ટાટા સફારીનો નવો અવતાર બદલશે ડ્રાઇવિંગ અનુભવ, જાણો શું છે ખાસ ફિચર્સ

ટાટા મોટર્સ તેના વ્હિકલ પોર્ટફોલિયોને ઝડપથી અપડેટ કરી રહી છે, તાજેતરમાં જ કંપનીએ તેની નવી Tiago EV બજારમાં લોન્ચ કરી છે. હવે સમાચાર આવી રહ્યા છે કે આવતા વર્ષે માર્કેટમાં Tata Safariનું નવું ફેસલિફ્ટ વર્ઝન રજૂ કરવામાં આવશે. નવી અપડેટેડ સફારીમાં ઘણી અદ્યતન સુવિધાઓ શામેલ થવાની અપેક્ષા છે, તાજેતરમાં તેનુ નવુ મોડલને ટેસ્ટિંગ દરમિયાન જોવામાં આવ્યું છે.

જો મીડિયા રિપોર્ટ્સનું માનીએ તો નવી ટાટા સફારીમાં કંપની એડવાન્સ્ડ ડ્રાઈવર આસિસ્ટન્સ સિસ્ટમ (ADAS) ટેક્નોલોજીનો ઉપયોગ કરી રહી છે. આ SUV જાન્યુઆરી 2023માં યોજાનાર ઓટો એક્સપો દરમિયાન રજૂ કરવામાં આવે તેવી શક્યતા છે. જો આ ટેક્નોલોજીનો ઉપયોગ કરવામાં આવે છે, તો તે ટાટા મોટર્સનું પહેલું વાહન હશે, જેમાં આ ટેક્નોલોજી જોવા મળશે.

નવી સફારીના એક્સટીરિયર અને ઈન્ટીરિયરમાં પણ કોસ્મેટિક ફેરફારો જોવા મળશે. જણાવવામાં આવી રહ્યું છે કે તેમાં કેટલાક નવા ફીચર્સ સાથે ડિજિટલ ડ્રાઈવર ડિસ્પ્લે, મોટી ટચસ્ક્રીન ઈન્ફોટેંમેન્ટ સિસ્ટમ, વાયરલેસ કનેક્ટિવિટી, 360-ડિગ્રી સરાઉન્ડ-વ્યૂ કેમેરા જેવા ફીચર્સ પણ સામેલ કરી શકાય છે. આ સિવાય આ SUVમાં હાલના ફીચર્સ આપવામાં આવશે.

એન્જિન મિકેનિઝમમાં કોઈપણ ફેરફાર થવાની શક્યતાઓ નથી. આ SUVમાં કંપની પહેલાની જેમ જ 2.0-લિટરની ક્ષમતાના ટર્બો-ડીઝલ એન્જિનનો ઉપયોગ કરશે, જે 170PS પાવર અને 350Nm ટોર્ક જનરેટ કરે છે. આ એન્જિન 6-સ્પીડ ટોર્ક કન્વર્ટર અને ઓટોમેટિક ગિયરબોક્સ સાથે આવે છે.

એડવાન્સ ડ્રાઈવર આસિસ્ટન્સ સિસ્ટમ એ મૂળ રીતે ઈલેક્ટ્રોનિક ટેક્નોલોજીનું એક ગ્રુપ છે જે ડ્રાઈવિંગ અને પાર્કિંગ કરતી વખતે ડ્રાઈવરોને મદદ કરે છે. માનવ-મશીન ઇન્ટરફેસ દ્વારા ADAS ટેક્નોલોજી કાર અને માર્ગ સુરક્ષા બંનેને વધારે છે. ખરેખર ADAS નજીકના અવરોધો અથવા ડ્રાઇવરની ભૂલોને શોધવા અને તે મુજબ પ્રતિક્રિયા આપવા માટે સેન્સર અને કેમેરા જેવી ઓટોમેટિક ટેક્નોલોજીનો ઉપયોગ કરે છે.

નવા અપડેટ્સ અને ટેક્નોલોજીના ઉમેરા બાદ આશા છે કે તેની કિંમતમાં થોડો વધારો જોવા મળે. જો કે, આની પુષ્ટિ કરવા માટે અમારે SUVના લોન્ચની રાહ જોવી પડશે. વર્તમાન મોડલની કિંમત 15.45 લાખ રૂપિયાથી લઈને 23.76 લાખ રૂપિયા સુધીની છે. આ SUV ઘણાં વિવિધ વેરિયન્ટ્સમાં આવે છે, જેમાં વિવિધ ફિચર્સ અને ટેક્નોલોજી વિકલ્પો મળે છે.

About The Author

Related Posts

Top News

પંચર રિપેર કરતા પિતાના પુત્રએ IAS પરીક્ષા પાસ કરી, ઇકબાલ અહેમદની એક પ્રેરણારૂપ વાર્તા

યુનિયન પબ્લિક સર્વિસ કમિશન (UPSC)એ મંગળવારે સિવિલ સર્વિસ પરીક્ષા 2024ના પરિણામો જાહેર કર્યા. આમાં, UPના...
Education 
પંચર રિપેર કરતા પિતાના પુત્રએ IAS પરીક્ષા પાસ કરી, ઇકબાલ અહેમદની એક પ્રેરણારૂપ વાર્તા

અમેરિકાના ઉપરાષ્ટ્રપતિ જેડી વેન્સ અને ભારતીય મૂળના ઉષાની લવ સ્ટોરી જાણો

અમેરિકાના ઉપરાષ્ટ્રપતિ જેડી વેન્સ અને તેમના પત્ની ઉષા ચિલુકુરી 4 દિવસના ભારત પ્રવાસે આવેલા છે સાથે તેમના બાળકો ઇવાન, વિવેક...
World 
અમેરિકાના ઉપરાષ્ટ્રપતિ જેડી વેન્સ અને ભારતીય મૂળના ઉષાની લવ સ્ટોરી જાણો

સુપ્રીમ કોર્ટના જજે કહ્યું- મહિલાઓને સ્વતંત્ર રીતે જીવવો દો, તેમની પર વોચ ન રાખો

સુપ્રીમ કોર્ટે દેશમાં મહિલાઓની સુરક્ષાને લઇને ચિંતા વ્યક્ત કરી છે અને સમાજમાં મહિલાઓ વિશેની વિચારધારામાં બદલાવ લાવવાની જરૂરિયાત પર ભાર...
National 
સુપ્રીમ કોર્ટના જજે કહ્યું- મહિલાઓને સ્વતંત્ર રીતે જીવવો દો, તેમની પર વોચ ન રાખો

ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

તારીખ: 25-04-2025 દિવસ: શુક્રવાર મેષ: આજનો દિવસ તમારા માટે વ્યસ્ત રહેશે. તમે તમારા અટકેલા કામને સંભાળી લેશો અને તેને જ...
Astro and Religion 
ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ
Copyright (c) Khabarchhe All Rights Reserved.