સીમા હૈદરને ફિલ્મ ઓફર કરીને ફસાયા અમિત જાની, હવે MNSએ આપી ચેતવણી

પાકિસ્તાની મહિલા સીમા હૈદર પબ્જી રમતા પ્રેમ થયા બાદ સચિન મીણા માટે ભારત આવી ત્યારથી ચર્ચામાં છે. હવે તો તેની પ્રેમ કહાની પર ‘કરાંચી ટૂ નોઇડા’ નામથી ફિલ્મ બની રહી છે, જેના ઓડિશન પણ શરૂ થઈ ચૂક્યા છે. ફાયરફોક્સ પ્રોડક્શન સચિન અને સીમા હૈદરની લવ સ્ટોરી પર ફિલ્મ બનાવી રહ્યું છે. તેણે સીમા હૈદરને પણ ફિલ્મ ઓફર કરી છે, જેના પર રાજ ઠાકરેની પાર્ટી મહારાષ્ટ્ર નવનિર્માણ સેના (MNS) ગુસ્સે ભરાઈ છે અને મેકર્સને ધમકી આપી છે. MNS પાર્ટી તરફથી કહેવામાં આવ્યું છે કે જો એવા તમાશા બંધ ન કર્યા તો રાડા થઈ જશે.

MNS પાર્ટીના સિનેમા વિંગના અધ્યક્ષ આમેય ખોપકરે પોતાના ટ્વીટર હેન્ડલ પર સીમા હૈદર અને સચિન મીણા પર બની રહેલી ફિલ્મના મેકર્સને વોર્નિંગ આપી નાખી છે. તેમણે એક લાંબી-લચાક પોસ્ટ કરી છે, જેમાં તેમણે લખ્યું કે, કોઈ પણ પાકિસ્તાની નાગરિકને ભારતીય ફિલ્મ ઈન્ડસ્ટ્રીમાં કામ કરવાની મંજૂરી ન આપવામાં આવે. અમે પોતાના વિચારો પર કાયમ છીએ કે પાકિસ્તાની નાગરિકને ભારતીય ફિલ્મ ઇન્ડસ્ટ્રીમાં કોઈ પાકિસ્તાની નાગરિકોને ભારતીય ફિલ્મ ઈન્ડસ્ટ્રીમાં કોઈ જગ્યા ન મળવી જોઈએ. સીમા હૈદર એક પાકિસ્તાની મહિલા છે, જે આ સમયે ભારતમાં છે.

पाकिस्तानी नागरिकाला भारतीय चित्रपटसृष्टीत कोणतंही स्थान असता कामा नये, या आमच्या भूमिकेवर आम्ही ठाम आहोत. सीमा हैदर ही पाकिस्तानी महिला सध्या भारतात आहे. ती ISI एजंट आहे अशा बातम्याही पसरल्या होत्या. आमच्या इंडस्ट्रीमधील काही उपटसुंभ प्रसिद्धीसाठी त्याच सीमा हैदरला अभिनेत्री…

— Ameya Khopkar (@MNSAmeyaKhopkar) August 12, 2023

તેમણે આગળ લખ્યું કે, એવા સમાચારો પણ હતા કે તે ISI એજન્ટ હતી. આપણી ઇન્ડસ્ટ્રીના કેટલાક નવા કલાકાર આ જ સીમા હૈદરની પોપ્યુલારિટી માટે એક્ટ્રેસ બનાવવા માગે છે. દેશદ્રોહી નિર્માતાઓને શરમ કેમ આવતી નથી? સાર્વજનિક ચેતવણી આપવામાં આવી રહી છે કે એવા તમાશા તાત્કાલિક બંધ કરે નહીં તો MNSના હુમલા માટે તૈયાર રહો. જો તમે સાંભળતા નથી તો રાડા થઈ જશે. થોડા દિવસ અગાઉ સીમા હૈદરે ઈચ્છા વ્યક્ત કરી હતી કે તે ફિલ્મોમાં સલમાન ખાન અને સની દેઓલ જેવા સ્ટાર્સ સાથે કામ કરવા માગે છે.

હાલમાં જ પ્રોડ્યુસર અમિત જાની સીમા હૈદરને લઈને એક ફિલ્મ અનાઉન્સ કરી હતી, જેનું નામ ‘કરાંચી ટૂ નોઇડા’ છે. રિપોર્ટ્સ મુજબ, સીમા હૈદરે ફિલ્મની શૂટિંગ શરૂ કરી દીધી છે. એટલું જ નહીં મેકર્સે સીમા હૈદરના પૂર્વ પતિ ગુલામ હૈદરને પણ પાકિસ્તાનથી બોલાવી લીધો છે. એક ન્યૂઝ ચેનલ સાથે વાતચીત કરતા અમિત જાનીએ કહ્યું હતું કે, જો ગુલામ ભારત ન આવી શક્યો તો તે પોતાના રાઇટરને સાઉદી અરબ મોકલશે, જ્યાં ગુલામ અત્યારે રહે છે. સીમા હૈદર થોડા અઠવાડિયા અગાઉ ગેરકાયદેસર રીતે પાકિસ્તાનથી ભારતની સીમામાં ઘૂસી ગઈ હતી અને ત્યારથી તે પોતાના પ્રેમી સચિન મીણા સાથે રહે છે.