત કેટલી છે
રોયલ એનફિલ્ડ ગેરિલા 450ની કિંમત 2,49,194 રૂપિયા (એક્સ-શૉરૂમ) થી શરૂ થાય છે. તો, ટોપ-એન્ડ વેરિયન્ટની કિંમત 2,72,479 રૂપિયા (એક્સ-શૉરૂમ) છે. તમે આને ઘણા રંગ વિકલ્પોમાં ખરીદી શકો છો. એપેક્સ વેરિયન્ટ રેડ, બ્લેક અને ગ્રીન રંગમાં આવે છે. તો, ડેશ વેરિયન્ટ ટ્વાઇલાઇટ બ્લૂ, શેડો એશ, સ્મોક સિલ્વર અને બ્રોન્ઝમાં ખરીદી શકાય છે. બાઇકનું ટોપ વેરિયન્ટ ફ્લેશ, માત્ર એક જ કલરમાં બ્રાવા બ્લૂમાં આવે છે.
